Herri txiki, aukera anitz
aurre egingo dieten hedabide independenteak
Zisheterodisidenteak garen pertsona gehienok hirietatik at sortu gara. Herrietan sortu, hazi eta bizi(raun) izan gara, herrietako dinamika heteroarautuek hirietara erbesteratu gaituzten arte, sexiliatzera behartu gaituztenera arte.
Hirietara bizigarritasunaren, sarearen, komunitatearen bila jo izan dugu. Han jarri izan baititugu gure gogo eta asmoak, noizbait errotzeko asmoz. Hirietan, gure kideekin korapilatu gara, eraldaketarako ahaidetasunak eraiki ditugu eta, une askotan, jendartea gure ekintzekin eraldatzearen ziurtasuna ere izan dugu. Hirietan sortu eta sortzen ditugun komunitateak, beraz, beharrezkoak dira.
Baina, nahi gabe, hiri-joera horrek ere tranpa kapitalistan erorarazi gaitu. Izan ere, progresismoaren ideia faltsuak, eredu kontsumista traidore eta suntsikor batekin nahastuta, sinestarazi digu den-dena gertatzen dela hirietan, dena kolorezkoa dela, gure sexualitateak aukeraz beteriko lurzoru emankorrean azaleratuko direla.
Baina hiriak jada ez dira hain bizigarriak eta, Yayo Herrerok esaten duen moduan, hiria baliabide materialak kontsumitu eta zaborra (emozionala ere) besterik sortzen ez duen egitatea da; noski, baliabideez gain, pertsonak kontsumitu eta ikusezindu egiten dituena ere, horiek muturreraino eraman arte.
Aktibista transfeministak garen aldetik, ikusten ari gara nola herrietan berraktiba daitekeen ehun sozial eta politiko zisheterodisidentea
Zer esan hirietan sortzen ari garen abangoardiazko komunitateei buruz. Askotan, guayismo eta itxurakeriaz beteriko harreman endogamikoak direla, non botere-asimetrietan oinarrituriko hiruzpalau guru kultureta edo akademikoren goraipamen iraunkorrek elite kultural, sozial eta politikoak sortzen laguntzen dituzten. Oso subertsiboak, disidenteak eta aurrerakoiak, bai; baina eliteak, azken finean.
Asko eta asko gara hiriak atzean utzi eta, zakua bete bizipen, herrietara jotzen dugunok komunitatea sortzeko asmoz. Eta, bizigarritasunaz ari bagara, herrietan pertsonon bizitzak bizigarriak egiten dituzten dinamika eta sareak ere badaude. Hori bai, horiek sustatu behar dira, ez dira ezerezetik sortzen.
Falta dena da, hain zuzen, hirietan LGBT+ pertsonok egin dugun lanketa guztia. Bailaraz bailara eta herriz herri, zisheterodisidenteok geure arteko artikulazioa gauzatu behar dugu.
