Verde Prato, tropismoa eta Dolce Vita
Bizitza eztia
Verde Prato
Plan B Records, 2024
--------------------------------------------------------------
Ousmane Sembène zinemagile senegaldar ospetsuari galdetu zioten ea bere pelikulak Europan ulertzen ote ziren. Erantzuna, epikoa: “Izan gaitezen argiak. Europa ez da nire erdigunea. Europa Afrikaren periferia bat da. Nire herrialdean egon dira 100 urtez, eta ez dute inoiz nire hizkuntza hitz egin. Nik hitz egiten dut haien hizkuntza. (…) Zergatik erori behar naiz tropismoan? Zer nahi duzu, eguzki-lore bat izatea, eguzkiaren arabera biraka? Ni neu naiz eguzkia!”.
Afrozentrismo hori interesgarria iruditu zait bat-batean pentsatzeko euskal eszenan. Ez al gara aritu urteak eta urteak (eta arituko gara urteak eta urteak) euskal sorkuntza bideratuz soilik Euskal Herrira? Geure zentroak ez du Europarekin zer ikusirik; hau da, ez Espainiarekin, ez Frantziarekin. Eta euskarazko sormenak zentzua izan duela –izan badu–, geure zazpi herrialdeen barruan.
Horregatik akaso, gure poeta handiena ez da sekula itzulia izan erdaretara. Axola al zaigu ea ulertuko ote den Artze gazteleraz? Alberto Lizarraldek gogoeta egin zuen euskal musikak izandako zabalkundeaz: “Ez da egokia izan euskal musika soilik euskaldunoi interesatuko zaigula pentsatzea. Hemendik atera behar dugu, ahalik eta gehien atera behar gara”.
Katakrakek argitaratu berri duen Stuart Hallen liburuan, Ibai Atutxa itzultzaileak galdetzen du ea nola hitz egiten duen Marxek euskaraz, corpusaren koherentzia faltaz ari denean. Marxek euskaraz hitz egitea garrantzitsua da, euskaraz ari garenean, unibertsalak izateko gaitasuna izateko.
Saltsa hau guztia esateko Ana Arsuagak, zarata askorik egin gabe, bere erdigunea aldatu duela, eta, itxuraz, txikia zen musika, iristen ari dela Euskal Herritik harago. Donny Donnato ekoizle italiarrarekin atera du Dolce Vita italiarrari omenaldi bat, xume-xumea, ezti-eztia. Itsasoan bainatzea da Verde Prato entzutea. Baina ez Kontxako hondartzan, frantsesez eta gipuzkoarrez josita; Nautikoan, Tximistarrin edo Ilurgitan baizik. Gizartetik urrun.
Diskoa oharkabean pasatzen da, alaitasunaren eta malenkoliaren artean dantzan. Solita-n berreskuratzen du reggaeton minimalista, Loria kantan ahotsak loopeatuta, Verde Praton hasiera-hasierako proposamenera itzultzen da. Bizitza eztia da atximur goxoena.
Verde Prato berriz ageri zaigu presarik gabe, pisurik gabe. Desiratutako bizitzan ez dagoelako arrabotsik, dena da ametsezko materialarekin egina. Dolce Vita eta Cinema Paradisok bat egiten dute eta gonbidapena luzatuz: “Hartu gurea dena / ederrena /eztiena / hartu bizitza”. Baina galdera da: zein da eguzkia orain?
