Besarkatu nazazu gehiago
Siempre me siento regular
Chuleria joder!
Autoekoizpena, 2025
--------------------------------------------------
Aspaldian entzun diot bati baino gehiagori Bizkaiko Ezkerraldeko Chuleria, Joder! taldea ez dela hain punkia, abeslariak aurretik izan zuen Desorden taldearekin alderatuta. Bueno, Desorden punk taldea zen erabat eta Iratxek 17 urte zeuzkan orduan. Hala ere, bada Euskal Herrian gaur egun Iratxe baino abeslari punkiagorik? Ezetz esango nuke. Eta, are gehiago, zer da ba punka? Eta zer ez?
Hasteko Chuleria, Joder! beste talde bat da, erabat desberdina, Iratxe, Antton, Myriam eta Enekok osatzen dutena. Taldearen sorreratik erakutsi zuten, punk-rockaz gain, poesia, bai poesia, kaleko izaera eta rocka zentzu zabalagoan landu nahi zutela. Zuzeneko oso biziekin, agertoki edo espaloi muturrak banan-banan borrokatu eta irabazi dituzte.
2024an Urbe izeneko disko lotsagabea eta aurreiritzi apurtzailea grabatu eta kaleratu zuten. Ordutik jarraitu dute non-nahi jotzen eta aurten Siempre me siento regular bigarren lan luzea erditu dute, hau ere Haritz Harreguy estudioan. Haien punk izaera ezbaian jartzen dutenen alde, egia da batzuetan taldearen eskaintza punk musika estilo hertsitik aldentzen dela nahita, jakina.
Hala ere, diskoa La primavera punk-rock azkar eztandak zabaltzen du, melodia sarkorra barrenean iltzatuta daukana eta intentsitatea biderkatzen duena. Regular-ek uztartzen du intro surferoa, Volquete-ren marka, riff rockeroak eta iluntasuna. Juliana hit-a da, instrumentalki eta erritmoz ondo jantzitako pieza rockero indartsua, ukitu ‘kanalla’ ere baduena. Maitia-n, ausartagoa, probatu dituzte bestelako sonoritate eta tenpoak eta emaitza oso interesgarria da. Pilas alcalinas kantu indartsuak dauka RIPen DNA: inor bizirik utziko ez duen punk-rock erasokorra. Nazka-n, Miren Narbaizak eta Joseba B. Lenoirrek aberastuta, Iratxek bestelako erregistroak erakutsi dizkigu eta, jakina, emaitzak amorru, indar eta dotorezia batzen ditu maisuki. Bukatzeko-edo, No es el fin-ek batzen ditu Dead Kennedysen pareko erritmo jolas eta irmotasuna, eta bizkaitar hauen esentzia
Ixo eta bizi!
Gailu
Bidehuts, 2025
------------------------------------------------------------------------------------------------------
Aresti hilda dago. Eta bere oinordekotza baita ere. Gailuk argi du: “Harrizko herri zena / negar herri bihurtu da eta, / hala, iduri... [+]
Etxea
Nhil
Autoekoizpena, 2025
------------------------------------------------------------
Etxea du izena Nhil taldearen hirugarren diskoak. Taldekideek azaldu dutenez, “etxea” baita taldea haientzat, eta entzulearentzat ere hala izatea nahi dute. Zazpi... [+]
Goizegi Hiltzeko
Ødei
Autoekoizpena, 2025
53 min.
Ulertzen nauten herrian ez da musika hau entzuten. Rap musikak akaso urte okerragoak izan ditu Euskal Herrian, baina oraindik ez da beste batzuen altuerara heldua. Denentzat ditu koplak Odei Barroso... [+]
Zatitxu 7
Zikin
Mendeku diskak, 2025
-------------------------------------------------------------
Aurten ere, udarekin batera dator Zikinen lan berria, esanez bezala: berdin zait oporrek hartzen bazaituzte Elantxoben, Belaguan edo Copacabanan. Eguraldi onak ez du egoera... [+]
Alegoría del mal
Rat-zinger
Kasba Music, 2025
--------------------------------------------------------------
Apokalipsiaren aurreko garai ustel hauetan, non eskuin atzerakoienak lortu duen bere diskurtsoa erdian jartzea, erabat ezabatuta dagoen gizarte batean,... [+]
C.R.I.N.G.E
Azuleja
Le Royale, 2024
--------------------------------------------------------------------
Bai, ia beti euskal taldeak dira lerro hauetan intereseko. Guretzat, eta zuentzat. Baina pixka bat epifania moduan, Amabirjina ikusi duenak nola, hala daukat... [+]
Norabide bakarrean
721-Gogor Gabiltza
Autoekoizpena, 2025
---------------------------------------------------------
Askotan, guraso garenon kezka bat da ea seme-alabek gure aholku edo "txapak" aintzat hartuko dituzten, jakitun izanda, era berean, guri kontra... [+]
Miruenea
Mirua
Oso polita, 2025
--------------------------------------------------------------
Bi urtez egon dira lanean Miruakoak “inoiz egin duten proiektu garrantzitsuena” aurkezteko: Miruenea. Eta, egia da, gaur egun artista guztiek dioten arren... [+]
Dirudienez
Karma
Autoekoizpena, 2025
--------------------------------------------------------
Mugatzat ez badugu ere, muga da askotan Bidasoa; kulturala, informazioarena… Eta beste aldekoa urrun gelditzen zaigu. Bada, gogoa eta laguntasuna dira muga apurtzaile... [+]
XAK
Xak
Mukuru, 2025
---------------------------------------------------------------
Entzun baduzu eta ez bazaizu sobera sartu, esango nizuke: entzun berriro. Nire urteko disko kutunena izango dena egin berri du Paxkal Irigoyen baxenabartarrak, oraingo honetan, XAK... [+]
It's on
JOHN DEALER & COCONUTS
Ghost Highway, 2025
------------------------------------------------------
Adin batetik aurrera kontzertuak, diskoak eta kantuak bizkarrean eta burmuinean pilatuta, eta musika entzuteko denbora murritzagoa bilakatuta, taldeak bilatu... [+]
Esperoan
Hiuzz
Autoekoizpena (egun motelak kolektiboa), 2024
Ohartu gabe igarotzen diren taldeen multzoa gero eta handiagoa da, edo inoiz baino handiagoa, behintzat. Hiuzz taldearen Esperoan lanak hilabete batzuk... [+]
Obducción de la Amenaza / Zirt Zart (Split-ep)
2024
---------------------------------------------------
Musika panorama erraldoia da, helduezina. Horien artean badira foku guztiak bereganatzen dituzten talde handi gutxi batzuk; horren nahian diharduten beste asko,... [+]
Poliorkêtês
Kerobia
Autoekoiztua, 2025
--------------------------------------------------------
Azken aldian, lerrootan asko nabil hausnartzen musikak izan beharko lukeen “misio historikoaz” eta abarrez. Eta, nolabait, zer egin beharko lukeen... [+]