Bultza kazetaritza independentea
Eztarriko mina, karga buruan, ezin ondo pentsatu… gaixotze lehen fasean nagoela uste dut. Gaixorik. Askok beldurra diote berbari, ez da harritzekoa pasatu ditugun urte biak pasata.
Gaixorik ei dagoela euskal gizartea makina bat bider leporatu digute. Birus barik. Gure eritasuna kontzeptuala eta morala da, antza denez. Baina Mendebaldean —mapamundiaren ipar-mendebaldean— zein sozietate ez dago, bada, gaixo? Begiak itxita bizi gara-eta guk eta gure aurrekoek eragindako injustizia, lapurreta eta gerren aurrean. Hemen ondo bizitzeko, ingurua txikitu eta hor konpon beste guztiak.
Norbanakook ere gaixo gaude. Pandemia osteak azaleratu eta indartu dizkigu barruan generamatzan ondoezak. Intsatisfazio infinitua bizi dugu, oro har, dena lor genezakeela saldu zigutelako. Saldu eta guk erosi. Frustrazioaren zuloan jausita gaude, noraezean. Muntatu dugunari jakin barik zelan buelta eman.
Izan nezakeen gripea joan liteke deskantsatuta eta denboraz. Gure artean instalatuta dagoen gaitza (esanahi guztietan) ez du ez loak ez parazetamolak osatuko. Lan itzela dugu mundu osasuna eskuratu gura badugu.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Dagoeneko bost urte pasatxo igaro dira ARGIAn kolaboratzeko proposamena jaso nuenetik. Akordatzen naiz, artean nirea ere bazen gurasoen etxean nintzela e-maila irakurri nuenean. Urduri jarri nintzen. Segundo erdia behar izan nuen erantzuna pentsatzeko, baina denbora hartu nuen... [+]
Autobusean, denak andrak, nirekin batera etorri diren guztiak, andrak eta etorkinak”. Ondo daki nire lagunak, nik bezala, halaxe mugitzen garelako, emakumeok, migranteek eta jende nagusiak erabiltzen dugula, nagusiki, garraio kolektiboa. Orain arte,... [+]
"¡Moreno, baje a notificaciones!". Beherantza noa, azkar ibiltzen, urdaila korapilatuta. Paper mordoa luzatzen didate: "Firme aquí". "Zer da?", mesfidati. "Se decreta libertad inmediata" ("Berehalako askatasuna... [+]
Martxoaren 8an Euskal Herriko Mugimendu Feministak zaintza sistema publikoaren aldeko greba bat iragarri zuen udazkenerako, zaintzak ezin baitu negozioa izaten jarraitu. Orain, kalez kale, auzoetan, herrietan, artikulatu behar da greba horretan burutuko den mugimendua... [+]
