Irabazi arte!
Urte bukaerako giroan murgildurik, gibel mirailean begiratu eta uda huntako bizipenetatik ateratako gogoeta batzuk bota nahi nituzke hemen. Ekainaren 23an, ELB eta Lurzaindiako militanteek hamabi hektareako salmenta oztopatzeko abiatutako okupazioa, Arbonako Berroeta pentzean. Etxetik hiru kilometrotan. Hori oparia! 120 gauez eta 120 egunez milaka herritar aldizkatu dira, erresistentzia horren gorpuzteko: laborari, hiritar, langile prekario, erretretadun uros, militante aritu edota arazoaz kezkatutako herritar xumeak. Aniztasunean.
Berroetako afera ezin zen irabazi, ez politikoki, ez juridikoki. Saltzaile ultra-gurmanta eta erosle hiper-aberats baten arteko afera pribatua zen. Iniziatiba abiatu zutenek untsa ulertu zuten okupaziorik gabe, ez zela aterabiderik. Disuasioa zen, orduan, soluzio bakarra. Eta (zerbait) lortu da!
"Garrantzitsua da oroitaraztea borrokaren bidez irabazten ahal direla batailak. Herritar xumeak izan gaitezke harri koxkor horiek"
Arbonan jokatu denak, eta molde orokorrean lurraren aldeko borrokak, badute Davidek Goliathen kontra eramandakoaren itxura zerbait. Lurrarekin espekulatu nahi dutenek, sistema osoa dute alde: legedia, zerga banaketa, oinordekotza araudiak, instituzioen promozio kanpainak, notarioen jarrerak, higiezin agentzien eskrupulu eza… Baina batzuetan harri koxkor ñimiño batek bloka dezake sistemarik gotorrena ere.
Azken aldietan, espero ez zitekeen batailatxo batzuk irabazi dira alor horretan. Berroetan, erosleak erosteari uko egin dio. Urrian, Urkoidarren mobilizazioari esker, 20 milioi euroko negozio zifra duen Pichet immobilier enpresak jakinarazi du auzo bat eraikitzeko xedea bertan behera utzi duela. Azaroan, Alda kolektiboak eramandako okupazio serie baten ondotik, Airbnb multinazionalak adierazi du legez kontrako hainbat egoera konponduko zituela. Eta bihar, apika, Kanboko Marienia laborantzarako pentze egonen da…
Garrantzitsua da oroitaraztea borrokaren bidez irabazten ahal direla batailak. Herritar xumeak izan gaitezke harri koxkor horiek. Baina ezinbestekoa da tokian tokiko mobilizazio guzi horiei dimentsio orokorrago baten ematea. Ez girelako Urkoien borrokatzen gure auzoaren lasaitasuna mantentzeko, edo AHTaren kontra gure baratzea salbatzeko, edo Lekarozen paisaiak babesteko. Peko errekara eramaten gaituen logika oso bat dugu borrokatzen. Proiektu txikitzaile hauek ez ditugu nahi ez hemen, ez nihun.
Irabazi arte izan da ‘Berroetarron’ leloa. Etxebizitza eskubidearen afera, angelu desberdinetatik jorra daiteke. Uste dut on egiten duela ere erratea paturik ez dela eta ez girela galtzera kondenatuak. Segi aitzina, irabazi arte!
