ARGIA.eus

2022ko maiatzaren 20a

Harrapatuko zaitu

MÄIRÜ | Egilea editore, 2022
Xalba Ramirez @xalbaram
2022ko maiatzaren 15a

Trantzerako musika ekarri du Lapurditik Mäirük. Musika elektronikoak eta tribalak, edo tradiziozkoak, errepikapena dute oinarri. Ez duzu kanta ezagutu behar dantzan hasteko. Bigarren bueltatik aurrera norberak badaki zer egin behar duen.

Lau urteko bilaketa egin du Mäirü taldeak izen bereko disko hau lortzeko. Perkusioan oinarritutako musika garatzen joan da: biziki basa zena harmoniaz eta melodiaz garatuz. Bederatzi musikariren artean izan da bilaketa: txalapartak, perkusioak, bateria, sintetizagailuak, flauta, gitarrak eta ahotsak.

Etzan-ekin ireki dute albuma, eta hemen ikus daiteke harmoniaren garrantzia, gitarra baitu oinarri kanta silabikoak. Animale Heroina pieza kanonikoa da: erritmo bizi eta dantzagarria, soinu luze eta begiztatuak eta ahots errepikakorrak.

Oihan beltzean kantan lortu duten emaitzak pizten du jakin-mina. Buklea da oinarri, oso elektroniko eta perkusiozko, baina ahotsaren melodia ere errepikapenean oinarritu da, kanona eta harmonia bihurria lagun. Perrine Feriolen zeharkako txirula eta Txomin Ugartemendiaren sintetizadoreen arteko elkarrizketak jantzita.

Detroiten sortu zen techno musika 80ko hamarkadan, desindustrializazio eta deslokalizazioak suntsitutako hiri batean. Etorkizun eta esperantzarik ez zuten gazte batzuk fabrika abandonatuetan hasi ziren biltzen, Juan Atkins, Derrick May eta Kevin Saunderson gazte afro-amerikarrek asmatutako musikaren bueltan. Hamabi ordutik gorako saioak ziren, alkoholik eta drogarik gabe, bi urtez kasik egunero, munduak –edo, hobe, merkatuak– deskubritu zituen arte.

Techno rebels hitzetik omen dator technoa, afro-futurismoarekin lantzen zuten ikuspegietatik. Mäirük, nahita edo nahigabe, euskal futurismoan urrats bat eman du, estilo deitzen zaion klixeetatik ihes eginez.

Izan ere, aldaketa handiak ez datoz ezinbestean egitura handietatik. Beti dago hazi bat nonbait, etorkizuna daramana bere barnean, biharra loratu eta lehertzeko prest. Oker ez banago, bide luzeegia egin du Mäirük honaino iristeko. Baina bidean ikasitako guztia daramate soinean orain, eta udaberriko ibaien emariz garraiatu dezakete ahotsa. Badelako garaia mendi elurtuak lurmendu daitezen.

 

 

Kanal hauetan artxibatua: Disko kritikak  |  Diskoak

Disko kritikak kanaletik interesatuko zaizu...
2022-05-22 | Iker Barandiaran
Beleari barre

La Furia (Nerea Lorón) ez da ohiko sortzailea, eta parean izan dituen bide malkartsuenak –bereak, propioak– hartu ditu beti. Izan ere, emakumea izateaz gain, nafarra ere bada. Gizonek agertokiak edozein moduz bere egiten ikusita, amorruz, konbikzio osoz eta... [+]


2022-05-01 | Iker Barandiaran
Metala bere pisu eta adiera adierazgarrienean

Mutrikuko laukoteak aurre egin dio pandemiaren garai ilunari eta lana sendo eginez bueltan da, taldekide aldaketekin eta crowdfunding bidez (aupa zuek!) landutako bigarren disko luze eta biribil honekin.

2017an sortu zuten Saia Goait beste hainbat taldetan (Keike, Kraussk,... [+]


2022-04-17 | Xalba Ramirez
Gonbidapena onartu

Behinola antzoki batean sute bat piztu zen bastidoreen artean. Pailazoa eszenaurrera atera zen berria ematera, baina publikoak txiste bat zela pentsatu zuen, eta gogoz txalotu zuen. Pailazoak albistea errepikatu zuen, eta txaloak are atsegingarriagoak ziren. Horrela uste dut... [+]


2022-04-03 | Xalba Ramirez
Etorkizunaren nostalgia

Etorkizunaren nostalgia lehergailu bat da. Mark Fisherrek depresioaren ekonomiaz eta errealismo kapitalistaz hitz egiten zuen, buruaz beste egin aurretik. Ba al da beste errealitate posiblerik? Zein da gure garaia? Iraganari begiratu eta gertatutakoari lekua egin diezaiokegu,... [+]


2022-03-27 | Iker Barandiaran
Belarra ez da berriro haziko?

"Matxet" Altolagirre zakur zaharra da; odolean darama beti aurrera begiratzearena eta ezohiko proposamenak sortzen ditu, betiere kalitatezkoak, oso zainduak. Bere DNAn daude hain askotarikoak eta era berean apurtzaileak izan diren Jousilouli, NaizRoxa,... [+]


Irakurrienak
ASTEKARIA
2022ko maiatzaren 15a
Azken albisteak
Argia buletina
Egunaren laburpena
zure e-postan
Eguneraketa berriak daude