Xak: unibertso propio batera atea
XAK
Xak
Mukuru, 2025
---------------------------------------------------------------
Entzun baduzu eta ez bazaizu sobera sartu, esango nizuke: entzun berriro. Nire urteko disko kutunena izango dena egin berri du Paxkal Irigoyen baxenabartarrak, oraingo honetan, XAK izenpean. Eta egin kasu, antzekoa idatzi baikenuen 2021ean Bloñ bere proiektuaz, eta orain ari dira ari, sari eta areto bete.
Badirudi artista multiinstrumentista honek izena sartu duela kutxa batean, eta nahastu, eta hortik atera diren letrekin osatutako izen berria dela XAK. Musikarekin antzekoa egin ohi du Paxkalek: ideia, doinu eta estiloak sartu kutxa batean, nahastu eta hamaika kolore marraztu. Eta a ze kantu ederrak!
Paxkalek beti du buruan entzun ez duzun zerbait entzunaraztea. Belarrientzako formula errazenei iskin egin, eta bueltaxka bat gehiago ematen die kantuei, doinuei eta konponketei, usadio eta konbentzioei ihes egiten. Molde batean ere ez da sartuko, gauzarik txikienetik hasita: “Batzuetan neguan, ez dut orena aldatzen”.
Arrarokeriari lekua egiten dio Paxkalek ahal duen guztietan, baina oraingoan, inoiz egin duen disko politena egitea bilatu duela esango nuke. Politena zentzu estetikoan. Nola den posible moldetik ihes egin eta zerbait pausatu eta polita egitea? Hori Paxkalen magia.
Zeren hau ez da disko bat. Paxkalen unibertsora sartzeko gonbidapen bat da. Lehenengo entzunaldian lortu ez baduzu, joan berriro. Mundu aberats baterako sarbidea da Paxkal, eta gero eta gehiago bidaiatzen utzi, gero eta urrunago egingo duzu hegan.
Lasako Markotx Iribarnek honakoa esan san zuen Leire alabaren hiletan: “Izarrak mugitzen ikustean, kontzertu bat ematen ari zarela jakingo dugu”. XAKen negua eta izarrak presente daude, eta ezinezkoa da ez ulertzea disko hau doluaren zaporetik. Minetik edertasuna marraztu duen diskoa da XAK, eta bihotzari atximur iraunkorraz gain, etorkizun eder bat proposatzen du, ahaztu gabe bizitakoak, geure alboan egon direnak. Ze zortekoak Leire ezagutu genuenak.
Zauriak sendatu, suak piztu ditu mendietan Paxkalek –eta lagun garaztarrek–, “gauaren ilunean argi dezaten zerua”. Eta helburu eta aitortza: “Zu ziren lekutik ikus ditzazun, jakin dezazun, / Oraindik zure beha nizala oroitzapenetan”.
It's on
JOHN DEALER & COCONUTS
Ghost Highway, 2025
------------------------------------------------------
Adin batetik aurrera kontzertuak, diskoak eta kantuak bizkarrean eta burmuinean pilatuta, eta musika entzuteko denbora murritzagoa bilakatuta, taldeak bilatu... [+]
Esperoan
Hiuzz
Autoekoizpena (egun motelak kolektiboa), 2024
Ohartu gabe igarotzen diren taldeen multzoa gero eta handiagoa da, edo inoiz baino handiagoa, behintzat. Hiuzz taldearen Esperoan lanak hilabete batzuk... [+]
Obducción de la Amenaza / Zirt Zart (Split-ep)
2024
---------------------------------------------------
Musika panorama erraldoia da, helduezina. Horien artean badira foku guztiak bereganatzen dituzten talde handi gutxi batzuk; horren nahian diharduten beste asko,... [+]
Poliorkêtês
Kerobia
Autoekoiztua, 2025
--------------------------------------------------------
Azken aldian, lerrootan asko nabil hausnartzen musikak izan beharko lukeen “misio historikoaz” eta abarrez. Eta, nolabait, zer egin beharko lukeen... [+]
Antifa hardcore
Lee-Kore + Hoben
Autoekoizpena
---------------------------------------------------------
Tamalez ez da ohikoa Arrasaten hardcore kontzertuak egitea, bestelako musika eszenak nagusitzen direlako. Hala bada, joan den larunbatean herriko gazte batzuen... [+]
Bizitza eztia
Verde Prato
Plan B Records, 2024
--------------------------------------------------------------
Ousmane Sembène zinemagile senegaldar ospetsuari galdetu zioten ea bere pelikulak Europan ulertzen ote ziren. Erantzuna, epikoa: “Izan gaitezen... [+]
Bidea da helmuga
Kokein
Balaunka, 2024
--------------------------------------------------
Eibarko rock talde beterano hau familia oso desberdinetako lagunek osatu zuten aspaldi eta ia fisurarik gabe hamarkadatan eutsi dio. Izan ditu atsedenak, gorputzak hala eskatu... [+]
Zuloa
Merina gris
Sonido Muchacho, 2025
-------------------------------------------------------
Euskal Herrian ez da orain arte horrelako musika elektronikorik egin. Esango nuke Merina Grisek historian euskaraz egin den elektronika eta hyperpop diskorik landuena egin... [+]
Bidai on bat
Braulio
Autoekoizpena, 2024
-----------------------------------------------------
Nik ez nioke talde bati Braulio izena jarriko; eta seguruenik inork gutxik hasiko luke lan bat sei minutuko iraupena duen kanta batekin. Baina hauei parra die eta horri esker... [+]
Ultra
La Furia
Baga Biga, 2024
---------------------------------------------------------
Cascanteko La Furia-k bosgarren diskoa plazara atera du. Mimoz eta erraietatik, berarentzat funtsezkoak diren osagai horiekin, prestatu du honako pozima, pozoitsua eta aldi berean... [+]
Zerrautsa
Olaia Inziarte
Panda, 2024
-------------------------------------------
Depresio garaian idatzitako hamalau kanta. Halaxe aurkeztu zuen Olaia Inziartek orain aipatu ezin den euskarazko lehenengo late night-ean. Diskoa irekitzen du Zerrautsa pieza bru-ta-lak... [+]
Alosia
Perlata
Autoekoizpena, 2024
----------------------------------------------------
Arrasateko Perlata taldeak lan berria kaleratu du. Hainbat disko ditu bizkarrean, eta azkeneko lana bere jaioterriko punk, Oi! eta rockaren zubi-lana egindako Jesusi Etxeberria... [+]
Xabier Badiola
Xabier Badiola
Gaztelupeko Hotsak, 2023
-------------------------------------------------
Ea, ba. “Gaur egungo musika” musika deitzen zaio erritmo kutxa elektroniko bat duen edozeri, eta, klaro, horrela ezin da. Lerro hauetan saiatu izan gara... [+]
Nick Linbött
Nick Linbött
Kaset ekoizpenak, 2024
------------------------------------------------
Komiki jantzi vintage-arekin, rock-and-rollaren hastapenaren eta Gerra Hotzaren bizipenak bete-betean bizi izan zituzten belaunaldiko pertsonaia batzuen akorduan,... [+]
Ciudad de Polvo
Sal del Coche
Humo Internacional, 2022
-----------------------------------------------
Tira, jada bukatu denez Gramsci zitatzeko moda, ekarri dezakegu lerro hauetara oportunismo akusaziorik gabe. Are gehiago Sal del Cochekoek ere hala ekartzen badute:... [+]