Aktibista transfeministak garen aldetik, ikusten ari gara nola herrietan berraktiba daitekeen ehun sozial eta politiko zisheterodisidentea. Eta profesional gisa, ikusten ari gara nola, udal mailako diagnostikoak eginez, posible den zisheteroarautik kanpoko sexualitateengan eragina izango duten politika publikoak diseinatzea. Zeren, bai, herrietan ere garena izateko aukera egon baitaiteke.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Palestinan gertatzen ari dena ikaragarria dela erraten du jende orok karrikan barna, “Onartezina da! Genozidioa da!” bilakatu dira azken aldiko entzunenak. Egoera salatzeko elkarretaratzea egin, ordea, eta bidegabekeria dela pentsatzen duten hamar horietatik lau... [+]
Eusko Jaurlaritzak "Eskola inklusibo, ekitatibo eta kalitatezkoaren aldeko mahai" berria osatu duten gizarte-eragileei Euskadiko eskola-segregazioaren hasierako diagnostikoa eta erantzuna izeneko txostena banatu die, eztabaidatu eta adostasunak lortzeko. Debateak, beraz,... [+]
Udan zehar, mobilizazio sozial handia izan da eta herritarren plataformak sortu dira Lizarraldean biometanizazio-plantak direla eta: Viana, Lodosa, Los Arcos, Mendabia... Horietan guztietan erraz identifika daitezke gako berberak: 1/ Nafarroako Aldizkari Ofizialean proiektuak... [+]
Abuztua da. Iratxen bildu gara Jurramendi igotzeko. Gudarienetik baino, gurutzeen bidetik (via crucis) ekiteko gomendatu digute. Berbagai, Gazako egoera. Israelek, genozidioa gauzatzeaz gain, horren kontaketa ere isilarazi nahi du: ia 300 kazetari erail ditu, Al Jazeerako Anas... [+]
Suaren presentzia naturan milioika urtetan izan da (gizakion agerpena baino askoz lehenagotik). Horregatik, ohikoa da landare askok suaren aurrean adaptazio ugari edukitzea. Gure inguruan arruntak diren arteek eta ametzek, adibidez. Baita txilar askok eta otea bezalako sastraka... [+]
Ikasturte berriarekin batera, EHU Palestina plataformako kideok berriro batzen hasi gara, ikasgela, ikerketa eta gainerako unibertsitate-jardueretan Palestinan Israel egiten ari den genozidioa eta horren konplizeak salatu eta baztertzeko. Abiatu ginenean oso bakarti sentitu... [+]
Iraila, errutinara buelta, askorentzat ikasturte berria eta horri dagozkion zirrarak: ikasturtea norekin konpartitu, nor izan alboan, zer ikasi, nola eta nora joan… Batzuentzat, esperientzia berriak bizitzeko lehen aldia.
Aldiz, beste batzuentzat esperientzia berririk... [+]
Ez dakit literatura-ikasketak egin ditudanarengatik den, baina nekez onartzen dut hitzen erranahien deformatze ideologikoa. Azken hilabete hauetan, eta bereziki Frantzian Bruno Retailleau Barne ministro denez geroztik, militante hitza zentzu arrunt peioratiboan erabilia da. Nik... [+]
Genozidioaren faseak, guztiak larriak izanda ere, une batzuetan eskandalagarriak, zaratatsuak, izan ohi dira, baina beste zenbait unetan isilean garatzen dira, ia oharkabean.
Entzutetsuak dira populu indigenen sarraskia Amerikan, Gernikako bonbardaketa, holokausto nazia... [+]
Abuztuaren erdian hasi zen eskubaloira entrenatzen seme zaharrena; irailetik aurrera, astean lau entrenamendu ditu (hiru tekniko, bat fisikoa) eta asteburuetan partida. 15 urte ditu. Erdikoak, eskola-kirolaz gain, futbola eta eskubaloia. 9 urte ditu. Etxeko agendan, leku gehiena... [+]
Grebek laguntzen digute ideologizazioan, kontzientziazioan, kolektibizazioan. Greba prozesu bat da, lanuzteaz harago. Epe motzean emaitzak lortu gabe ere –galdetu bestela Gasteizko lorezainei edota Gipuzkoako erresidentzietako langileei–, borrokarako eta... [+]
Interneteko plataforma boteretsuenek fenomeno bat sortu dute: euren sistemen baitan, negozio eredu “burujabeak” sortzearen ilusioa.
Australiako Glitch estudioak Guiniverreko zaldunak 2D animazio telesaila argitaratu berri du Youtube plataforman. Istorioan, Dana... [+]
Pasa den asteburuaren atarian, eta, oraingoan bai, hainbat hedabidetan Bernedoko udalekuetan gertatutakoa (Dutxa hotz bat denontzat) masiboki hedatu ostean, iritsi zen hezitzaileen adierazpena. Bertan, beraien “oinarri ideologikoak argitzea” eta “egiteko moduen... [+]
Euskal Udalekuetan egondako haur eta gazteen guraso edo/eta tutore legal gisa, babes osoa adierazi nahi dizuegu Bernedoko begiraleoi. Guztiz gaitzesten ditugu hezitzaileak jasaten ari zareten jazarpena eta sare sozialen bidez, publikoki zein maila pribatuan, egin zaizkizuen... [+]