Ama ere erobat aske
aurre egingo dieten hedabide independenteak
"Nazkatuta nago taldeen itzuleretaz" erantzun zidan ni baino zati bat gazteagoa den ezagun batek Ama Say taldeak maizago kontzertuak egiteari ekin diola esan nionean. Ama Say ez dela luzaroan isilik egon pentsatu nuen, eta, gainera, beti izan du zerbait beste taldeengandik bereizi izan duena. Oroimenak atzera 1990eko hamarkadara ekarri nau, eta gogoan daukat lagun batek oparitu zidan Ikusi ditut umeak kalean ametsak akatzen estreinako diskoa lehenengoz entzun nuenean hartutako sorpresa itzela; baita taldea zuzenean lehenengoz ikusi nuen aldia ere –Soraluzeko Gaztetxean 6nemen9 taldearekin batera–. A ze taldea! Euskara eta ingelesaren arteko joko irudimentsua, melodia sarkorrak, eutsitako eta tarteka askatutako energia, bat-bateko eztandak, umorea, kritika, hitz joko ugari eta Pixies-ekiko ahaidetasuna, besteak beste.
Distantzia apurtzeko egiten dituzten emanaldi gutxi batzuk ikusi eta gozatu ditut, eta egiaztatu didate esentzia, nortasuna, indarra eta umorea oraindik bere dituztela; eta, gainera, fitxaje berriekin –Karlos Osinaga Txap tarteko– energia gorantz doala.
Orain, inork gutxi espero zuenean hamar hatz beteko diskoa kaleratu dute Bonberenearekin, bi ekinalditan grabatutakoa; haien esanetan “gertatu behar ez zen zerbait posible bihurtuta”. Aurrera doa taldea; hemen ez dago atzerapauso ezta nostalgiarik ere, eta katalana ere batu dute entsaladara.
Matria pisutsua da, bortitza. Melodia malenkoniatsua gordetzen badu ere, distortsioak eta batez ere indarrak ez diote azalerazten uzten. Egunero, aldiz, jostariagoa da eta gogora ekartzen digu 90eko hamarkadako giroa: itsaskorra, distortsionatuagoa eta Isla encantada-ren trazan kiribildua. Noise-an behin instrumentalki askoz ere gogorragoa da, post-hardcore eta ia industrial lokatzatan erabat sartuta, Sheelac-en irmotasuna eta Portobello Bones-en mestizaia ditu baitan. Ero bomb-ek jarraitzen dio, Bonbereneari men egiten dion pieza funky yonkee eta tronpeta doinu ero eta zarpailarekin. Bukatzeko, Izarrak zenbatzen lainoen azpian eta organoaren gainean errezitatutako outro ederra da.
Norabide bakarrean
721-Gogor Gabiltza
Autoekoizpena, 2025
---------------------------------------------------------
Askotan, guraso garenon kezka bat da ea seme-alabek gure aholku edo "txapak" aintzat hartuko dituzten, jakitun izanda, era berean, guri kontra... [+]
Miruenea
Mirua
Oso polita, 2025
--------------------------------------------------------------
Bi urtez egon dira lanean Miruakoak “inoiz egin duten proiektu garrantzitsuena” aurkezteko: Miruenea. Eta, egia da, gaur egun artista guztiek dioten arren... [+]
Dirudienez
Karma
Autoekoizpena, 2025
--------------------------------------------------------
Mugatzat ez badugu ere, muga da askotan Bidasoa; kulturala, informazioarena… Eta beste aldekoa urrun gelditzen zaigu. Bada, gogoa eta laguntasuna dira muga apurtzaile... [+]
XAK
Xak
Mukuru, 2025
---------------------------------------------------------------
Entzun baduzu eta ez bazaizu sobera sartu, esango nizuke: entzun berriro. Nire urteko disko kutunena izango dena egin berri du Paxkal Irigoyen baxenabartarrak, oraingo honetan, XAK... [+]
It's on
JOHN DEALER & COCONUTS
Ghost Highway, 2025
------------------------------------------------------
Adin batetik aurrera kontzertuak, diskoak eta kantuak bizkarrean eta burmuinean pilatuta, eta musika entzuteko denbora murritzagoa bilakatuta, taldeak bilatu... [+]
Esperoan
Hiuzz
Autoekoizpena (egun motelak kolektiboa), 2024
Ohartu gabe igarotzen diren taldeen multzoa gero eta handiagoa da, edo inoiz baino handiagoa, behintzat. Hiuzz taldearen Esperoan lanak hilabete batzuk... [+]
Obducción de la Amenaza / Zirt Zart (Split-ep)
2024
---------------------------------------------------
Musika panorama erraldoia da, helduezina. Horien artean badira foku guztiak bereganatzen dituzten talde handi gutxi batzuk; horren nahian diharduten beste asko,... [+]
Poliorkêtês
Kerobia
Autoekoiztua, 2025
--------------------------------------------------------
Azken aldian, lerrootan asko nabil hausnartzen musikak izan beharko lukeen “misio historikoaz” eta abarrez. Eta, nolabait, zer egin beharko lukeen... [+]
Antifa hardcore
Lee-Kore + Hoben
Autoekoizpena
---------------------------------------------------------
Tamalez ez da ohikoa Arrasaten hardcore kontzertuak egitea, bestelako musika eszenak nagusitzen direlako. Hala bada, joan den larunbatean herriko gazte batzuen... [+]
Bizitza eztia
Verde Prato
Plan B Records, 2024
--------------------------------------------------------------
Ousmane Sembène zinemagile senegaldar ospetsuari galdetu zioten ea bere pelikulak Europan ulertzen ote ziren. Erantzuna, epikoa: “Izan gaitezen... [+]
Bidea da helmuga
Kokein
Balaunka, 2024
--------------------------------------------------
Eibarko rock talde beterano hau familia oso desberdinetako lagunek osatu zuten aspaldi eta ia fisurarik gabe hamarkadatan eutsi dio. Izan ditu atsedenak, gorputzak hala eskatu... [+]
Zuloa
Merina gris
Sonido Muchacho, 2025
-------------------------------------------------------
Euskal Herrian ez da orain arte horrelako musika elektronikorik egin. Esango nuke Merina Grisek historian euskaraz egin den elektronika eta hyperpop diskorik landuena egin... [+]
Bidai on bat
Braulio
Autoekoizpena, 2024
-----------------------------------------------------
Nik ez nioke talde bati Braulio izena jarriko; eta seguruenik inork gutxik hasiko luke lan bat sei minutuko iraupena duen kanta batekin. Baina hauei parra die eta horri esker... [+]
Ultra
La Furia
Baga Biga, 2024
---------------------------------------------------------
Cascanteko La Furia-k bosgarren diskoa plazara atera du. Mimoz eta erraietatik, berarentzat funtsezkoak diren osagai horiekin, prestatu du honako pozima, pozoitsua eta aldi berean... [+]
Zerrautsa
Olaia Inziarte
Panda, 2024
-------------------------------------------
Depresio garaian idatzitako hamalau kanta. Halaxe aurkeztu zuen Olaia Inziartek orain aipatu ezin den euskarazko lehenengo late night-ean. Diskoa irekitzen du Zerrautsa pieza bru-ta-lak... [+]