Ekimen txikiek, elkar hartuta, gauza handiak egin ditzakete
Obducción de la Amenaza / Zirt Zart (Split-ep)
2024
---------------------------------------------------
Musika panorama erraldoia da, helduezina. Horien artean badira foku guztiak bereganatzen dituzten talde handi gutxi batzuk; horren nahian diharduten beste asko, eta ehunka eta ehunka gerizpean. Zaila da burua ateratzea, nabarmentzea, eta horietako askok, gainera, ez dute agerian gelditzea inola ere nahi. Horien adibide dira orriotara ekarri ditudan bi taldeak, honako EPa erdibana kaleratu dutena: Donostialdeko Zirt Zart taldeak Erresistentzia da etorkizuna izendatu du diskoaren bere aldea, Palestinarekin premiazko elkartasunean; eta Iruñaldeko Obducción de la Amenaza taldeak Violencia estructural aukeratu du bere kantu multzoa izendatzeko.
Anarkopunk eszenan kokatu ahal izango genituzke biak –ñabardurekin, jakina– pentsatzeko eta egiteko moduagatik. Eta horren ildoan, ekimen txikiei duten balioa emanez, zinez asmatu dute lan hau editatzen Euskal Herriko zein nazioarteko zigilu eta banatzaile txiki askorekin elkarlanean.
Ez ditugu izen guztiak azalera ekarriko, baina Zirt Zart osatzen dute, beteranoak izateaz gain, aktibo jarraitzen duten Ezin Izan, Anti Regimen, Malos Tiempos eta bestelakoetako kideek. Lau zartatekotan berpiztu egiten dute antigualeko hardcore-punka, hastapeneko Bap!ek, Eskoria-Tzak edo Ezin Izan-ek egingo lukeen tonalitatean, azkar baina mezua beti ulergarri, eta Dead Kennedys-ek izan zuen eromen egituran dantzan gainera.
Obducción de la Amenaza-n, aldiz, aurkitu ditzakegu hiri buruzagian hamarkadatan lan isila baina emankorra egiten aritutako jendea; eta ahots femenino gazteago batek gidatuta hiru pieza utzi dituzte hemen erregistratuta: pop-a hardcore-punkarekin axolagabeki lotzen duen Violencia estructural izeneko pieza itsaskorra; eta neurri batean epikoak, instrumentalki indartsuagoak eta askeagoak ere badiren beste bi kantu.
EPak hitzak batzen dituen liburuxka dakar, euskarara, ingelesera edota gaztelaniara itzulita. Jakina, kritikoak dira gerrekin, etxebizitza espekulazioarekin, turismoaren gehiegikeriarekin eta gaur egun bizi ditugun beste hainbat arazorekin.
Poliorkêtês
Kerobia
Autoekoiztua, 2025
--------------------------------------------------------
Azken aldian, lerrootan asko nabil hausnartzen musikak izan beharko lukeen “misio historikoaz” eta abarrez. Eta, nolabait, zer egin beharko lukeen... [+]
Antifa hardcore
Lee-Kore + Hoben
Autoekoizpena
---------------------------------------------------------
Tamalez ez da ohikoa Arrasaten hardcore kontzertuak egitea, bestelako musika eszenak nagusitzen direlako. Hala bada, joan den larunbatean herriko gazte batzuen... [+]
Bizitza eztia
Verde Prato
Plan B Records, 2024
--------------------------------------------------------------
Ousmane Sembène zinemagile senegaldar ospetsuari galdetu zioten ea bere pelikulak Europan ulertzen ote ziren. Erantzuna, epikoa: “Izan gaitezen... [+]
Bidea da helmuga
Kokein
Balaunka, 2024
--------------------------------------------------
Eibarko rock talde beterano hau familia oso desberdinetako lagunek osatu zuten aspaldi eta ia fisurarik gabe hamarkadatan eutsi dio. Izan ditu atsedenak, gorputzak hala eskatu... [+]
Zuloa
Merina gris
Sonido Muchacho, 2025
-------------------------------------------------------
Euskal Herrian ez da orain arte horrelako musika elektronikorik egin. Esango nuke Merina Grisek historian euskaraz egin den elektronika eta hyperpop diskorik landuena egin... [+]
Bidai on bat
Braulio
Autoekoizpena, 2024
-----------------------------------------------------
Nik ez nioke talde bati Braulio izena jarriko; eta seguruenik inork gutxik hasiko luke lan bat sei minutuko iraupena duen kanta batekin. Baina hauei parra die eta horri esker... [+]
Ultra
La Furia
Baga Biga, 2024
---------------------------------------------------------
Cascanteko La Furia-k bosgarren diskoa plazara atera du. Mimoz eta erraietatik, berarentzat funtsezkoak diren osagai horiekin, prestatu du honako pozima, pozoitsua eta aldi berean... [+]
Zerrautsa
Olaia Inziarte
Panda, 2024
-------------------------------------------
Depresio garaian idatzitako hamalau kanta. Halaxe aurkeztu zuen Olaia Inziartek orain aipatu ezin den euskarazko lehenengo late night-ean. Diskoa irekitzen du Zerrautsa pieza bru-ta-lak... [+]
Alosia
Perlata
Autoekoizpena, 2024
----------------------------------------------------
Arrasateko Perlata taldeak lan berria kaleratu du. Hainbat disko ditu bizkarrean, eta azkeneko lana bere jaioterriko punk, Oi! eta rockaren zubi-lana egindako Jesusi Etxeberria... [+]
Xabier Badiola
Xabier Badiola
Gaztelupeko Hotsak, 2023
-------------------------------------------------
Ea, ba. “Gaur egungo musika” musika deitzen zaio erritmo kutxa elektroniko bat duen edozeri, eta, klaro, horrela ezin da. Lerro hauetan saiatu izan gara... [+]
Nick Linbött
Nick Linbött
Kaset ekoizpenak, 2024
------------------------------------------------
Komiki jantzi vintage-arekin, rock-and-rollaren hastapenaren eta Gerra Hotzaren bizipenak bete-betean bizi izan zituzten belaunaldiko pertsonaia batzuen akorduan,... [+]
Ciudad de Polvo
Sal del Coche
Humo Internacional, 2022
-----------------------------------------------
Tira, jada bukatu denez Gramsci zitatzeko moda, ekarri dezakegu lerro hauetara oportunismo akusaziorik gabe. Are gehiago Sal del Cochekoek ere hala ekartzen badute:... [+]
Deus
Kaskezur
Usopop, 2024
-----------------------------------------------------
Deus dugu galtzeko” diote baztandarrek. Eta hala da. Disfrutatzeko egin dute beti musika, haziz joan diren lau musikari trebeen arteko joko eta jolasean. 2008an taldea sortu zutenetik... [+]
Laberintuak
Maniaks
Autoekoizpena, 2024
------------------------------------------
Ohikoa da gaztaroaren borborrean musika taldeak sortzea, eta non eta Arrasaten are gehiago. Baina talde bat sasoian eusteak esfortzu eta konpromiso handia eskatzen du, eta tira egin ezean... [+]
Ezpatei Disdira!
Tatxers
Humo Internacional, 2024
-----------------------------------------
Pop melodia itsaskorren gerrillariak. Vietcong txikiak nola, bata bestearen atzetik, tranpekin edo tranparik gabe berriz harrapatzen gaituzte Tatxersekoek. Himnogintzaren maisuak,... [+]