Orgasmoa
Emakumeon masturbazioa irten da plazara. Ez pentsa, ordea, zainak lehertzear dituen zakiltzar trajea jantzita dabilenik. Haize eskean zebilen klitoriari merezi duen protagonismoa eman diote eta Olentzerori berari ere ailegatu zaio Satisfyer delakoaren uhin miragarria.
Deskuiduan baten batek ez du jakingo zeri buruz ari naizen. Ea ba, horrela, motzean: Thermomixaren bertsio erotikoak mesanotxeak konkistatu ditu. Entzun arretaz: aparteko aurre elaboraziorik behar ez duen gailu sofistikatua heldu da gurera eta norberaren zaporeaz deus ez dakienak ere gozamena inoiz ez bezala dasta dezan botoia sakatu besterik ez du. Bi minutu baino ez dira behar! Jostailu nabarmen garaikidea. Helmugara zuzenean, bidaiarik gabe: Doraemonen ate magikoa.
Atsotitza aldatu beharko dugu: “Azkar eta ondo Satisfyerak orgasmo”. Zenbatetan entzun ote nien maisu eta maistrei esaera hura. Ariketa garbira pasa behar beti. Alferrikakoa zen protesta. “Edukiaz gain aurkezpena garrantzitsua da”.
Tira, kontuak kontu, uda partetik hona milaka kuadrilla-afaritan algaraka hitz egin dugu masturbazioaz. Eztabaida sortu da kafetegietan. Klitoria askoren hiztegian sartu da. Dibertitu gara. Erregalua bildu eta sekula baino zentzudunago bota diogu elkarri: osasunez urratu.
Itzela da ile-maskarak efektua egin bitartean trastea martxan jarri eta zerua ukitu ahal izatea, dudarik gabe. Dena ez da, ordea, satisfactory. Ez da nostalgia kontua; gisatua su txikian eginda ikasten dena nekez ikasi ahal da Thermomixa erabilita. Joder, Instagram irakurrita badirudi estasia on zapalduta hasi eta off zapalduta bukatzen dela. Eta noski, testuinguru horretan, bada garaipena barrukoari aitortu partez, kanpokoari oparitu dionik. Baita promestutako paradisuaren sarraila ezin topatuta bere buruaren gaitasuna zalantzan jarri duenik ere.
Kutxa barrukoari baino, hainbesteko presupuestorik gabe gorpuztasunaz goza dezagun abagunea eraikitzen dutenei zor diegu kuadrilla-afariko arrakasta. Dena den, aizue! Plazera, autoezagutza eta autoestimua ureztatuko baditu: Ongietorri Satisfyer! Kontrara, jostailuari bateria agortu ostean etxafuegoak pizteko komeriatan ibiliko garen ustea landatuko badu; hutsik gabeko orgasmo azkarra aukera partez hegemonia bilakatuko badu; akaso bai, akaso garbira pasa beharko dugu marketin kanpaina.
Artean ez nintzen jabetu, baina agian arrazoi zuten maisu-maistrek. Segun eta nola aurkeztu lana, horrela helarazten dugu edukia. Azkar eta ondo usoak hegan?
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Azken urteotan Donostian gero eta ozenago entzuten ari gara bizilagunen ahotsa: turistifikazioa gure hiria itotzen ari da. Joan den ekainaren 15ean, ehunka donostiar atera ginen berriro kalera gure bizi-baldintzak eta bizimoduak defendatzera. Jendartearen eta auzoen beharrak... [+]
Garraioaren sektorea da gaur egun Euskal Herrian berotegi efektuko isurketen erantzule nagusia (%35), energia gehien kontsumitzen duena (%47) eta petrolio kopuru handiena erretzen duena (%74). Gainera beste sektore batzuetan isuriak apurka-apurka murrizten diren bitartean,... [+]
Bi gai mahai gainean, ezinbestean.Batetik, CAF eta Palestina. Bestetik, PSOEren bueltako ustelkeria sarea. Nondik hasi eta non bukatu ere ez dakit, bulkadez betetako artikulua izango dela jakinda.
Nazio Batuen Erakundeak 40 enpresa salatu ditu, CAF tartean, eta Gazako... [+]
Atzo jakin dut euskal prentsatik Jean Reno aktoreak lehen nobela idatzi duela. Berri hori euskaraz jasotzeak munduko hiritar edo paleto global bihurtzen ote nauen oso ongi jakin gabe, nobelak idazteko arteaz egin dut gogoeta.
Tokitan dago “nobelaren heriotza”... [+]
Azken asteko sapa lehergarri egunetan gure zereginen egitarauak aldatu beharrean aurkitu gara. Freskura erlatibo batek seietan atera gaitu ohetik, gosaldu eta lan gehienak bederatzietarako plegatu ditugu eta hamarretan jalgi gara oinezko ibilaldia egitera. Eta ez ginen bakarrak... [+]
Ikastetxeetako ikasgelak, tamalez, espazio gatazkatsuak izaten dira askotan eta, gatazka gehienetan gertatzen den moduan, emozio intentsuak eta minak izaten dira. 2022an, ikastetxeetan aritzen diren beste eragile batzuekin batera, azken urteetan ikasgela askotan bizirik dagoen... [+]
Nunquam polluta dio Baionako lemak, erran nahi baitu "sekulan zikindu gabea" edo "sekulan hartu gabea", eta erreferentzia egiten die inbasio saiakera historikoei, espainiarrengandiko, frantsesengandiko eta ingelesengandiko saiakerak ez omen baitziren... [+]
Europako ongizate estatuak munduan zehar izugarrizko miresmena izan du herritar xeheen artean, ez hainbeste enpresari eta agintarien gehiengoan. Izan ere, miresmen hori areagotu egiten zitzaigun iparraldeko herrialdeetatik pasatzen baginen, izan lan bat egin behar bazenuen edo... [+]
Palentziako amama oso emakume soila zen hitzetan. Bazituen zenbait hitz dena adierazteko balio zutenak, tartean bitxo hitza: berba horren baitan kabitzen ziren zomorroa, behia, txakurra... eta batzuetan baita gizakia ere. Bitxoek auzokide latzak dituzte gizakiongan, ez baikara... [+]
1925. urtea izango balitz, akaso emakume erraketistak izango lirateke Zeruko Argiako aktualitate orrialdeetako protagonistak. Agian haien kirolari merituak goraipatzeko, agian feminitate arauak desobeditzeagatik seinalatzeko. Nire buruari agindu diot haien izenak memorizatzeko... [+]
Sei urte, sei urte luze, pasa dira Ciudadanos alderdi politikoak bere mitina egin zuenetik gure herrian. Bere mitina apirilaren 14an, errepublikaren egunean, eta inongo ordezkaritzarik ez duen herri eta lurralde batean. Ohituak gaude horrelako probokazioekin, baina egia da... [+]
Ikasturte hau, zalantzarik gabe, ekitaldi handien ikasturtea izan da. Horrek hainbat hausnarketa eragin ditu kalean, eragile sozialetan zein sareetan. Eragin baino gehiago, azaleratu; egon bazeudelako lehenago ere. Esan beharrik ez dago: aisialdia ez da erantzukizun politikotik... [+]
Lagunen arteko erlazioak fluidoen fisikaren pean daude, amodio erlazioak baino gehiago, Zygmunt Bauman gorabehera. Ez du gura esan amodio harremanak, egun, solidoak direnik. Likuadora-ren soziologoak saiakera gomendagarria idatzi zuen horretaz, Maitasun likidoa, azpitituluz Giza... [+]