ARGIA.eus

2021eko azaroaren 30a

Bertuteak garatu eta findu

Iker Barandiaran @IkerBarandiara
2020ko ekainaren 28a
Gure hizketan | Etxekalte | Autoekoizpena.
Gure hizketan | Etxekalte | Autoekoizpena.

Indartsu dator gazteria eta, ezin bestela, esponjak dira musika estiloak ere barneratzen. Ideiak argi izanez gero eta ahaleginduz gero, oztopo guztiei aurre egin ahal zaie, ez dago dudarik; lehenago edo geroago badator emaitza. Horixe egin du Bermeoko Etxekalte laukoteak. Musikazale amorratuak izanik, 2016an ekin zioten buruan zutena garatzeari eta plazaratzeari. Epe laburrera, baliabide oso gutxirekin maketa grabatu zuten, baina ez zioten zabalkunderik eman nahi izan. Oraindik ez zuten nahi zutena lortu.

Gaur egungo gazte gehientsuenek bezala, Etxekaltekoek beste talde askoren artean Berri Txarrak izan dute erreferentzietako bat; hain zuzen ere, energia eta erritmo gogorrak melodia sarkor eta mezu landuekin modu orekatuan uztartzeko orduan. Argi eta garbi, metaletik aldenduago dago Etxekalte, baina finean badute hauek ere Lekunberrikoek erdietsitako bertute hori, oso gutxik daukatena.

Taldearen estreinako disko hau mimoz egina dago; kanta bakoitzak ñabardura ugari du eta asko dira lortutako giro eta sentsazioak. Soinua ere ederra da, ondo bereiztua. Nabarmentzekoa da emaitza are eta gehiago fintzeko James Morganek eta Asier Renteriak Mungiako Magic Box estudioan egindako lana.

Epaitu eta oker-ek emo eta post-hardcoretik edaten du, erritmo aldaketa itzelak dauzka eta rock alternatibo hit!a ere bada. Erabaki-ren hastapen power-pop rockeroak Los Clavos oroitarazi dit, nahiz eta gerora rock-metal euskalduna eta hardcore melodikoa ere batzen dituen. BBH piezak beste tonu bat dauka, oso-oso sentikorra, eta metalean amilduko denaren itxura, baina ez. Orduan bai hit!a da, kanta erabat itsaskorra hardcore melodiko dotoreenarekin jantzita eta doinua garraztuz mugara eramana. Gure hizkeran-ek AEBetako emo-tik abiatuta erdi tempoak, pasarte malenkoniatsuak, garrasi sentikorrak eta Dut gogora ekarri dizkidaten metal eta post-hardcore arteko zantzuak batzen ditu. Eta, azkenik, Tristoriak: izenak dioenetik harago rock alternatiboa da, euskal izana, melodia eta erritmo jokoa eta malenkonia batzen dituen ariketa ederra.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Musika

Musika kanaletik interesatuko zaizu...
Vulk ez da

Klaketa, makilajea eta hasteko agindua. Oholtzaren aurrean 400 bat ikusle, besaulki erosoetan jarrita. Oraingoan, antzoki bat bete du Vulk taldeak. Zuzenean jotako abestiak aurretik grabatutako irudiekin nahastu dituzte, errealitatearen eta simulakroaren, egiaren eta gezurraren... [+]


2021-11-28 | Xalba Ramirez
Urrutiko palmondoan hamalau, gerturatu eta hogeita hamabost

Euskal folklorea reggaera emana. Ideia sinple batean laburtzen da Reggaean jarrai lan kolektibo eta korala. Euskararen tradizioa ulertzeko era ireki eta bizia, fosiletik ezer ere ez duena.

Herri kantu tradizionalak, XIX. mendeko egileen sortak –Xenpelar,... [+]


Elefantearen hotsak

Bada elementu bat Bilboko Euskalduna Jauregiko areto nagusian gauzatzen diren ekimen ororen testigu dena, eszenaratze guztietan presente dagoena. Bere dimentsio erraldoiek eta denbora larregiz mutututa izan ohi dituen soinuek aski izan behar lukete bere garrantzia ezbaian ez... [+]


2021-11-21 | Xalba Ramirez
Eskerrak bidearen bideari

Ibil Bedi nafarrek duela bederatzi hilabete kaleratu zuten Beltxarga Beltza lana. Eurek grabatuta, eurek kaleratuta, autogestioa etxean kozinatzearen parekoa da beraientzat. Gertuko kantekin egin dute, lur usainarekin, baina hegoak zabalik, bideari emanak hegan egiteko... [+]


2021-11-21 | Iker Barandiaran
Mondraueko musikaren arkeologia

Arrasaten jardunaldi oso bereziak antolatu dituzte azarorako. Herrian jaio berri den Ez Donk Amaitu izeneko ekimenak, punkaren iragana, oraina eta etorkizuna balioan jarri nahi duenak, Arrasateko 80ko hamarkada nolakoa zen erakusteko, gogoratzeko eta ikasteko hainbat ekintza... [+]


Irakurrienak
ASTEKARIA
2020ko ekainaren 28a
Azken albisteak
Argia buletina
Egunaren laburpena
zure e-postan
Eguneraketa berriak daude