Emakumeak borrokan

Sareak eta deskolokeak

June Fernández @marikazetari
2019ko urtarrilaren 13a

Asteak eman ditut ARGIAren mendeurrena dela eta zer idatzi pentsatzen. Egundoko erronka iruditzen zait, nahiz eta Mikel Asurmendik –kolaboratzen daramatzadan bost urte hauetan nire editore estimatua– beti egiten dudana egin dezadala aholkatu izan. Bitartean, nire urtebetetzea ospatu dut eta puntua egiteko kit bat oparitu dit bikotekideak. Bi jostorratz luze eta gorri, artilezko hiru haril koloretsu, eta gida azkar bat.

Txikia nintzenean amama Otiliak trikotatzen irakatsi zidan. Barbie panpina janzteko lauki bat egitea baino ez nuen lortu, baina tira, oroitzapen hori grabatuta geratu zait. Hala ere, 34 urte bete arte ez naiz nostalgiatik ekintzara pasa. Amamak dagoeneko ez du punturik egiten. Youtuber batekin berrikasi dut, hipster gehienek bezalaxe.

Ehuntzeak ideien eta emozioen jarioa errazten duela diote. Trakeski puntua egiten nenbilen ARGIAren ehungarren urtebetetzerako ehuntzeari buruz idaztea okurritu zitzaidanean. Emakumeen ondare preziatu bat –ehungintza kultura, zientzia, ekonomia eta zaintza baita– galtzen ari da, baita emakumeen topagune baliotsu bat ere. Emakumeak ehuntzeko elkartzen direnean bere saminez eta pozez barra-barra hitz egiten dute. Hala ere, maiz entzun diot feministaren bati adineko emakume talde soziokulturalei erdeinuz “las del macramé” deitzen. Jostea politikoa ez balitz bezala, emakumeen elkartasun eta zaintza sareak baliotsuak ez balira bezala.

Baina artikulu hau mentalki idazten nenbilela, folio txuriaren beldurrez, Twitterren sartu eta niri zuzendutako bi txiok kezkatu eta gogaitu ninduten. Lehenengoa, ezagutzen ez dudan emakume batena: “Barkatu, baina ez dut ulertzen zergatik moderatuko duzun haurdunaldi subrogatuaren erregulazioari buruzko mahai-inguru bat”.

Maiz entzun diot feministaren bati adineko emakume talde soziokulturalei erdeinuz
“las del macramé” deitzen.
Jostea politikoa ez balitz bezala, emakumeen elkartasun eta zaintza sareak baliotsuak
ez balira bezala

A ze bekatua, momentuko eztabaida sozial konplexu bati buruzko solasaldi bat moderatzea! Bigarrena, eragin handiko feminista batena, Pikara magazinaren Miss Universo lehiaketan emakume transen parte-hartzeari buruzko erreportaje baten harira: “Harritu eta deskolokatu nau espazio misogino eta mafioso baten justifikazioak”. Hara, txiolari honentzat ere gai bati buruz debatitzeak gai hori legitimatzea dakar!

La Marea egunkariaren txosten bat irakurri berri nuen egun hartan: Ñabarduren premia. Sare sozialek iritzi publikoaren polarizazioan izan duten ardura aztertzen du. Eta irakurleen sostenguan oinarritzen diren medioek autozentsurara jo ahal dutela euren harpidedunak galtzearen beldurrez. Pikara-n arrisku hori ondo ezagutzen dugu, esaterako aktore porno bati elkarrizketa egin nionean, prostituzioaren abolizioaren defendatzaile askok gure aldizkariari boikot egitera deitu zuten. “Ez zaitezte inoiz adostasun osoz irakurtzen duzuen hedabide batez fidatu, kazetaritzaz mozorrotutako panfleto bat izango baita”, erantzun zuen Andrea Momoitiok orduan. Ez da kazetaritzaren lana irakurleak kontentatzea, pentsaera kritikoa sustatzea baizik.   

Zenbat presio, haserre eta krisiri eutsi izan dio 100 urtez Zeruko Argia izen kristauarekin jaiotako aldizkari honek? Zenbat harpide galdu ditu pauso ausart edo deseroso bat eman duen bakoitzean? Eta zenbat irabazi?

Harrigarria eta deskolokantea da 1919. urtean Kaputxinoek sortutako aldizkari bat egun Euskal Herrian mugimendu sozialekin estu lan egiten duen hedabide profeminista izatea.

Harritua eta deskolokatua dagoela badio irakurle batek, kazetariok lan egokia egiten dugunaren seinale.

Beste ehun urtez harritu eta deskolokatu gaitzan opa diot ARGIAri! 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Iritzia  |  Feminismoa  |  Sare sozialak

Iritzia kanaletik interesatuko zaizu...
Enpresen rola

Lehenengo apuntea: jarduera sozial, ekonomiko, kultural eta humanoan gehiago eragiteko beharra ez dago eztabaidan. Bigarrena: nahiko onartuta dago lanean lortzen dugun gogobetetze maila txiki samarra dela askorentzat.

