Gora bihotzak!

Joxi Ubeda Goikoetxea
2018ko abenduaren 16a
"Modus Operandi". Modus Operandi. Baga Biga, 2018

Kanta batean dioten bezala, “gora gure bihotzak”. Izan ere, Vendetta eta Betagarri taldeen eta ska-rock doinu aldarrikatzaileen eta borrokalarien zaleak pozik egongo dira, Modus Operandi talde berria martxan baitago eta bere lehen diskoa kalean.

Ska estiloa da beren kanten ardatz nagusia, eta rap-metal, rock melodiko, hardcore melodiko, ragga eta erritmo balkanikoen ukituak ere suma daitezke, eta aire latinoak ere bai, zenbait kantatan. Lan ona egin dute. Soinu indartsua gauzatu dute, kantak ozen entzuten dira, eta gainera taldekideak bizitasun handiarekin aritzen dira. Egurrean, adore handiarekin. Kantak ez dira luzeak eta disko osoa berehala entzuten da, kanta bat bestearen atzetik, arnasa hartzeko astirik ere izan gabe.

Kanten bidez, askatasuna, burujabetza, berdintasuna, begirunea, memoria historikoa eta justizia aldarrikatzen dituzte. Kritika eta salaketa egiten dute bidegabekerien kontra, baina modu positiboan, alaitasuna eta bizipoza transmitituz. Hau da, helburuak eta ametsak lortzeko borrokatu egin behar dela, lan egin behar dela, baina gogo-aldarte onarekin hobeto, eta itxaropena galdu gabe.  

Iñaki Ortiz de Villalba Betagarri taldeko abeslariak jarri du abian Modus Operandi. Kanten doinuak eta hitzak berak sortu ditu, Onintza Enbeitak eta Agnes Todak idatzi dituzten hitz batzuk izan ezik.

Betagarri taldea iaz gelditu zen, baina Iñakik musika munduan jarraitzeko gogoa zuen, eta bere kanta berri batzuk prestatzen hasi zen Lauroba taldeko Andoni Garcia Matxain gitarra jotzailearekin. Vendetta taldeko Enrikko Rubiños Rezolak (bateria) eta Ruben Antonek (tronpeta) bat egin zuten beren proiektuarekin, eta udazkenerako Modus Operandi taldea osatuta zeukaten jadanik Izaroren taldeko Julen Barandi baxu jotzailearekin eta The Hot Wok taldeko Gonzalo Fernandez de Larrinoa tronboi jotzailearekin. Gonzalok diskoa grabatu eta taldea utzi du, eta Diego Martinezek jotzen du orain tronboia.

Taldea gogotsu hasi da, hilabete gutxian kanta sorta polit bat sortu eta biribildu dute, disko bat grabatu, eta jendaurreko emanaldiak egiten hasi baitira. Diskoan bezala, orain arteko saioetan argi eta garbi ikusi da taldekideek duten jotzeko gogoa, haien grina eta kemena.  

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Disko kritikak

Disko kritikak kanaletik interesatuko zaizu...
2019-02-17 | Iker Barandiaran
Kontzeptua, gogoa eta intentsitatea

Gasteizko laukote honek harrituta utzi nau post-hardcorea biziberritu izanagatik; energia biziko kontzertuak egiteagatik; eta estreinako lana disko kontzeptuala delako. Historiako gertaera latzak aukeratu eta bakoitzari kanta bana idatzi diete: 12 guztira, Gernikako bonbardaketa, Gasteizko Martxoak 3, Leningradoko guda, Srebrenica zein Malaga-Almeria, besteak beste. Hori guztia This is fine izenburu ironikoarekin.

Asier, Mikel, Koke eta Okik 2016an sortu zuten taldea eta, konturatu orduko,... [+]


Hitza eta ahotsa

Ibon RG musikariak (Ibon Rodriguez) bere lehen lan luzea kaleratu du Repetidor kolektiboaren zigiluarekin. Hamar hazbeteko bi binilozko disko dira, bata a capella abestua eta bestea pianoak lagunduta.

Txesus Garate Tzesne arduratu da diskoaren grabazioaz eta ekoizpenaz. Grabazio saioak hainbat tokitan egin dituzte: Manzanedo Araneko eremitorio batean, Errenteriako Aitzpitarte IV.a leizean, Getxoko eta Galdakaoko bunker banatan eta Eibarko musika eskolan. Toki horietako hormen eta ertzen... [+]


2019-01-27 | Iker Barandiaran
Arroz-soroetan ere aske

Arrasaten jaio eta hazitakoa naiz, ondorioz Oi! mugimenduaren irla iraunkorreko biziraulea izan naiz luzaroan. Bai, nik ere baditut, beste estilo askotako taldeenaz gain, Oi! diskoak etxean eta batzuk kuttunak ditut, baina azkar asetu nintzen koru horiekin, punkaren amorrua akabatzen duten punteoekin eta, kasu askotan, zabaltzen dituzten mezuekin. Beste zerbait behar nuen…

Horregatik gustura hartzen ditut hemen bizi (izan) duten konfort-gunetik irten eta bestelako proposamenak, gero... [+]


Une goxoak, hunkigarriak

Hil berria zen aitari eskainitako Awañak diskoa jendaurrean grabatu eta hamar urte pasatu direnean, zuzenean grabatutako beste disko bat kaleratu du Pettik. Kanta batzuetan bakarrik aritu da, gitarra akustikoarekin, eta beste batzuetan Eneko Dorronsoro soinu jotzailearekin. Aipagarriak dira Enekok eskusoinuarekin egiten dituen doinu eta marrazki politak, ederki apaintzen eta osatzen baitituzte kantak.

