MILITANTZIA
"Martxoak 26" mugimenduko
nire adiskideei
Duela bi urte eskas elkartu ginen
zerbait egiteko
ezer gutxi izan arren
aberri domestikoaren alde
gaixoa hain zegoen izorratuta
hastapenean erru epel bat sentitzen genuen
hotzeria iragartzen duen sukar heze moduko bat
zeren noski norberak bere atsekabe-teoria aldarrikatzen zuen
gaizki-ulertze komunitarioa nolabait ere ulertzeko
berez gutxi ziren beren sumina edo nostalgia ezpata-zorrotik atera zutenak
eta etorkizunak bere bionbo lainotsuen atzean mantentzen zituen hondamendiak
soldatak txikiak ziren baina aldiz iragarpenak izugarri handiak
halere biltegizainak eta jostunak garai hartan jada hain ziren ergelak non ez baitzuten bermetzat
iragarpenik onartzen
krisi garratzetan eta hekatonbe gozoetan beti gertatu ohi denez
bereganatzaileek absentziak bereganatzen zituzten
alegia ez-egitez axolagabekeriaz zurigarriz
gainezka zeuzkaten beren kontzientziak eta barrakoiak
eta ondorioz askok ez zeukaten gosea zerekin hil
eta gosea torturatzera mugatzen ziren
bai pozik hasi ginela duela bi urte
asko elkartzen zer gutxi ginen jakiteko
eta aho batez onartzen munduaren eta bizitzaren desordena
eta zin egiten bibliaren gainean edo hobe behin-behineko araudiaren gainean
inoiz ez ginela ahaleginduko bizitza eta mundua guztiz ordenatzen
anabasa poliki-poliki antola zedin saiatuko ginela soilik
eta gizakiak bere zigorrak merezi zitzan baina baita bere sariak ere
eta batez ere ez zezan jaso sari edo zigorrik inoiz ez bazen haien hartzekodun egin
bat-batean hiltzen hasi ziren gure anaiak eta gure arrebak
eta lehenengo larritasun-okadan ohartu ginen ez geundela prest horrela besterik gabe bizitza
lapur ziezaguten
heriotza jada ez zen eremu desmilitarizaturen batean napalmez eta coca colaz erretako haur
vietnamdar bat
heriotza harrezkero zera zen negu bat hemen bonba bat hemen min bat hemen fusilamendu bat
bizkarretik tristura mugiezin doi-doi ikusgai bat berrehun zigarretaren kearen artean
ehun mila eztarritan ehun mila korapilo genituela
arratsalde batez lagunak eta maitaleak eramaten hasi ginen
la tejara del nortera el buceora
ahanztura ezaren kanposantu santura
eta orduan akabo festa eta festaren aldaera guztiak
milimetroz milimetro pentsatu behar izan genuen eginbeharraren lurralde zabala
argi dago herri bat ez dela hasten herri izaten harik eta singular bakoitzak bere pluralaren premia
sentitzen duen arte
eta hain zuzen ere pluralaren premiak eraman gintuen elkartzera eta elkarren aurpegiak eta elkarren
beldurrak eta elkarren ausardia ikustera
emaitza ez zen oso ugaria
baina bai nahikoa
ez da egia kemena palakadaka biltzen denik
kemena koilarakada txikietan jasotzen da
eta halere aski da
eta halere aski da nahiz eta sobera ez izan
baldomero zaharrak esaten zuen bezala
semeari berealdiko jipoia eman ondoren
metodo hau aproposa da guztiz
baina soilik bizirauleentzat
aitzitik ikasi genuen ezen militantzia
kondairek eta diskurtsoek hainbestetan indar-husturiko hitz hori
egoera zibila bezain gauza normala zela
eta tiranos temblad bezain kolektiboa
konturatu ginen ezen militantziak tradizioen alfabeto horrek
ez zuela ordea tradizionaletik maitasunak baino gehiago
jakina ez da hurraka hasteko modukoa
ez da oraindik unea garaipena ospatzeko
are gutxiago plaza erdian usoak askatzeko
edo itxaropenak eta kanpandorreak zarataka jartzeko
ezta tango malenkoniatsuengatik hosannak txistukatzeko ere
berez asko falta da bizitzeko eta hiltzeko
asko ikasteko eta desikasteko
historia beti bezala bihozkada bertutetsuz beteta dago
baina aldiz historiaren behe-auzo miseriazkoak
gainezka daude etsipen-simaurtegiz erresumin-kakategiz
borrokatzen direnak kalumniatzeko zepo ideologikoz
besteren adoreagatiko bekaizkeria zekenez
egia estaltzeko esaten diren egia-itxurako gezurrez
duela bi urte eskas elkartu ginen
zerbait egiteko
ezer gutxi izan arren
aberri domestikoaren alde
gaixoa hain zegoen
izorratuta
eta azkenean zerbait ikasi badugu
ulertu dugu gorrotoak ez duela askorik balio
baina are gutxiago balio duela barkamenak
beraz jakin bezate
zintzoek
erdipurdikoek
eta gaiztoek
ezen hemendik aurrera elkarrekin ibiltzen, hazten, bilatzen eta are kantatzen badugu
horrek ez duela inolaz ere esan nahi
barkatzen hasi garenik
elefante
memoria bat ere
bada militantzia.
