Presoen eskubideen aldeko ekitaldi bat Fiskaltzara eraman du Gasteizko alkate berriak
Judimendi auzoko festetan “auzoko presoen eskubideen alde” antolatutako ekitaldia eta brindisa ikertzeko eskatu dio Fiskaltzari PSEko Maider Etxebarriak, “delitua dagoen iker dezan, eta, egotekotan, jurisdikzio penalera bideratu dezan”. Udalaren diru-laguntzak bueltatu arazteko aukera dagoen ikertuko du udalak bere aldetik.
Ekainaren 17ko larunbatean hartu zuen alkate kargua Maider Etxebarriak, EAJrekin gobernu akordioa egin ostean eta PPko zinegotzien botoei esker. Iragan ostiralean eman zuen osoko bilkuraren osteko bere estreinako prentsaurrekoa. Ordurako, Covitek edo PPk eskatua zioten alkateari “eragotzi” zezala ostiralean bertan egitekoa zen presoen aldeko brindisa. San Joan gauean eta Judimendi auzoko festen programazioaren barnean zeuden iragarrita, lehenik “ez daudenengatik kalejira”, eta jarraian “auzoko presoen eskubideen aldeko ekitaldia eta brindisa”.
Prentsaurrekoan “eskandaluagatik” galdetu ziotenean, Etxebarriak jakinarazi zuen ekitaldia eta brindisaren berri eman diola Fiskaltzari, “delitua dagoen iker dezan, eta, egotekotan, jurisdikzio penalera bideratu dezan”. PSE-EAJ udal gobernuaren izenean hitz egin zuen: “Gobernu honi nazkagarria iruditzen zaio une honetan ETAko kideak goratzearekin lotutako gai bat aurkitzea”.
Gasteizko alkateak iragarri zuen ere udalak espedientea irekiko duela, auzoko jaiei eman zaizkien diru-laguntzen erabilera ikertu eta baloratzeko dirua bueltatzea eskatu daitekeen edo ez. “Irmoa izan nahi dut: oso argi gera dadila udal honek ez duela horrelako ekintzarik diruz laguntzen”.
Gorka Urtaranek berdina egin zuen
“Ez da lehenbiziko aldia Judimendiko jaiekin antzeko polemika sortzen dela”, gogoratu du Etxebarriak. 2018an Gorka Urtaran alkate jeltzaleak salatu zuen Fiskaltzan auzoko hiru presoren euskal herriratzearen aldeko ekitaldia.
Jose Mari Dorronsoro preso politikoak Frantziako Estatuan bete zuen zigorra aintzat hartu ondoren, aske utzi zuten abuztuan, Etxerat elkarteak jakinarazi duenez.
Urtero legez, hitzordua izan dute igandean Sare eta Etxerat elkarteek Hego Euskal Herriko 11 hondartzatan. Euskal preso, iheslari eta deportatuak etxeratzearen aldeko aldarriak egin dituzte.
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
Hirugarren graduan dagoen preso baten eta bere ilobaren mendi bueltan girotutako laburmetraia aurkeztu du Hatortxurockek. Kalera irteten diren presoei harrera duina emateko beharra aldarrikatu nahi dute lan honekin.
Jesus Maria Gomez Ezkerro 'Txutxo', 2001eko urtarrilean atxilotu zuten, 2021ean hirugarren gradua ezarri zioten, eta 2023ko otsailean baldintzapeko askatasuna eman zioten. 24 urte geroago aske geratu da.
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
"Euskal Herriaren jazarpena elikatzen du Euskal Herriaren bakearen bidean egindako akordiotzat saldu duten honek", adierazi dute larunbatean Arrasaten eginiko prentsa agerraldian.
Kartzelan 27 urte egon eta gero askatasunean geratu dela iragarri du Etxerat elkarteak.
Eusko Jaurlaritzak 2022an eskuratu zuen Zaballako (Araba), Basauriko (Bizkaia) eta Martuteneko (Gipuzkoa) kartzelen gaineko eskumena, eta ordutik uhalen edo eskuburdinen bidez loturik izan dituzten pertsonen inguruko datu batzuk eman ditu Maria Jesus San Jose (PSE-EE) sailburuak... [+]
Nafarroako espetxean dauden pertsonen bizi baldintzak aztertu ditu elkarteak. Ondorioztatu du Nafarroako Gobernua kartzelaren kudeaketaz arduratu beharko litzatekeela.
Espainiako Auzitegi Goreneko Fiskaltzak, Iratxe Sorzabal atxiloturik egon zenean "tratu gizagabeak" eman zizkiotela aitortzen duen epaia baliogabetzea eskatu du, eta berriz epaitu dezatela nahi du, 1995ean Irunen jarritako lehergailu baten harira.
PPk Senatuan proposatu du, gainera, euskal preso politikoek damua erakutsi behar izateko xantaia areagotzea.
Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen... [+]
Antolakunde "antierrepresiboak" ekainaren 7an Amnistia Eguna antolatu du Senperen. Eguna aldarriz josteko, egun osoko egitaraua antolatu dute. Nazioarteko beste erakunde batzuekin eta Aroztegiko Komitearekin mahai inguruak antolatu dituzte.
Ekimena larunbatean abiatuko da, Lesakatik, eta igandean amaituko da, Iruñean. Behin betiko konponbidea eskatzeko eta oraindik etxerako bidea egiteko duten presoen eskubideak aldarrikatzeko, orotara 544 kilometro egingo dituzte. Ekimena aurkezteko agerraldia... [+]