Bakarka edo Etxeko Uzta taldearekin, Petti bera izan arren, bere kantetan giro... [+]


2018-12-23 | Iker Barandiaran
Estali ezineko melodiatzarrak

Jon Basagurenek ahots propioa dauka eta hori ezin da ezbaian jarri: ahots tonalitate malenkoniatsu bezain sinesgarria, melodia borobilak egiteko gaitasuna, euskaraz zein ingelesez abesteko dikzio dotorea, eta abestiak janzteko gustu oso ona.

Neil Youngen kantuak zuzenean bakarka plazaratzen ezagutu nuen Basaguren; eta zinez gustura egiten zuela transmititu zuen. Garai parekoan bere kantuak taldean musikatzeko sortutako Izaki Gardenak-en lehen diskoa eskuratu nuen eta sorpresa ederra hartu... [+]


2018-12-02 | Iker Barandiaran
Kontu izan albokoarekin!

Plastikoa non-nahi daukagu, gure bizitzan txertatuta erabat eta nahi izan arren ezinezkoa zaigu kanporatzea. Halakoa da nolabait Deustun sortutako Los Cosméticos taldearen ibilbidea eta izatea. Bilboko auzo honetako hainbat gazte aspaldi hasi ziren hardcore irekienari eta irudimentsuenari bueltak ematen, El Corazón del Sapo-ren gerizpean. Hala, Elfo Negro taldea sortu eta ehunka Gaztetxe eta squat-etan emanaldi irmo eta indartsuak egiten aritu ostean, poliki-poliki beraien soinua... [+]


Antipodetatik, beste modu batera

Taldekideek diotenez, EraBatera ia nahi gabe sorturiko taldea da. Gaizka Salazar Gatibu taldeko bateria jotzaileak martxan jarri du, eta bere intimitatetik sorturiko egitasmoa da. Mimo handiz landutako zenbait abesti bazituen, bere bizitzako garai zail bati aurre egiteko sortuak. Aita galdu zuen orain dela bost urte, eta horren ondorioz pare bat urte noraezean ibili zela aitortu du: “Antipodetan sentitzen nintzen, amatatuta eta burua beste toki batean nuela; hala hasi nintzen kantak... [+]


2018-11-11 | Iker Barandiaran
Oroitzapen eta talde-lanaren emaitza

Abenduaren 25ean jaio eta su hartuko du panpin diaboliko delako batek eta berarekin mundu guztiak. Hala omen dio galbidean dagoen kristau sekta erraldoiaren kondairak; eta hala izan behar badu, hobe sekta suntsitzaile horrek gu guztiok hondoratu aurretik amildegiaren ertzetik azkar igaro eta ahal den heinean sektakoei kontra egitea. Ideia horren bueltan ari zen jatorri katalana duen Alex Montiel (HHH taldeko kide ohia), 2000. urtearen inguruan Donostian, 25th Coming Fire musika taldea abiarazi... [+]


2018-10-21 | Iker Barandiaran
RIPen esentzia: umiltasuna eta gordintasuna

Arrasateko RIP taldeak ezin hobeto gorpuztu zuen 80ko hamarkadako Euskal Herriko punka. Taldeak idatzitako hitzek garai soziopolitiko hura modu gordinenean deskribatu zuten eta musika ere gogorra eta zuzena zen. Hori zen hain justu garai hartako gazte askok bizi eta sentitzen zutena. Diskografia laburra du laukoteak, baina erabat irmoa eta sinesgarria. Horregatik, askoren gogoan dago eta bere emaitzak bizirik dirau belaunaldiz belaunaldi.

Taldekideen izaeragatik, baina, berandu kaleratu... [+]


Saio zaratatsuak

Killerkume taldearen azken diskoa ederra da. Ederki jasotzen du jendaurrean jotzen dutenean egiten duten soinu gordina, beren nortasuna. 2016an Winterswijken (Herbehereak) dagoen White Noise estudioan zuzenean eta bikain grabatuta dago, Marlon Wolterink teknikariaren ardurapean, eta Joxean Rivas Killerkume taldeko bateria eta perkusio jotzaileak masterizatuta.

Joxean Rivasekin batera Mikel Sowsyah (gitarra eta efektuak) aritzen da Killerkume taldean. Bi taldekide besterik ez dira, baina bien... [+]


ASTEKARIA
Azkenak
EGILEA
Eguneraketa berriak daude