Agindu beza ekintzak
aurre egingo dieten hedabide independenteak
24 urtez luzatu zait Larrabetzu Gazte Egunez bisitatzea, baina horiek baino gehiago ditut aurretik –espero dut– itzultzeko, eta eskerrak. Banekien Larrabetzu ez dela gazte gutxiko herria edo banekien, behintzat, daudenak ez daudela geldirik eta zarata egin egiten dutela. Ez nekiena zen kanpotik gazteak diren horietaz aparte barrutik gazte diren asko ere badirela. Horregatik hartzen du Gazte Eguneko festa giroak herria osorik egunean zehar.
J Martina
NOIZ: abuztuak 6
NON: Larrabetzu (Gazte Eguna)
Otsailean nintzen egona azken aldiz inguru horretan, J Martina taldeak Hori Bai gaztetxean Jaio naiz baina diskoa aurkeztu zuenean. Gazte Egunera hurbiltzeko aitzakia nahikoa eta sobera zen talde (Javiren baimenaz) larrabetzuarraren gaueko kontzertua. Arrateren amatxiren baratzean kanpin denda muntatua utzi, sekula bazkari herrikoi batean jan dugun arrozik onena jan, elektrotxaranga bat zer den birgogoratu eta plazan sartu gara: bihotzak hustuta, betetzeko prest.
Lepo dago herriko plaza. Bertakoak, ingurutik –eta ez hain ingurutik– bertaratutakoak, kontzertura espreski heldu direnak eta kasualitatez-edo ikustea tokatuko zaienak. Lehen aldiz Larrabetzuko talde bat Gazte Egunean herriko plazan jotzen, oker ez banago. Azken hilabeteotan herriz herri kontzertuak eman eta eman ibili da taldea eta ez dira alferrik izan otsailetik hona lan berria aurkeztuz zapaldutako eszenatoki horiek guztiak. Kantuak heldu egin dira eta, haiekin batera, hirukotea oholtza gainean: teknikoki, jarrera aldetik… zentzu guztietan. Eman dituzte disko berriko kantak, zaharrak tarteka –nola ez– eta Verde Pratoren Neskaren kanta eta Anariren Efemerideak haien terrenora ekarriak. Ahizpen arteko konexioaren erakustaldi izan dira aurretik prestatu gabeko koreografia sinkronizatuak.
Hori Bai-n ikasi dute taldekide larrabetzuarrek zer den zuzeneko musika, eta haien bigarren etxea den gaztetxeari asko zor diotela aipatu dute, eskerrak emanez. Kontrolatua dute urduritasuna, heldu dira nerbioen eta gozamenaren arteko oreka irristagarri eta ederrera, kontzertua lasai disfrutatzeko behar den tentsioaren eta segurtasunaren arteko bidegurutzera. Eta nabari zaie urrutitik.
Itzulerako zubiek, kaleak eta gari soroak ez ezik, Larrabetzuko plazak eta gure barrenek ere hartu dute gaur iluntzearekin batera su. Eta baita haien barrenek ere, esanen nuke. Irizpide asko dago artista bat gustuko duzun ala ez erabakitzeko, baina bada bat nik beste edozeinen gainetik jartzen dudana: sinesten dudan ala ez. Eta beste gauza batzuk ez dakit, baina sinetsi, hauek erabat sinesten ditut.
Rodeo eta Dena
Non: Bilboko Kafe Antzokian
Noiz: irailaren 18an
--------------------------------------------
Bilbo, sargoria, udako azken ostegunez. Bihotz Sakratuaren plaza bete dute Palestinaren aldeko oihuek, enegarrenez. Kilometro pare bat harago, Mariaren... [+]
EMPTY FILES + MOXAL & MIREN NARBAIZA
Non: Bilboko Kafe Antzokian
Noiz: irailaren 12an.
-------------------------------------------------------
Aitortu behar dut nahi baino gutxiagotan joaten naizela Bilbora. Beti sortzen dit horrelako tristura moduko bat, orduko... [+]
'GUREA KULTURA' JAIALDIA
Taldea: Sal del Coche
Non: Zestoan
Noiz: Irailaren 7an
--------------------------------------------------------
Kronika hau egitera Donostiara joan behar nuen, baina sarrerak garestiegiak iruditu zitzaizkidan behinola zezenketak... [+]
Xak eta Ekiza
Non: Ondargain txiringitoan (Deba)
Noiz: abuztuaren 27an.
-------------------------------------------------------
Euri langarraren eta lanbro-lainoen artean pasatu dugu Gipuzkoako muga, kostaldean zehar doan errepidetik itsaso zakarrari beha. Bandera... [+]
Zuzeneko musika gustatuz gero, ziur azken hamarkadan Eider Iturriagak egindako argazkiren bat ikusi duzula. Bere bi grinak uztartu ditu bermeotarrak: musika eta argazkilaritza. Eszenatoki batean hain azkar pasatzen den une hori harrapatzeko abilezia du, ikuslearen begietan... [+]
Zer: Biarritz Piano Festival. Amaierako errezitaldia. Benjamin Grosvenor, pianoa.
Egitaraua: Schumann eta Moussorgskyren lanak
Lekua: Biarritzeko ‘Espace Bellevue’.
Data: abuztuaren 8a.
-------------------------
Biarritz Piano Festival... [+]
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
Iritsi da uda. Egunak argi, bero eta luze dira orain, eta kostaldea jendez, sonbrilaz, krema usainez eta doi-doi ulertzen ditugun hizkuntzez bete da. Zuzeneko musikan ere gauzak asko aldatzen dira: mailarik gorenean daudenek makrojaialdietako birari ekiten diote, poltsikoak... [+]
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
Kneecap taldea BBK Liven egoteak eztabaida piztu du makrofestibalek protesta politikoaz egiten duten instrumentalizazioaz eta kultura-eredu nagusiaren kontraesanei buruz.
Bilboko Bilboko Kontseilu Sozialistaren Laneko Autodefentsa Sareak BBK Live jaialdiko lan-baldintza prekarioak argitara atera nahi ditu, baira horien erantzuleak seinalatu. Horretarako, solasaldia antolatu du uztailaren 2an.
Ezta Ilen + High Vis
Non: Gasteizko Jimmy Jazz aretoan.
Noiz: ekainaren 7an.
---------------------------------------------------------------
"Etorkizunik Ez" (No Future) punk lelo klasikoak duen gaurkotasuna azpimarratu du Enrique Zamoranok Hijos del Brexit... [+]