Mambo ibaiertzean!
aurre egingo dieten hedabide independenteak
Laugarren eta azken gaua genuen Txantreako festetan. Auzokideen nekea agerikoa zen, logikoa, aurtengoak luzeak eta gogorrak izan baitira. Baina, hala ere, gorputzak astintzeko adina gogo bazen oraindik ere.
Lukiek taldeak ireki zuen Festaleku gunea iluntzean. Hotz hasieran, baina umoretsu eta giro ederrean amaitu zuten zuzenekoa. Berandu heldu zen jende asko, Baigorriko Nafarroaren Egunetik akaso. Jaietako kontzertu handiena izango zena hasi aurretik, ordea, plaza goraino bete zen. Espektatiba handia zegoen, inondik inora, Goxua’n Salsa ikusteko. Ez da gutxiagorako, izan ere, zaila izaten da halako taldeak gune herrikoietan ikusi ahal izatea, eta eskertzekoa da taldekideek izan zuten prestutasuna.
Oholtzara igo ziren hamasei musikariak, zuri-zuri jantzirik, ohiko modura. Agurrak, txaloak eta txistuak. Publiko erraza zuten, eta lehen akordetik azkenera dantzan aritu ziren, bai musikariak, bai parrandazaleak ere.
Aurreko batean Amets Arangurenek aipatzen zuen bere kroniketako batean ez dela bertsioen zale, edo ez behintzat beti. Iruñeko salsa banda honek egin duena, berriz, ikaragarria iruditzen zait niri; baina ni ez naiz musikan aditua, beraz, ez gehiegi kontuan hartu. Oso polita iruditzen zait Gatiburen Lorak eskaintzen, eta Berri Txarraken Bueltatzen mitikoak doinu eta ahoskera latinoarekin entzutea, haiek gurera eta gu haienera gerturatzeko modu bat izateaz gain.
Baina momenturik izan bazen benetan magikoa, hori Aldazena izan zen. Denok espero genuen gure auzoari eskainitako Del puente para allá kanta-egokitzapena, ez ordea, gure erraldoien eta kilikien konpartsako Piripi igoko zenik. Kantuak irauten duen sei minutuetan, errapasoa eman zioten goitik behera hemengo leku eta ohitura kuttunei, eta argi utzi zubiaren alde honetan, ezer baino gehiago, txantrearrak garela. Amaitutakoan aldarrikapen mezuak bota zituen buruhandiak, eta gisa guztietako erasoak salatu.
Jarraian etorri zen DJ Pezón bikotea. Hauek jada tradizio bihurtu dira gurean eta jai queerrikoiei amaiera eman zieten, gerri-kolpez, bata bestearen atzetik.
Askorako eman duten festek, baina igandeko giroa nabarmenduko nuke, eta aipatu katuak dioena ezin hobeki laburbiltzen du: mambo, mambo, mambo ibaiertzean!
Rodeo eta Dena
Non: Bilboko Kafe Antzokian
Noiz: irailaren 18an
--------------------------------------------
Bilbo, sargoria, udako azken ostegunez. Bihotz Sakratuaren plaza bete dute Palestinaren aldeko oihuek, enegarrenez. Kilometro pare bat harago, Mariaren... [+]
EMPTY FILES + MOXAL & MIREN NARBAIZA
Non: Bilboko Kafe Antzokian
Noiz: irailaren 12an.
-------------------------------------------------------
Aitortu behar dut nahi baino gutxiagotan joaten naizela Bilbora. Beti sortzen dit horrelako tristura moduko bat, orduko... [+]
'GUREA KULTURA' JAIALDIA
Taldea: Sal del Coche
Non: Zestoan
Noiz: Irailaren 7an
--------------------------------------------------------
Kronika hau egitera Donostiara joan behar nuen, baina sarrerak garestiegiak iruditu zitzaizkidan behinola zezenketak... [+]
Xak eta Ekiza
Non: Ondargain txiringitoan (Deba)
Noiz: abuztuaren 27an.
-------------------------------------------------------
Euri langarraren eta lanbro-lainoen artean pasatu dugu Gipuzkoako muga, kostaldean zehar doan errepidetik itsaso zakarrari beha. Bandera... [+]
Zuzeneko musika gustatuz gero, ziur azken hamarkadan Eider Iturriagak egindako argazkiren bat ikusi duzula. Bere bi grinak uztartu ditu bermeotarrak: musika eta argazkilaritza. Eszenatoki batean hain azkar pasatzen den une hori harrapatzeko abilezia du, ikuslearen begietan... [+]
Zer: Biarritz Piano Festival. Amaierako errezitaldia. Benjamin Grosvenor, pianoa.
Egitaraua: Schumann eta Moussorgskyren lanak
Lekua: Biarritzeko ‘Espace Bellevue’.
Data: abuztuaren 8a.
-------------------------
Biarritz Piano Festival... [+]
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
Iritsi da uda. Egunak argi, bero eta luze dira orain, eta kostaldea jendez, sonbrilaz, krema usainez eta doi-doi ulertzen ditugun hizkuntzez bete da. Zuzeneko musikan ere gauzak asko aldatzen dira: mailarik gorenean daudenek makrojaialdietako birari ekiten diote, poltsikoak... [+]
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
Kneecap taldea BBK Liven egoteak eztabaida piztu du makrofestibalek protesta politikoaz egiten duten instrumentalizazioaz eta kultura-eredu nagusiaren kontraesanei buruz.
Bilboko Bilboko Kontseilu Sozialistaren Laneko Autodefentsa Sareak BBK Live jaialdiko lan-baldintza prekarioak argitara atera nahi ditu, baira horien erantzuleak seinalatu. Horretarako, solasaldia antolatu du uztailaren 2an.
Ezta Ilen + High Vis
Non: Gasteizko Jimmy Jazz aretoan.
Noiz: ekainaren 7an.
---------------------------------------------------------------
"Etorkizunik Ez" (No Future) punk lelo klasikoak duen gaurkotasuna azpimarratu du Enrique Zamoranok Hijos del Brexit... [+]