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Lau hilabete daramatzagu greba mugagabean, hitzarmen propio baten eta lan-baldintza duinen alde. Lau hilabeteko greba honetan, udaltzainek piketeetan bortizkeriaz zapaldu gaituzte, hirian jarraitzen gaituzten eta mobilizazio bakoitzean zelatatzen gaituzten polizia... [+]
Urtebetetzeek eta urte aldaketek pilaketa bidezko eragina dute: alegia, banaka, gertatzen direnean, nik ez dut ezer sumatzen. Urtebetetzeetan, ondo xamar egin badut segundo batzuez olgatzen naiz (nire baitarako), nire garunaren zati batek ezin dio utzi zoriontzen dutenean... [+]
Etxe pareko lokala itxita, obretan, zerbait berria irekiko dutelako susmoa. Ez da izanen mertzeria bat, ez eta loradenda bat. Kasurik onenean taberna bat, ohikoa, auzokoa, eta txarrenean gastrobarra edo specialty cafe bat. Ez duzu dirurik bost euroko kafea erosteko. Ez duzu... [+]
Abuztua heldu zaigu, irakurle. Oporretan zaude eta zuretzako denbora gehiago daukazu? Edo agian ez daukazu denborarik, oporrak planez bete dituzulako? Edozein modutan, kontuz! Egungo bizimoduaren psikologizazioak edonon sailkatzen ditu sindrome berriak, eta oporraldiak ez daude... [+]
Euskararen normalizazioaren motorrak herri dinamikara bueltatu behar du aurrera egin nahi badugu
Gaztetxo bati lehen mugikor adimentsuak eskaini beharko liokeena zer izan beharko litzatekeen hasi naiz pentsatzen. Nork daki, beharbada ordenagailuetarako Luberri edota Txikilinux sistema eragile libre euskaldunak sortu ziren bezala, mugikorretarako garatu liteke Linage... [+]
Inoiz Erdi Aroko etxe museifikaturen batean egon bazarete, etxeko altzarigintza egurrezkoa, berniz ilunekoa eta dekorazio landuarekin egina zela konturatuko zineten. Eta etxearen dekorazioari dagokionean, deigarriena da zeinen altzari gutxi zituzten edozein gela motan, baita... [+]
Bilboko 13 konpartsek iragarri dute ez dutela Coca-Colarik salduko Aste Nagusiko txosnetan. Instagramek albiste horri buruzko Deiaren argitalpena iradoki zidan, eta iruzkinak hiru multzotan sailkatuko dizkizuet: konpartsei isekak, halako ekintzek eraginik ez dutela... [+]
Uda honetako erronka omen sare sozialetan: kaka egitea igerileku publikoetan. Ohikoak dira jokabide zikinak sare horietan, eta batzuek beren gorotz fisikoa libratzea, ororen begi-bistan eta eskura, honezkero gaina hartu digun zikinkeria digital erraldoia hezurmamitzea besterik... [+]
Liburuak hasi, utzi… begietatik garunera nagi doaz esaldiak, eta itzali ezin dudan tik-tak bat entzuten dut. Ikus-entzunezkoak pikatzen ari naiz.
Entzun dut burpee, eta Llados, eta body count, eta nahi duzulako zara pobrea, eta Milei, eta Thiel, eta unibertsitatea... [+]
Bolo-bolo dabiltza gugandik zenbait kilometrotara gertatutako pogromoak, hamarkada luzetan −mendez mende− zilegituriko arrazismoa oinarri dutenak. Palestinan, Torre Pachecon eta Hernanin, arazoa antzekoegia da, intentsitate ezberdinez bada ere. Moroak dira behe-laino... [+]
Euskararen balizko etorkizunari buruzko ikerketa bat ezagutzera eman da berriki, eta zalaparta eragin du bertan irudikatzen den paisaia beltzak. Asaldamendu hori auzitan jarriz abiatuko dut nire ekarpena. Zergatik da harrigarria datu hori? Zein mundutan bizi gara, gure egoeran... [+]
Diskurtso erreakzionarioen gorakadaz ari gara azken urteetan. Dela migrazioei buruz, dela feminismoa, euskara eta abarri buruz. Testuinguru horretan, garrantzitsua iruditzen zait jarrera erreakzionarioak edota migrazioei buruzkoak aztertzeko ez gelditzea titularretan, eta gaiari... [+]
Euskara badago Bilbon, baina non? Eta zertarako? Nork sortzen du euskarazko kultura, eta nork sostengatzen? Galdera horien aurrean, udalaren azken urteetako erabakiei begira, argiago ikusten da euskara eta kultura bizirik nahi ditugunontzat kezkagarriak diren erabakiak hartu... [+]