Man down: gordin eta garden
Rihannaren Man down kantaren bertsio dotorea igo du Liherrek Instagramera eta “bihar honen antzeko istorio bat kontatuko dizuegu” idatzi dute publikazioan. Egia esan, ez dut gehiegi jarraitu taldearen ibilbidea, baina jakin-mina piztu dit mezuak. Gehiegi ikertu gabe biharamuneko zitarako utzi dut sorpresa, ea zer dakarten esku artean Lide Hernandok eta konpainiak.
Hirugarren lana du taldeak otsailaren hondarrean argitaraturiko Hemen herensugeak daude. Europako hainbat hiri garrantzitsutatik pasako zen biran murgiltzen hasirik zegoela, bira eten eta buelta erdia eman behar izan zuen Liherrek COVID-19aren ondorioz. Hilabete batzuen ondotik, etxetik aretora pasa dira kontzertuak kasu askotan eta, horrekin batera, artistendako normalizazioranzko urrats bat, bederen, egin da. Ikusleondako pantailaren bestaldea ere ez da erosoena… Faltan sumatzen da giroa, konpainia, uhinek gorputzean eragiten dituzten lurrikara txikiak eta inguruko tiporik altuena justu zure aurrean jartzea ere bai, ia-ia.
“Gorri, gorri iluna izterretik behera…” hasi da kontzertua puntual. Eta izterretik behera joateaz gain, gorri ilun jantziak, gorri ilun ezkertiarrendako gitarra eta gorri ilun ezpainak talde donostiarreko liderrak. Beltzez laukotea osatzen duten beste hirurak. Kolore gorriz bustiriko izterraz hasi da istorioa eta segidan etorri dira auto lapurtuak, azidozko ametsak eta txoriak kable elektrikoetan. Erritmo pisutsu eta errepikakorrek areagotzen dute tentsioa eta iluntasuna kantaz kanta. Tratu bat, sororitatea eta zulo bat gehiago etorri dira ondotik. Kuleroak jaitsita eta labanean odola. “Uste dut zer egin zidan esateko beharrik ez dagola, nahiz ta dakidan esanda ere ez duela batere axola”, kantatu du Lidek.
Bigarren diskoko Nor da piztia? kantak ere bere papera izan du istorioaren kontaketan eta ez da geratu lekuz kanpo, batere. Rihanna bertsionatuz hasi du laukote gazteak emanaldiaren bukaerako kanta, diskoaren azken kantaren hasiera, alegia. Eta heldu da mezu irmo eta argia istorioaren bukaeran: “Zein da preso: gaitzari so geldi geratzen dena ala erantzuten duena? Hau da nire aitormena: hemen amaituta ere berriz egingo nukeela”.
Fikziozko bortxaketa baten istorioa kontatzen du disko berriak, kronologikoki eta emakumezko baten ahotik, eta hala eskaini dizkigute kantok zuzeneko honetan. Diskoa ia osorik. Gordin bezain garden kontatu digu Lidek istorioa. Euskal panorama musikaleko ahots potenteenetako batek. Eta amaieran hala geratzen da norbera, ikusi eta entzundakoa aurrez aurre gozatzeko irrikitan. Izerdi eta azal artean handiagotuko den sentsazioarekin.
Lohi Ensemble
Non: Montehermoso Kulturunean
Noiz: Irailaren 28an
-------------------------------
Igande arrats goibel eta hotz batez izan nuen, lehen aldiz, Lohi Ensembleren berri. Arabako musika eszena autogestionatuaz hitz egiteko Larraitzek jende jator pila bat... [+]
Rodeo eta Dena
Non: Bilboko Kafe Antzokian
Noiz: irailaren 18an
--------------------------------------------
Bilbo, sargoria, udako azken ostegunez. Bihotz Sakratuaren plaza bete dute Palestinaren aldeko oihuek, enegarrenez. Kilometro pare bat harago, Mariaren... [+]
EMPTY FILES + MOXAL & MIREN NARBAIZA
Non: Bilboko Kafe Antzokian
Noiz: irailaren 12an.
-------------------------------------------------------
Aitortu behar dut nahi baino gutxiagotan joaten naizela Bilbora. Beti sortzen dit horrelako tristura moduko bat, orduko... [+]
'GUREA KULTURA' JAIALDIA
Taldea: Sal del Coche
Non: Zestoan
Noiz: Irailaren 7an
--------------------------------------------------------
Kronika hau egitera Donostiara joan behar nuen, baina sarrerak garestiegiak iruditu zitzaizkidan behinola zezenketak... [+]
Xak eta Ekiza
Non: Ondargain txiringitoan (Deba)
Noiz: abuztuaren 27an.
-------------------------------------------------------
Euri langarraren eta lanbro-lainoen artean pasatu dugu Gipuzkoako muga, kostaldean zehar doan errepidetik itsaso zakarrari beha. Bandera... [+]
Zuzeneko musika gustatuz gero, ziur azken hamarkadan Eider Iturriagak egindako argazkiren bat ikusi duzula. Bere bi grinak uztartu ditu bermeotarrak: musika eta argazkilaritza. Eszenatoki batean hain azkar pasatzen den une hori harrapatzeko abilezia du, ikuslearen begietan... [+]
Zer: Biarritz Piano Festival. Amaierako errezitaldia. Benjamin Grosvenor, pianoa.
Egitaraua: Schumann eta Moussorgskyren lanak
Lekua: Biarritzeko ‘Espace Bellevue’.
Data: abuztuaren 8a.
-------------------------
Biarritz Piano Festival... [+]
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
Iritsi da uda. Egunak argi, bero eta luze dira orain, eta kostaldea jendez, sonbrilaz, krema usainez eta doi-doi ulertzen ditugun hizkuntzez bete da. Zuzeneko musikan ere gauzak asko aldatzen dira: mailarik gorenean daudenek makrojaialdietako birari ekiten diote, poltsikoak... [+]
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
Kneecap taldea BBK Liven egoteak eztabaida piztu du makrofestibalek protesta politikoaz egiten duten instrumentalizazioaz eta kultura-eredu nagusiaren kontraesanei buruz.
Bilboko Bilboko Kontseilu Sozialistaren Laneko Autodefentsa Sareak BBK Live jaialdiko lan-baldintza prekarioak argitara atera nahi ditu, baira horien erantzuleak seinalatu. Horretarako, solasaldia antolatu du uztailaren 2an.
