Udal ustelkeriaren eta ate birakarien hamaikakoak

Javier Beobide alkatearen kudeaketaren aferaren ondorioz, Andoni Ortuzarrek Lemoako herritarrei barkamena eskatu behar izan zien 2013. urtean. Handik bi urtera ustelkeriaren aurrean tolerantziarik ez izateko agindu zien 2015eko hauteskundeetan alkate eta zinegotzi kargurako aurkeztu ziren hautagai guztiei.

Gaur egun Alonsotegiko hiru alkate ohi, Iurretako alkatea eta Gueñesko alkate ohia inputatuta daude. “De Miguel” auzian Zambranako alkate ohia eta Leioako zinegotzi ohi bat kondenatu zituzten 2019an. Urte haietan Getariako alkate ohia kondenatu zuten eta 2018an Zallako alkate ohia eta zinegotzi ohi bat, baita Bakioko alkate ohia ere.

"Hamar alkate ohi eta zortzi zinegotzi ohi kondenatuak, eta gaur egun alkate bat eta lau alkate ohi inputatuak. Horri buruz ez duzue infografiarik aurkituko"

2017. urtean hiru zinegotzi ohi kondenatuta: Muskizekoa bat, Gasteizkoa beste bat eta Erandiokoa azkena. Errigoitiko alkate ohia 2012an kondenatu zuten eta 2010ean hiru alkate ohi (Elantxobe, Ormaiztegi eta Zamudio), baita Elantxobeko hiru zinegotzi ohi ere. Zerrenda luze honetan beste bi aipamen: Mallabiko alkate ohia (2008an) eta Galdakaoko alkate ohia (2001ean).

Laburbilduta, hamar alkate ohi eta zortzi zinegotzi ohi kondenatuak, eta gaur egun alkate bat eta lau alkate ohi inputatuak. Horri buruz ez duzue infografiarik aurkituko. Azken urteotan EAJk alkatetzak galdu ditu aipatutako herri batzuetan: Lemoa (2011); Zambrana (2011); Getaria (2011); Zalla (2011tik 2019ra); Bakio (2015); Errigoiti (2015); Elantxobe (2011); Ormaiztegi (2007) eta Galdakao (2019).

“EAJko ate birakariak ondo dabiltza, norabide zuzenean”, zioen Ortuzarrek 2015ean. Aspaldiko txio batean alderdiak enpresa elektrikoekin edo gas eta petrolio enpresekin erabilitako ate birakarien datuak aipatu nituen, honakoak, besteak beste: Josu Jon Imaz (Repsol, Gas Natural eta Petronor); Jon Azu (Fenix Oil & Gas); Joseba Aurrekoetxea (Enagás, Bahía Bizkaia Gas eta Bahía de Bizkaia Fotovoltáica); Xabier Sagredo (Iberdrola); Juan Diego (Iberdrola); Roberto Otxandio (Iberdrola); Juan Mari Atutxa (Iberdrola eta Bahía Bizkaia Gas); Iñaki Alzaga (Nortegas); Alfonso Basagoiti (Oil&Gas Capital eta Gamesa); Emiliano López Atxurra (Petronor eta Gas Natural Fenosa); Luis Aranberri (Petronor) José María Zalbidegoitia (Petronor); Javier Balza (Petronor); José Manuel Martiarena (Naturcorp eta Pasaia Gas); José Ignacio Arrieta Heras (Repsol, Petronor eta Naturgas); José Luis Larrea (Ibermática); Sabin Anuzita (Tecuni) eta Pedro María Mugarra (Sener).

Baina horiek ere ez dituzue infografia batean aurkituko.

Bidali zure iritzi artikuluak iritzia@argia.eus helbide elektronikora

ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.


Kanal honetatik interesatuko zaizu: Iritzia
2024-05-22 | Inma Errea Cleix
Zaintzaren erdigunean

Bati fardela aldatzea. Beste bati gorputza garbitu eta ximentzea. Jana atondu eta norbaiti jaten ematea. Norbaiten gorputza oheratu edo ohetik altxatzea. Goitikan ari dela inori eutsi eta hura garbitzea. Horiek guztiak dira zaintzeko lanak. Zerrenda askoz luzeagoa da, nahiz... [+]


2024-05-22 | Edu Zelaieta Anta
Kontzertu estelarrean (fikzio espekulatibo bat)

Aurtengo jazzaldiaren kontzertu estelarrean zaude, zuk gehien maite duzun pertsona (multzo) batekin. Pradales dagoeneko lehendakaria da eta, beraz, Osakidetzaren arazo larria onbideratzen ari dira. Espiritu autonomikoa nagusi da jendearen aldartean; hori dela medio, berdin egon... [+]


Mila esker, euskara

Mila esker, euskara, gure gaitzaren sintomak erakusteagatik. Izan ere, hemen arazorik ez dugula emanen luke, zuregatik ez balitz, menderakuntzarik ez dagoela, posible dela garrantzizko ezer gertatuko ez balitzaigu bezala bizitzea. Tira, nahiko genuke hori ameskeria fantasiosoa... [+]


Eguneraketa berriak daude