Esperientziak esaten digu gure gizarte modernoak –salbuespenak salbuespen– ez direla beren bozeramaileak aukeratzen dituzten herritarren ordezkaritzarekin gobernatzen. Botere ekonomikoak dira, beren terminal mediatiko eta politikoekin, erabakiak baldintzatzen dituztenak.
Burtsaren Ibexak (bankuak, eraikuntza enpresak, elektrizitate konpainiak, etab.) inposatzen ditu erabaki horiek. Injustizia, desberdintasuna, prekarietatea eta lurraldetasun politikak inposatzen ditu, bere interesak eta etekinak babesteko gehiengo sozialaren aurrean.
Espainiako Estatuan koalizio-gobernua dago orain, printzipioz aurrerakoia dena, eta Kataluniako, Euskal Herriko eta Galiziako ezkertiar independentistei esker sortua, baita euskal alderdi nazionalisten babesari esker ere. Oraindik gizarte-neurririk eta lurralde-konponbide politikorik ezarri ez duen arren, botere ekonomiko horien danborrak areagotzen ari dira, alarma eraginez. Gobernu aurrerakoi berria eratu aurretik, eta inbestidura garaian, botere ekonomiko horiek, guztiz muturrekoak bilakatu diren eskuineko talde politikoen bidez saiatu dira bitarteko guztiak erabiltzen gobernu hori sor ez zedin.
Eta jarraituko dute bidegabekeria, langabezia, pobrezia, desberdintasuna, prekarietatea, genero-indarkeria, klima-aldaketa eta lurralde-irtenbide politikoen alde eraginkortasunez borrokatzen duen edozein gobernu erasotzen.
Espainiako Gobernu ustez aurrerakoi hori ez da Euskal Herriari dagokiona, haren jaiotzan lagundu badugu ere. Dena den, gure subiranotasun nazionala berreskuratzeke dagoenez, bere erabakiek gure interes politiko, laboral eta sozialei eragingo diete. Horregatik, hemendik ere erne egotea komeni da, eraso hori eragozteko.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Asmatuz gero, ziur asko, eraginkorragoa da keinu bat, hitz bat baino. Zenbat bider esan eta ezeztatu dugu mila hitzek irudi batek baino gehiago balio dutela. Barkatu, alderantziz da. Ez da bakoitzak zenbat balio duen, da zertarako. Zerbait ulertzen burua bihurritu nahi... [+]
Etxe batean badira zenbait gune, gutxitan erakusten zaizkionak etxetarra ez den norbaiti. Esan trastelekua, ganbara, galdara gela, armairu bat. Askotan lurrazpiko etxeko oinean edo irisgarritasun gutxiko etxearen goialdean kokaturik dira. Etxearen txoko hauek lotsa,... [+]