Jaurlaritzaren berriztagarrien planari 4.000 alegazio aurkeztu dizkiote
Eusko Jaurlaritzaren Gasteizko egoitza aurrean elkarretaratu dira talde ekologista ugari ostegun honetan, zentral eolikoen eta poligono fotovoltaikoen garapen "kolosala" ekarriko lukeen Energia Berriztagarrien Lurralde Plan Sektorialari alegazioak aurkeztearekin batera: "Zalantzarik gabe erabaki historikoen aurrean aurkitzen gara, energia trantsizioari dagokionez".
Hainbat talde ekologista eta mugimendu elkartzen dituen Lurraren Defentsan, Euskal Herria Bizirik ekimenak elkarretaratzea egin du ostegun goizean, Eusko Jaurlaritzak Gasteizko Lakua auzoan duen egoitza nagusiaren atarian.
Horrekin batera Jaurlaritzak tramitean duen Energia Berriztagarrien Lurralde Plan Sektorialari (LPS) egindako alegazioak aurkeztu dituzte, "Araban, Bizkaian eta Gipuzkoan hamarnaka zentral eoliko eta eskala handiko poligono fotovoltaiko ezartzea aurrikusten duen plan hori bertan behera utz dadin eskatzeko".
Denera 4.000 alegazio baino gehiago aurkeztu dizkiote LPSari, Naiz.eus-ek jaso duenez, horietatik 3.500 inguru Euskal Herria Bizirik ekimenak bideratu ditu. Aurkezpenean, Rebeka González de Alaizak eta Mikel Alvarezek hitz egin dute, eta esan dute halako plan baten tramitazioa "zetzugabea" dela, energia enpresa handiei eta inbertsio funtsei mesede egiten dien eredu bat bultzatzen duelako.
ARGIAk alegazioaren txostena eskuratu ahal izan du, eta bertan egileek hainbat arlotan nabarmendu dituzte planak eragingo lituzkeen kalteak eta prozedurak berak dituen akatsak.
Ezarritako helburuak hirukoiztu
Hala, alegazioaren arabera, Energia Jasangarritasunaren Lege autonomikoak "energiaren tokiko gestio komunitarioa" bultzatu nahi badu ere, azkenerako plan horrek "eskala handiko azpiegituren" menpe jartzen du arestiko asmo hori.
Egungo estrategia energetikoan ezarritako helburuak –energia produkzioari dagokionez– hirukoiztu egiten ditu berriztagarrien planak, 3,4 GWh-tik 11,5 GWh-ra
Are gehiago, egungo estrategia energetikoak jarritako helburuak –energia produkzioari dagokionez– hirukoiztu egiten ditu berriztagarrien LPSak, 3,4 GWh-tik 11,5 GWh-ra: "Justifikaezina da administrazioak bultzaturiko plan batek, egungo energia estrategian administrazio horrek berak ezarritako aurreikuspenak modu horretan gainditzea".
Zentral eolikoek eta fotovoltaikoek eragingo lituzkeen ingurumen kalteak ere xehatzen ditu alegazio txostenak: paisaiari, landareriari eta faunari, bioaniztasunari eta ondare kulturalari eragingo lizkiokeen kalteak, besteak beste: "MW berdeen mitoak, trantsizio energetikoak eta ekonomiaren deskarbonizazioak errealitate ez hain heroiko bat ezkutatzen dute, errelato ofizialak esaten duen bezain 'jasangarria' ez dena", dio Gasteizen talde ekologistek aurkezturiko txostenak.
Erabaki historikoak
Prozeduraren inguruan dauden akatsak eta hutsuneak ere salatu dituzte alegazioaren egileek. Esaterako, LPSa egiteko aurkezturiko eta informazio publikoan jarritako planoen kalitate eskasa.
Azken finean, Euskal Herria Bizirik ekimenaren ustez, "zalantzarik gabe erabaki historikoen aurrean aurkitzen gara, energia trantsizioari dagokionez".
Gogorarazi dute munduko analista ugari ohartarazten ari direna: hurrengo hamarkadatan egungo gizartearen kontsumo energetikoa %80 jaitsi behar izango dela, eta testuinguru horretan energia berriztagarriak erabili daitezkeela gizarte "hiperindustriala" mantentzeko –zentral eolikoen eta fotovoltaikoen garapen "kolosal" batekin– edo beste eredu ekonomiko eta sozial bat sortzeko, energia kontsumoaren ikuspegitik ez hain intentsiboa eta komunitateen benetako beharrak asetuko dituena.