Zatitxu 7
Zikin
Mendeku diskak, 2025
-------------------------------------------------------------
Aurten ere, udarekin batera dator Zikinen lan berria, esanez bezala: berdin zait oporrek hartzen bazaituzte Elantxoben, Belaguan edo Copacabanan. Eguraldi onak ez du egoera... [+]
Alegoría del mal
Rat-zinger
Kasba Music, 2025
--------------------------------------------------------------
Apokalipsiaren aurreko garai ustel hauetan, non eskuin atzerakoienak lortu duen bere diskurtsoa erdian jartzea, erabat ezabatuta dagoen gizarte batean,... [+]
C.R.I.N.G.E
Azuleja
Le Royale, 2024
--------------------------------------------------------------------
Bai, ia beti euskal taldeak dira lerro hauetan intereseko. Guretzat, eta zuentzat. Baina pixka bat epifania moduan, Amabirjina ikusi duenak nola, hala daukat... [+]
Norabide bakarrean
721-Gogor Gabiltza
Autoekoizpena, 2025
---------------------------------------------------------
Askotan, guraso garenon kezka bat da ea seme-alabek gure aholku edo "txapak" aintzat hartuko dituzten, jakitun izanda, era berean, guri kontra... [+]
Miruenea
Mirua
Oso polita, 2025
--------------------------------------------------------------
Bi urtez egon dira lanean Miruakoak “inoiz egin duten proiektu garrantzitsuena” aurkezteko: Miruenea. Eta, egia da, gaur egun artista guztiek dioten arren... [+]
Dirudienez
Karma
Autoekoizpena, 2025
--------------------------------------------------------
Mugatzat ez badugu ere, muga da askotan Bidasoa; kulturala, informazioarena… Eta beste aldekoa urrun gelditzen zaigu. Bada, gogoa eta laguntasuna dira muga apurtzaile... [+]
XAK
Xak
Mukuru, 2025
---------------------------------------------------------------
Entzun baduzu eta ez bazaizu sobera sartu, esango nizuke: entzun berriro. Nire urteko disko kutunena izango dena egin berri du Paxkal Irigoyen baxenabartarrak, oraingo honetan, XAK... [+]
It's on
JOHN DEALER & COCONUTS
Ghost Highway, 2025
------------------------------------------------------
Adin batetik aurrera kontzertuak, diskoak eta kantuak bizkarrean eta burmuinean pilatuta, eta musika entzuteko denbora murritzagoa bilakatuta, taldeak bilatu... [+]
Esperoan
Hiuzz
Autoekoizpena (egun motelak kolektiboa), 2024
Ohartu gabe igarotzen diren taldeen multzoa gero eta handiagoa da, edo inoiz baino handiagoa, behintzat. Hiuzz taldearen Esperoan lanak hilabete batzuk... [+]
Obducción de la Amenaza / Zirt Zart (Split-ep)
2024
---------------------------------------------------
Musika panorama erraldoia da, helduezina. Horien artean badira foku guztiak bereganatzen dituzten talde handi gutxi batzuk; horren nahian diharduten beste asko,... [+]
Poliorkêtês
Kerobia
Autoekoiztua, 2025
--------------------------------------------------------
Azken aldian, lerrootan asko nabil hausnartzen musikak izan beharko lukeen “misio historikoaz” eta abarrez. Eta, nolabait, zer egin beharko lukeen... [+]
Antifa hardcore
Lee-Kore + Hoben
Autoekoizpena
---------------------------------------------------------
Tamalez ez da ohikoa Arrasaten hardcore kontzertuak egitea, bestelako musika eszenak nagusitzen direlako. Hala bada, joan den larunbatean herriko gazte batzuen... [+]
Bidea da helmuga
Kokein
Balaunka, 2024
--------------------------------------------------
Eibarko rock talde beterano hau familia oso desberdinetako lagunek osatu zuten aspaldi eta ia fisurarik gabe hamarkadatan eutsi dio. Izan ditu atsedenak, gorputzak hala eskatu... [+]
Zuloa
Merina gris
Sonido Muchacho, 2025
-------------------------------------------------------
Euskal Herrian ez da orain arte horrelako musika elektronikorik egin. Esango nuke Merina Grisek historian euskaraz egin den elektronika eta hyperpop diskorik landuena egin... [+]
Bidai on bat
Braulio
Autoekoizpena, 2024
-----------------------------------------------------
Nik ez nioke talde bati Braulio izena jarriko; eta seguruenik inork gutxik hasiko luke lan bat sei minutuko iraupena duen kanta batekin. Baina hauei parra die eta horri esker... [+]