Ba bi uste horietatik abiatuta, lerro hauen bidez mahai gainean jarri nahi da helburu horietara gerturatzeko aktore “berri” bat (enpresa) aktibatzea inportantea izan daitekeela. Baina horretarako, estereotipoen hesietatik ihes egin eta esparru sozial eta humanoaz... [+]


Gezurrak, engainuak eta lapurretak

Beti izan da boterearen dimentsio garrantzitsu bat irudipenen maneiua munduko gertaeretan. Orain protagonismo osoa berri faltsuek dute; halere, hauek jazartzeko Mendebaldeko gobernuek, hedabideek eta unibertsitateek sortu dituzten ikerketa zentroek ez dituzte finkatu zein ezaugarri izan behar dituen berri faltsu batek. Izan ere, fake news eta egia-ostea bezalako kontzeptuak propaganda gerrarako tresna gisa sortutakoak dira eta beraz, sortzaileek nahiago dute kontzeptuak lausoak izatea; bestela,... [+]


2019-05-19 | Edu Zelaieta Anta
Japoniar turistak

Ez duzu zehazki gogoratzen noizko kontua den; hau da, noiz ikasi zenuen sozialki japoniarrak oporretan joaten zirenean argazki makinak etengabe erabiltzen zituztela. Bikotekideari galdetu diozu zeure informazioa kontrastatu nahian, baina ez zarete ados jarri. Kasualitatez-edo, bi egun geroago, Valentzian, bertako fallei buruzko museo batean aspaldi ikusi gabeko eszena ikusi duzue biek: hiru turista japoniar makina banarekin argazkia egiten ari dira sua hartzeko prest dagoen fallari. 1991ko data... [+]


2019-05-19 | Ane Labaka Mayoz
Kontuz, ileak

Ile bat transgresorea da berez, izatez; errebeldea, intsumisoa, bihurria, apurtzailea, ausarta. Tokiz kanpo egon ohi da gehienetan. Deserosoa da sarri. Arrain zoparen platerean, luxuzko hoteletako perfumedun izara zurietan, bainerako ura urmaeltzen duen buxatutako hoditerian, bibote izatera iristen ez den nerabearen ezpain gaineko esparru minatuan, maitale kartsuaren ahoan, edozein emakumeren gorputzean… Traba egiten du ia beti.

Besapeetakoak politizatzen asmatu du zenbaitek... [+]


2019-05-16 | Fernando Merino
Ospakizunak

Ospakizun garaiak bizi ditugu. Efemeride loriatsuen bostehungarren, hirurehungarren  urteurrenak Espainiako historia ofizialean. Nafarroako erresuma Gaztelakoak konkistatuta (Espainiaren batasuna eta sorrera), Mundu Berria deskubrituta, lehenengo mundu bira eginda, Espainiako Indar Armatuei aintza eta loria eman zizkioten euskal marinel eta militar garrantzitsuen jaiotza... Testuinguru horretan parte hartu dute espainiar armadako buruek erakunde ofizial zein pribatuek antolatutako hitzaldi... [+]


2019-05-16 | Hainbat egile*
Gobernua, eskola eta herriko desoreken bultzatzaile?

Ordizia, EAEko 10.000 biztanletik gorako udalerrien artean migrazio tasa altuena duen herria da, %17,4ko tasarekin. Eskolatze datuei erreparatuz tasa hau are altuagoa da. Esaterako, Haur eta Lehen Hezkuntzan eskolaturiko ikasleen familien %21,7k atzerrian du bere jatorria. Aniztasun hau balio oso positibo eta aberastasun moduan bizi dugu. Herritar hobe egiten gaitu.


2019-05-15 | Gabi Oyharzabal
Europan sartuz gero, hemengo usaiak errespetatu behar dira

Argia-n agertu da elkarrizketa interesgarria, eztabaidagarria dena. Madrilgo emazte musulman ezagutua denarekin: Amanda Figuerasekin.


Zorrotzaurre: Ezagutzaren irla, dirudunen interesen isla

Steilas oso kezkatuta dago goi-mailako prestakuntzarako eta teknologia garapenerako proiektu berrien inguruan instituzioek hartutako erabaki politikoekin, bereziki Zorrotzaurreri dagokionez. Izan ere, ekimen pribatuan oinarritzen den irakaskuntza eta ikerkuntza eredua  sustatzeak arduratzen gaitu.


2019-05-12 | Nora Barroso
Plastikoa

Sortzen dugun zaborra gure gorputzen eta ekintzen luzapena da. Behin begi-bistatik kenduta, gurekin zerikusirik ez duen zerbait bezala ikusi nahi dugu baina ez, ezin dugu pegatutako txiklea hain erraz gainetik kendu.

Alarma ugari daude piztuta. Batzuk ezin ditugu ekidin, hainbat ez ditugu ikusten, zenbait ez ditugu ikusi ere egin nahi. Halere, egunerokotasunaren testuinguru bizi horretan sentitzen/esaten/egiten ditugun horien presentziak markatzen du oraina eta etorkizuna zertzelatu... [+]


2019-05-09 | Juan Mari Arregi
Felipe VI.a Espainiako erregeak 20.230 euroko soldata jasotzen du hilero

Espainiako Errege Etxeak bere webgunean publiko egin berri duenez, Borboi familia horretako kideek ia 680.000 euro poltsikoratu zituzten soldata gisa 2018an.


ASTEKARIA
Azkenak
EGILEA
Eguneraketa berriak daude