Eu tamén choro
Nostalgikoak Gasteizen, queerrak Atarrabian eta gu, (dei gaitzakezue moderno, ez naiz ezkutatuko) Donostian. Urteak neramatzan Baiuca zuzenean ikusi nahian. Azkenean gerturatu da Euskal Herrira, eta ez nolanahiko areto batera. Orain arte ikusi ditudan kontzertu onenetako batzuk Dabadaban izan dira. Galiziarrak espektatibak goian utzi ditu emanaldi aurreko uneetan. Aretoa lepo, baina dantzarako leku nahikoa. Plaza bero dago, entzuleak gogoz.
Galiziako folka eta elektronikaren beat leunak nahasten ditu eta ez nekien oso ongi zer espero. Bandarekin azalduko zela bagenekien, baina nola aurkeztuko zuen zalantzak nituen: zer izango da zuzenekoa eta zer aldez aurretik grabatua eta ordenagailutik pintxatutakoa? Baseak, melodiak eta ahotsetako batzuk izan dira oinarrian, eta beste hiru kideek lagundu diote perkusioarekin eta ahotsetan. Soinu sintetikoen gainetik erritmoak osatzeko erabili dituzte pandero bat, beste bat erraldoia, txapa, aitzurra, zartagina baita bieira maskorrak ere. Tradizioa eta gaurkotasuna bat eginik.
Hori da hain zuzen buruan bueltaka geratu zaidan ideia nagusia: errespetutik eta miresmenetik, tradizioa mantendu, eta are gehiago, iraunarazi egiten du Baiucak. Eta sentsazioa dut ez duela folklorea bere horretan erromantizatzen. Funtzionatzen du, eta oso ondo gainera. Aretoa ikustea besterik ez dago: sold out, eta dantzaka, kantuka dena ematen ari diren ikusleak. Galiziatik ehunka kilometrora, galegoz euskaldunak. Bada esperantzarik.
Arreta eman digu, hala ere, abeslarien atzean bigarren planoan geratu dela askotan DJa. Ohituegiak gaude agian zentraltasuna abesten duenari ematen, eta lagun bat ausartu da Bizarrapek egiten duenarekin konparatzera. Baina tira, abestiak joan eta etorri, heldu gara amaiera aldera. Espero moduan hortxe zituen gordeak abesti ezagunenak, eta momentu horretan segitzen dut oraindik... Eu tamén choro kantatzen, muñeiren txilioekin edo sugearen pozoiak sorgindurik. Ez nekien zer espero, baina uste dut haiek zirela benetan hain harrera beroa espero ez zutenak. Eskerturik, itzuliko direla agindu dute. Eta gu han izango gara hurrengo hartan ere.
Lohi Ensemble
Non: Montehermoso Kulturunean
Noiz: Irailaren 28an
-------------------------------
Igande arrats goibel eta hotz batez izan nuen, lehen aldiz, Lohi Ensembleren berri. Arabako musika eszena autogestionatuaz hitz egiteko Larraitzek jende jator pila bat... [+]
Rodeo eta Dena
Non: Bilboko Kafe Antzokian
Noiz: irailaren 18an
--------------------------------------------
Bilbo, sargoria, udako azken ostegunez. Bihotz Sakratuaren plaza bete dute Palestinaren aldeko oihuek, enegarrenez. Kilometro pare bat harago, Mariaren... [+]
EMPTY FILES + MOXAL & MIREN NARBAIZA
Non: Bilboko Kafe Antzokian
Noiz: irailaren 12an.
-------------------------------------------------------
Aitortu behar dut nahi baino gutxiagotan joaten naizela Bilbora. Beti sortzen dit horrelako tristura moduko bat, orduko... [+]
'GUREA KULTURA' JAIALDIA
Taldea: Sal del Coche
Non: Zestoan
Noiz: Irailaren 7an
--------------------------------------------------------
Kronika hau egitera Donostiara joan behar nuen, baina sarrerak garestiegiak iruditu zitzaizkidan behinola zezenketak... [+]
Xak eta Ekiza
Non: Ondargain txiringitoan (Deba)
Noiz: abuztuaren 27an.
-------------------------------------------------------
Euri langarraren eta lanbro-lainoen artean pasatu dugu Gipuzkoako muga, kostaldean zehar doan errepidetik itsaso zakarrari beha. Bandera... [+]
Zuzeneko musika gustatuz gero, ziur azken hamarkadan Eider Iturriagak egindako argazkiren bat ikusi duzula. Bere bi grinak uztartu ditu bermeotarrak: musika eta argazkilaritza. Eszenatoki batean hain azkar pasatzen den une hori harrapatzeko abilezia du, ikuslearen begietan... [+]
Zer: Biarritz Piano Festival. Amaierako errezitaldia. Benjamin Grosvenor, pianoa.
Egitaraua: Schumann eta Moussorgskyren lanak
Lekua: Biarritzeko ‘Espace Bellevue’.
Data: abuztuaren 8a.
-------------------------
Biarritz Piano Festival... [+]
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
Iritsi da uda. Egunak argi, bero eta luze dira orain, eta kostaldea jendez, sonbrilaz, krema usainez eta doi-doi ulertzen ditugun hizkuntzez bete da. Zuzeneko musikan ere gauzak asko aldatzen dira: mailarik gorenean daudenek makrojaialdietako birari ekiten diote, poltsikoak... [+]
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
Kneecap taldea BBK Liven egoteak eztabaida piztu du makrofestibalek protesta politikoaz egiten duten instrumentalizazioaz eta kultura-eredu nagusiaren kontraesanei buruz.
Bilboko Bilboko Kontseilu Sozialistaren Laneko Autodefentsa Sareak BBK Live jaialdiko lan-baldintza prekarioak argitara atera nahi ditu, baira horien erantzuleak seinalatu. Horretarako, solasaldia antolatu du uztailaren 2an.
