Bilobak baleki…
La Banda del Abuelo elkargunea rara avis-a da zentzu askotan: adinez nagusi samarrak zirela batu ziren taldea sortzeko, eta haien alde inork ezer ere eman ez zuenean, arrasatearrak ausardia osoz hasi ziren kontzertuak egiten moldeak eta belarri-zuloak apurtzen (haienak tartean). Punk, gaztetxe eta kontrainformazio katakunbetan hazitako lagun hauek betidanik erakutsi dute, haien bailaran beste inork ez bezala punk jarrera eta izaera, eta hard-rock saiakeratik hurbil dagoen soinua. Hitzak desberdinak, irakurriak, buelta dezente emandakoak eta, jakina, oso (auto)kritikoak industria, bekaizkeria eta handinahia jaun eta jabe den honetan.
Kantuak lokalean hala moduz grabatu, kopiak egin eta lagunen artean banatzea izan zen luzaroan haien praktika ohikoa. Hori eta igandeetan instrumentuak eta haien erabilera ia zerotik ikasteko aitzakiapean egin izan dituzten entsegu-makinazioak. Duela bospasei urte, baina, Rock-and-rolla mailu bat da izeneko CD-liburua kaleratu zuten, aurkezpen zainduarekin eta taldeko kide eta letrista den Josu Arteagaren zortzi kontakizun adierazgarri batuta.
Urteotan isil antzean egon dira oso-oso kontzertu gutxi, zulo ilunenetan aukeratutakoak, eginez, eta hara non pandemia zikinetik are eta amorratuago bueltatu diren (ez genuen kontrakoa espero!). Izan ere, haien kabuz –eta dotore– grabatu dituzte lokalean zortzi kantu berri gitarra jotzailearen gidaritzapean, eta Xabier Atxa artista herrikide arrasatearrak landutako artelanean bildu dute.
Aldaketa nabarmenena da Anek momentuz taldea utzi duela, eta okasio honetarako Jaime Lizaranzu armonika jotzaile beteranoa batu zaiela. Bestalde, lortu dute –iraganekoarekin alderatuta– definizio handiagoko soinua, eta punk-rock eta jatorrizko hard-rockaren arteko ezinezko mugan jarraitzen badute ere, Josuk beti presente izan dituen Lemmy eta Xabi Garre-ren erregistroetatik hurbilago dabil orain. Ñabardura handiko emaitza, soila baina aldi berean kateatzeko zaila: gitarra zorrotzak, erritmo ia tribalak, rock and roll gordina eta psikodeliara hurbilketa.
Goizegi Hiltzeko
Ødei
Autoekoizpena, 2025
53 min.
Ulertzen nauten herrian ez da musika hau entzuten. Rap musikak akaso urte okerragoak izan ditu Euskal Herrian, baina oraindik ez da beste batzuen altuerara heldua. Denentzat ditu koplak Odei Barroso... [+]
Zatitxu 7
Zikin
Mendeku diskak, 2025
-------------------------------------------------------------
Aurten ere, udarekin batera dator Zikinen lan berria, esanez bezala: berdin zait oporrek hartzen bazaituzte Elantxoben, Belaguan edo Copacabanan. Eguraldi onak ez du egoera... [+]
Alegoría del mal
Rat-zinger
Kasba Music, 2025
--------------------------------------------------------------
Apokalipsiaren aurreko garai ustel hauetan, non eskuin atzerakoienak lortu duen bere diskurtsoa erdian jartzea, erabat ezabatuta dagoen gizarte batean,... [+]
C.R.I.N.G.E
Azuleja
Le Royale, 2024
--------------------------------------------------------------------
Bai, ia beti euskal taldeak dira lerro hauetan intereseko. Guretzat, eta zuentzat. Baina pixka bat epifania moduan, Amabirjina ikusi duenak nola, hala daukat... [+]
Norabide bakarrean
721-Gogor Gabiltza
Autoekoizpena, 2025
---------------------------------------------------------
Askotan, guraso garenon kezka bat da ea seme-alabek gure aholku edo "txapak" aintzat hartuko dituzten, jakitun izanda, era berean, guri kontra... [+]
Miruenea
Mirua
Oso polita, 2025
--------------------------------------------------------------
Bi urtez egon dira lanean Miruakoak “inoiz egin duten proiektu garrantzitsuena” aurkezteko: Miruenea. Eta, egia da, gaur egun artista guztiek dioten arren... [+]
Dirudienez
Karma
Autoekoizpena, 2025
--------------------------------------------------------
Mugatzat ez badugu ere, muga da askotan Bidasoa; kulturala, informazioarena… Eta beste aldekoa urrun gelditzen zaigu. Bada, gogoa eta laguntasuna dira muga apurtzaile... [+]
XAK
Xak
Mukuru, 2025
---------------------------------------------------------------
Entzun baduzu eta ez bazaizu sobera sartu, esango nizuke: entzun berriro. Nire urteko disko kutunena izango dena egin berri du Paxkal Irigoyen baxenabartarrak, oraingo honetan, XAK... [+]
It's on
JOHN DEALER & COCONUTS
Ghost Highway, 2025
------------------------------------------------------
Adin batetik aurrera kontzertuak, diskoak eta kantuak bizkarrean eta burmuinean pilatuta, eta musika entzuteko denbora murritzagoa bilakatuta, taldeak bilatu... [+]
Esperoan
Hiuzz
Autoekoizpena (egun motelak kolektiboa), 2024
Ohartu gabe igarotzen diren taldeen multzoa gero eta handiagoa da, edo inoiz baino handiagoa, behintzat. Hiuzz taldearen Esperoan lanak hilabete batzuk... [+]
Obducción de la Amenaza / Zirt Zart (Split-ep)
2024
---------------------------------------------------
Musika panorama erraldoia da, helduezina. Horien artean badira foku guztiak bereganatzen dituzten talde handi gutxi batzuk; horren nahian diharduten beste asko,... [+]
Poliorkêtês
Kerobia
Autoekoiztua, 2025
--------------------------------------------------------
Azken aldian, lerrootan asko nabil hausnartzen musikak izan beharko lukeen “misio historikoaz” eta abarrez. Eta, nolabait, zer egin beharko lukeen... [+]
Antifa hardcore
Lee-Kore + Hoben
Autoekoizpena
---------------------------------------------------------
Tamalez ez da ohikoa Arrasaten hardcore kontzertuak egitea, bestelako musika eszenak nagusitzen direlako. Hala bada, joan den larunbatean herriko gazte batzuen... [+]
Bizitza eztia
Verde Prato
Plan B Records, 2024
--------------------------------------------------------------
Ousmane Sembène zinemagile senegaldar ospetsuari galdetu zioten ea bere pelikulak Europan ulertzen ote ziren. Erantzuna, epikoa: “Izan gaitezen... [+]
Bidea da helmuga
Kokein
Balaunka, 2024
--------------------------------------------------
Eibarko rock talde beterano hau familia oso desberdinetako lagunek osatu zuten aspaldi eta ia fisurarik gabe hamarkadatan eutsi dio. Izan ditu atsedenak, gorputzak hala eskatu... [+]