Kantu ederrak, disko dotorea
.jpg)
Mukuru, 2019
Kaskezur taldearen lan berria oso txalotua eta goraipatua izaten ari da, eta ez da harritzekoa. Taldeak berezkoa duen doinuan sakondu du, Azpisugeak (Mukuru, 2017) aurreko lanaren bidetik, eta bere diskorik landuena eta osoena egin duela esan daiteke. Kanta ederrak dituen disko dotorea.
Taldekidek oso gustu ona erakusten dute kantak sortzeko eta jotzeko garaian, eta grina, adore, leuntasun eta fintasun handiarekin aritzen dira. Rock, noise-rock eta power-pop kutsuko doinuak egiten dituzte. Melodia politak, pasarte ilunak, sutsuak, lasaiagoak eta korapilatsuak, askotariko ñabardurak, gitarren arteko jolasak. Psikodelia eta esperimentazioa. Doinuak eta hitzak: “Bat batean lurra sabai bihurtu zen eta gauzak gorantz erortzen hasi ziren (Gora), “Hitz egingo dute Askatasunaz. Zokoetan klanak adi sasi artean. Ihes egingo dute animaliak. Libre izateko bakarrik gauaz” (Animaliak), “Bide bat marraztu. Librea, naturala, jarraia ta ibiltaria. Fruta jan, fruta jan, fruta jan, fruta jan” (Buztinezkoa).
Sonic Youth, The Cure, Dinosaur Jr., Sebadoh, Superchunk, Fugazi eta beste talde batzuen ukituak antzeman daitezke Kaskezurren kantetan, baina taldekideek ederki jakin dute eraginak bereganatzen, beren doinua sortzeko, beren giroa, Kaskezur doinua.
Imanol Zubieta (baxua), Mikel Santxez (bateria), Ion Minde (gitarra eta ahotsak) eta Iñigo Belzunegi (gitarra eta ahotsak) aritzen dira Kaskezur taldean. Haien artean sortu dituzte diskoko kantak, bat izan ezik, Euria kanta Euria ari du-ren bertsio librea delako (Joseba Irazokik konposatua da musika eta Dani Irazokik idatziak dira hitzak). Grabazio saioetan, Joseba Irazoki bera gitarrarekin aritu da, Ibai Gogortzak ere gitarra jo du, eta Miren Narbaizak kantatu egin du.
Grabazioaz Iñigo Irazoki teknikaria arduratu da, ekoizpenaz Ibai Gogortza bera eta masterizazioaz Jonan Ordorika.
Kaskezur taldea Baztangoa (Nafarroa) da, 2004an sortu zen, eta bost disko ditu kaleratuak. Oso lan onak. Orain, hoberena, disko berriko kantak entzun eta taldea jendaurreko emanaldi batean ikustea da, eta gertutik sentitzea taldeak bere kanten bidez transmititzen duen zirrara, sentsazioak, sentipenak, emozioak.
Goizegi Hiltzeko
Ødei
Autoekoizpena, 2025
53 min.
Ulertzen nauten herrian ez da musika hau entzuten. Rap musikak akaso urte okerragoak izan ditu Euskal Herrian, baina oraindik ez da beste batzuen altuerara heldua. Denentzat ditu koplak Odei Barroso... [+]
Zatitxu 7
Zikin
Mendeku diskak, 2025
-------------------------------------------------------------
Aurten ere, udarekin batera dator Zikinen lan berria, esanez bezala: berdin zait oporrek hartzen bazaituzte Elantxoben, Belaguan edo Copacabanan. Eguraldi onak ez du egoera... [+]
Alegoría del mal
Rat-zinger
Kasba Music, 2025
--------------------------------------------------------------
Apokalipsiaren aurreko garai ustel hauetan, non eskuin atzerakoienak lortu duen bere diskurtsoa erdian jartzea, erabat ezabatuta dagoen gizarte batean,... [+]
C.R.I.N.G.E
Azuleja
Le Royale, 2024
--------------------------------------------------------------------
Bai, ia beti euskal taldeak dira lerro hauetan intereseko. Guretzat, eta zuentzat. Baina pixka bat epifania moduan, Amabirjina ikusi duenak nola, hala daukat... [+]
Norabide bakarrean
721-Gogor Gabiltza
Autoekoizpena, 2025
---------------------------------------------------------
Askotan, guraso garenon kezka bat da ea seme-alabek gure aholku edo "txapak" aintzat hartuko dituzten, jakitun izanda, era berean, guri kontra... [+]
Miruenea
Mirua
Oso polita, 2025
--------------------------------------------------------------
Bi urtez egon dira lanean Miruakoak “inoiz egin duten proiektu garrantzitsuena” aurkezteko: Miruenea. Eta, egia da, gaur egun artista guztiek dioten arren... [+]
Dirudienez
Karma
Autoekoizpena, 2025
--------------------------------------------------------
Mugatzat ez badugu ere, muga da askotan Bidasoa; kulturala, informazioarena… Eta beste aldekoa urrun gelditzen zaigu. Bada, gogoa eta laguntasuna dira muga apurtzaile... [+]
XAK
Xak
Mukuru, 2025
---------------------------------------------------------------
Entzun baduzu eta ez bazaizu sobera sartu, esango nizuke: entzun berriro. Nire urteko disko kutunena izango dena egin berri du Paxkal Irigoyen baxenabartarrak, oraingo honetan, XAK... [+]
It's on
JOHN DEALER & COCONUTS
Ghost Highway, 2025
------------------------------------------------------
Adin batetik aurrera kontzertuak, diskoak eta kantuak bizkarrean eta burmuinean pilatuta, eta musika entzuteko denbora murritzagoa bilakatuta, taldeak bilatu... [+]
Esperoan
Hiuzz
Autoekoizpena (egun motelak kolektiboa), 2024
Ohartu gabe igarotzen diren taldeen multzoa gero eta handiagoa da, edo inoiz baino handiagoa, behintzat. Hiuzz taldearen Esperoan lanak hilabete batzuk... [+]
Obducción de la Amenaza / Zirt Zart (Split-ep)
2024
---------------------------------------------------
Musika panorama erraldoia da, helduezina. Horien artean badira foku guztiak bereganatzen dituzten talde handi gutxi batzuk; horren nahian diharduten beste asko,... [+]
Poliorkêtês
Kerobia
Autoekoiztua, 2025
--------------------------------------------------------
Azken aldian, lerrootan asko nabil hausnartzen musikak izan beharko lukeen “misio historikoaz” eta abarrez. Eta, nolabait, zer egin beharko lukeen... [+]
Antifa hardcore
Lee-Kore + Hoben
Autoekoizpena
---------------------------------------------------------
Tamalez ez da ohikoa Arrasaten hardcore kontzertuak egitea, bestelako musika eszenak nagusitzen direlako. Hala bada, joan den larunbatean herriko gazte batzuen... [+]
Bizitza eztia
Verde Prato
Plan B Records, 2024
--------------------------------------------------------------
Ousmane Sembène zinemagile senegaldar ospetsuari galdetu zioten ea bere pelikulak Europan ulertzen ote ziren. Erantzuna, epikoa: “Izan gaitezen... [+]
Bidea da helmuga
Kokein
Balaunka, 2024
--------------------------------------------------
Eibarko rock talde beterano hau familia oso desberdinetako lagunek osatu zuten aspaldi eta ia fisurarik gabe hamarkadatan eutsi dio. Izan ditu atsedenak, gorputzak hala eskatu... [+]