Concerto Köln antzinako musika jotzen duen orkestra baino askoz gehiago da. Ibilbide luze eta oparoa du. 1985ean sortu zen, eta, handik aurrera, mundu osoan kontzertu eta bira ugari egin du. Esan dezakegu aldi barrokoari eskainitako talde nagusienetako bat dela gaur egungo musika-panoraman. Baina horrez gain, kontzertuez gain, topaketak eta mintegiak ere egiten ditu talde honek, eta Concerto Kölnen egoitza Kolonia hiriko lehen antzinako musikaren zentroa bihurtu da.
Esan bezala, musika barrokoari erabat lotuta dago talde hau, baina errepertorio zabala du, lehen barrokoko musikatik klasizismoraino baitoa. Izan ere, 2017an Wagner Readings izeneko proiektu batekin hasi ziren, Wagnerren Nibelungoaren eraztuna trilogiaren irakurketa historizista egiteko nahian.
Talde famatu honen merezitako ospearen froga Donostian izandako kontzertua dugu. Mayumi Hirasaki biolin jole japoniarraren batutapean, XVIII. mendearen lehen erdiko concerti grossiek osatutako programa eskaini zuten.
Hasieratik bukaeraraino Concerto Kölnen ezaugarriak disfrutatu genituen: estilo pasionatua, freskoa, eta, zentzu onenean, inprobisatua. Inprobisatua, obra bakoitzaren interpretazioa lehen aldiz joko balute bezala ateratzen delako, inongo kutsu ortopedikorik gabe. Gauza bat da bertsio on bat egitea, eta beste bat, bertsio fresko eta nolabait berria eskaintzea, talde honek egiten duen bezala.
Soinu aldetik, gardentasuna eta delikadezia dira haien ezaugarriak, eta halaxe, doitasun osoz jo zituzten egitarauko zortzi concerti grossi. Bi lehendabizikoak, Eguberriei eskainitakoak, Corelliren 8. Concerto grosso op. 6 ‘per la notte di Natale’ eta Vivaldiren biolin eta orkestrarako RV 270 mi maiorrean ‘Il riposo per il Natale’ fin eta gozagarriak atera ziren. Geminianiren Concerti grossi op. 3 re maiorrean eta op. 7 si maiorrean obren irakurketa sakona egin zuten. Charles Avison (Geminianiren ikaslea) konpositorearen 3. Kontzertua sol minorrean interpretatu zuten, aurrekoak bezain perfektua, eta, azkenik, Telemannen Bi txirularentzako kontzertua TWV 52-E2 mi minorrean eskaini zuten, melodiotsu eta arina. Mundiala.
UGER
Noiz: abuztuaren 11n
Non: Santa Klara ermitan (Ondarroa)
--------------------------------------------------------
Sargoriari bizirauten saiatzera egin dugu kostalderantz, husten zihoan hondartzan bainua hartu, afaldu eta Santa Klara eguneko kontzertuak... [+]
OCU kontsumitzaileen Elkarteak hiru arrazoi zehaztu ditu, horien artean kanpoko janaria eta edaria Kobetamendiko esparruan sartzeko debekua, eta eskudirutan edo banku-txartelaren bitartez ordaintzeko ezintasuna. Facuak aurreko urtean egindako salaketan zehazturiko arazoak... [+]
Badator uda, eta horrekin batera, herri, auzo eta hirietako jai herrikoiak. Jaiak beti izan dira aldarrikapen sozial eta politikoen, auzokideen arteko harremanen eta euforia herrikoiaren aterpe. Gure kaleak hartzen dituzte, eta egun batzuez autogestioaren, desberdinen arteko... [+]
Bi edizio baino ez zaizkio geratzen elkartasun jaialdiari. Antolakuntzak iragarri bezala, ohiko jaialdia eginen dute abenduaren 28an, eta 2025eko uztailean lau eguneko jaialdi berezi baten ostean, agur esateko une gazi-gozoa helduko da. Aritz Colio Hatortxuko antolakuntzako... [+]
2024ko abenduan eta 2025eko uztailean egingo dituzte euskal preso politiko, iheslari eta deportatuekiko elkartasuna ardatz duen musika jaialdiaren azken bi edizioak. “Hatortxu badoa, baina erreminta berriei bide emateko”.
Willis Drummonden agur besta
Non: Intxaurrondoko kultur etxean, Donostian
Noiz: Urtarrilaren 5ean
Gonbidatuak: Zetkin, Elvis Caino DJ, Indezen DJ eta Zumitrenko DJ.
------------------------------------------------
... esango dugu noizbait. Joan ikustera, baina... [+]
Arabako Mendialde eta inguruetako identitate disidenteek osatzen duten Asteriskes kolektiboak Bermu Okerra musika jaialdia antolatu zuen abenduaren 28rako. Araba eta Nafarroa arteko mugan kokatuta dagoen Kontrasta herrian egin zuten, eguerdian. Antolatzaileek azaldu dutenez,... [+]
Arabako Mendialde eta inguruetako identitate disidenteek osatzen duten Asteriskes kolektiboak antolatu du Bermu Okerra musika jaialdia abenduaren 28rako. Araba eta Nafarroa arteko mugan kokatuta dagoen Kontrasta herrian egingo dute jaialdia, eguerdian.