Sentitzen dut, baina kosta egiten zait sinestea. Yeray Alvarez Athleticeko jokalariak analisi batean positibo eman izanak berriro azaleratu du kirolean existitzen den dopinaren inguruko eztabaida. Eliteko kirolean, hobeto esanda; eta horra hor auziaren gakoa. Kirolari... [+]
Herritar talde batek bainua hartzen zegoela gorpua aurkitu eta Polizia deitu zuen. Iruñera eraman dute gorpua autopsia egiteko, eta heriotzaren zergatia argitzeko. Gizonak 51 urte zituen.
Arabiar Emirerri Batuen bitartekaritzarekin lortu dute preso trukea gauzatzea. Zelenskik adierazi du Ukrainak "askatasunaren alde" borrokatzen jarraituko duela, herrialdeak independentzia aldarrikatu zuenetik 34 urte bete direnean: "Bakea behar dugu, eta gure... [+]
Gazako osasun zentro nagusia bonbardatu du Israelek. Hildakoen artean lau kazetari daude, Reuters, AP, Al Jazeera eta NBCkoak.
Futbola herriaren opioa zela zioten batzuk; garrantzitsuak ez diren gauzetan garrantzitsuena dela pentsatzen dute hainbatek; kapitalismo basatienarekin lotzen duenik ere bada… Nire iritziz, gizartearen isla soila da; herritarron gabezia eta arazo askoren isla.
Ez zait... [+]
Hizkuntzalari ospetsu José Ignacio Hualdek hiru joera nagusi bereizi ditu euskaldun berrien artean, batuarekiko harremanari dagokionez: euskalki biziko herrietan, gazteek etxean euskalkia darabilte eta eskolan batua; gaztelaniaz hitz egiten den hiriguneetan, gehienek batua... [+]
Azkenaldian buruari bueltak ematen ari natzaio, hezkuntza publikoaren egoerari. Aurtengo ikasturteko greba garaiak pasa dira eta lan hitzarmen berria sinatu zela denboratxo bat igaro da. Irakasleoi, onerako eta txarrerako, garai hartako odol beroa hoztu zaigula esango nuke. Ez... [+]
Ez diote ezeri muzin egin nahi opor giroan: natura, aisialdia eta gogoeta izango dira ardatz Euskaltzale Independentisten Akanpadan, abuztuaren 25etik 31ra.
AEBetako Estatu idazkari Marco Rubio astelehenean biltzekoa da Israelgo atzerri ministro Israel Katzekin, su-etenerako akordioez mintzatzeko. IPC Jakien Segurtasunaren Faseen Sailkapen Integratuak agentziak ostiralean kaleratutako txosten batek ohartarazi du Gazan gosete... [+]
Martxan daude okzitanieran jatorria duen hizkuntza berpizteko hainbat ekimen. Ipar Euskal Herrian galzorian dagoen hizkuntza da gaskoia; aurreko mende hasieran galdu zen Hego Euskal Herrian.
Sahara hegoaldeko gizonak, emakumeak eta adin txikikoak zeuden txalupan. Merkataritza ontzi batek jitoan zebilen txalupa ikusi, soka bat lotu, eta laguntza eskatu zuen.
Gaixoaldi baten ondorioz, 65 urterekin hil da Daniel Larrea Mendizabal.
Azken zortzi urteotan 30 bunker inguru berreskuratu dituzte dozenaka gazte boluntariok; Baztanen, Otsondon, izan da azkena. Ana Ollo kontseilariak bisitatu du auzolandegia eta gazteen ezinbesteko lana txalotu eta eskertu du.
95 urte bete zituela zendu zen Maite Maniort Hennebutte, 2025eko uztailaren 10ean.
Jose Manuel Gorospe Meagas aktore eta kultur ekoizle donostiarra zendu da, 81 urterekin, Madrilen. Bizitza osoa antzerkiarekin eta ikus-entzunezkoen munduarekin era batera edo bestera lotuta pasatu zuen Gorospek, eta, besteak beste, Euskadiko Filmategiaren sortzaileetako bat... [+]