1973ko apirila
MARIO BENEDETTI
(Itzulpena: Aiora Jaka Irizar)
** Poema hau Militantzia eredu zahar-berriak agertoki ezezagunetan Larrun monografikoan 251. alearen parte da.
Amaiur Egurrola Ernairen bozeramaileak azaldu du Ernairen aurkako operazioari erantzuteko bildu direla, “baina batez ere gazteria independentista kalean dagoela esateko”. Eusko Jaurlaritzak ia 300.000 euroko isuna ezarri die Ernaiko 133 kideri, Aitor Zelaia eta... [+]
Hondarribiko jai egun handian, Alarde tradizionalak eta Jaizkibel konpainia parekideak bat egin behar zuten lehen aldiz abiapuntuan, baina argazki hori saihesteko, tradizionaleko konpainia guztiak berandu joan dira hasiera puntura. Plantoak planto, ordea, lehen aldi ugari bizi... [+]
Hitzordua Noaingo Zentzumenen Parkean izango da. Herritarrak eta ekoizleak elikagai ekologikoen inguruan biltzeko Nafarroako topagune handiena da azoka. Bederatzigarren edizioa da aurtengoa eta laugarren urtez jarraian Noaingo Zentzumenen Parkean egingo da.
Munduko Medikuak PiztuPower proiektu "eraldatzailea" abiarazi du, Nafarroako emakume afro-ondorengo gazteei laguntzeko eta aktibismoan trebatzeko etengabeko formakuntzaren bitartez.
Hondarribiko Alarde tradizionala eta Jaizkibel konpainia desfilatzen aterako dira, urtero bezala, irailaren 8an. Baina orain arte EAJk gobernaturiko udala Abotsanitzek eskuratu du eta egin dituen aldaketek hautsak harrotu dituzte Alarde tradizionalean. “Konpainia guztiak... [+]
Ernai Gazte Antolakundeko 133 kideri isunak jarri dizkiete, Aitor Zelaia eta Galder Barbadoren espetxeratzearen aurka mobilizatzeagatik. 290.500 euro dira guztira, eta diru bilketa bat jarri dute martxan, herriak ere ekarpenen bat egin dezan. Ibone Alonso eta Aizpea Uranga... [+]
Bigarren urtez segidan hartu du Habelarte baserritarren elkarteak Leitzako festetan, Gaztetxean, afariak emateko ardura. Nafarroako Mendialdeko ekoizle agroekologikoen produktuekin osatu dute eguneroko eskaintza, eta ehunka lagun pasatu dira abuztuaren 10etik 14ra haien... [+]
Neska gazteak agertzen dira irudietan eta Telegram bidez zabaltzen dituzte. Irailaren 1ean kanpaina bat abiatuko dute sare sozialen bidez, gobernuak neurriak hartu ditzan.
Sentsibilizazio saioen, hitzaldien eta sare sozialen bidez aktibismo antikapazitista egiten du Juncal Cepedak (Irun, Gipuzkoa, 1986). Txikitan ez du erreferente desgaiturik izan, eta besteei laguntzeko eta erreferenteak sortzeko egiten du dibulgazioa. Sare sozialen bidez,... [+]
Herrialde berri batera moldatzeak dakarren astindu identitarioaz gain, migrazio-bidaietan eta berton aurre egin behar dieten indarkeriek oztopatzen dituzte etorkinen bizipenak. Psikoterapia da ondoeza sendatzeko bide bat, baina ez bakarra.
Lehen aldiz, ikerketa bat egin dute tanpoiek metalak ote dituzten ikusteko. Izan ere, metal batzuk toxikoak dira, baina AEBetako, Europako eta Erresuma Batuko legediek ez dute horri buruzko araudirik.
Joan den uztailean, hilabete batez, 127 gaztek 400 kilometroko espedizioa oinez egin dute Euskal Herrian gaindi. Abenturazale haiek Jzioquitarrak deitzen dira eta 30 egunez, 27 herri bisitatu eta hainbat euskal eragile ezagutu dituzte. Aurten, EuskarAbenturako helburuak aise... [+]
Bi bortxaketa eta beste sei erasoren salaketa zuzenak jaso ditu Gasteizko Mugimendu Feministak. Elkarretaratzea egin du erasoak salatzeko txosna gunean, ostegunean. Gasteizko Udalak elkarretaratzea ostiralean 11:00etan egin du. Erasoen harira ez dute inor atzeman, momentuz.
Venezuelan dauden Askapena talde internazionalistaren brigadistekin hitz egin du ARGIAk, hauteskundeen osteko egoeraz eta etorkizunaz.