Emakumeak borrokan
Gala Pin. Ekintzailea politikan

"Legedia aldatu behar da, espekulazioa sustatu ordez, zigortzeko"

  • Filosofia ikasketak dituen arren, kaleko borroketan eskolatutakoa da Gala Pin (Valentzia, Herrialde Katalanak, 1981). 2003an utzi zuen jaioterria Bartzelonako auzo mugimenduetan murgiltzeko, eta 2015eko maiatzetik Bartzelonako Udalean En Comúko zinegotzia da.

Saioa Baleztena @SaioB
2018ko maiatzaren 20a
“Mireia Vehí, Gabriela Serra eta Eulàlia Reguant bezalako emakumeak zeudelako zerrendetan bozkatu nuen CUP 2015eko irailean”. (Argazkia: Jordi Borrás)
“Mireia Vehí, Gabriela Serra eta Eulàlia Reguant bezalako emakumeak zeudelako zerrendetan bozkatu nuen CUP 2015eko irailean”. (Argazkia: Jordi Borrás)

MK Premium enpresak TV3 eta Facebooken egin zenituen adierazpenengatik irain eta kalumnia delituak egotzi dizkizute. Apirilaren 17an deklaratu zenuen. Nola joan zen?
Nire adierazpenek islatzen dituzte  Bartzelonan etxebizitzen espekulazioan nagusi diren dinamikak. Zinegotzi naizen heinean, herritarrei MK Premium bezalako enpresek baliatzen dituzten engainuak ezagutzera emateko eskubidea eta betebeharra dut.  Auziaren artxibatzea eskatuko dugu, irain eta kalumnia deliturik ez dagoelako. Epaileak artxibatzea onartzen badu, amaituko da, eta bestela, froga gehiago aurkeztuko ditugu.

Deklaratzera joan aurretik, 3.000 euroko kalte-ordaina eskatu zizuten, adiskidetze egintzaren bitartez.
Horretarako ezinbestekoa zen barkamena eskatzea, eta noski, uko egin nuen. Orain, aldiz, ez dute zifrarik jartzen: azaltzen dute nire adierazpenek galdera ekonomiko handia ekarri dietela, eta beraz, zenbatu beharko dela. Argi dago, 3.000 eurotik gorako kalte-ordaina eskatuko dutela.

Bartzelonan etxebizitzen espekulazioari lotutako praktika horiek geroz eta ohikoagoak dira. Nola eragotzi daitezke?
Arazo nagusia da, MK Premiun bezalako enpresek praktika txarren bitartez baina legediaren baitan joka dezaketela; eta enpresa batek, etxebizitzen negozioaz informazio gehiegirik ez duen solaskide bat kontratu etena sinatzeko konbentzitzen badu, legezkoa dela. Ezinbestekoa da legediaren aldaketa, espekulazioa sustatu ordez, zigortzeko. Hori ez da ameskeria, Europako hainbat herrialdetan egiten dute. Etxebizitza lehen mailako beharra da eta ez salerosgai bat.

Ada Colauren aginduetako bat izan zen herritarren etxebizitza ziurtatzea. Aldiz, 2017an 2.500 kaleratze egon ziren. Zein izan dira zailtasun nagusiak?  
Kaleratzeen zifrek behera egin dute, baina nahi baino gutxiago. Arazo nagusia da, kaleratze gehienak alokatze kontratuetan dutela jatorria. Beraz, legea aldatu beharra dago, baina, zoritxarrez Madrilgo Gobernuaren ardura da hori. Kontuan hartuta duela gutxi, alokatzaileen eskubideei mesede egitetik urruti, jabeen interesen aldeko lege proposamen berri bat onartu dutela Kongresuan, hobetzeko aukera gutxi ikusten dugu. Beraz, Estatuak arazo honen irtenbiderik ez badu aurkitzen, eskuduntzak gure esku utzi beharko lituzke. Baina ez dago modurik, legedi bat dugu hiru urtetik behin alokairuaren bereizkuntzarik gabeko igoerak bermatzen dituena.

Argazkia: Jordi Borrás

Kritika zaparrada jaso duzu, zinegotzia izan eta Twitterren herritarrak deitzen dituzulako kaleratzeak etetera...
Giza eskubideetan gobernu guztiek ditugu eskuduntzak, horregatik egiten dut; eta beraz, zerbitzu publikoen bitartez sustatzen ditugun baliabideak motz gelditzen badira, bateragarria da hiritarrei dei hori egitea. Jende askok ez ditu ezagutzen kaleratzeen erantzule nagusiak eta gobernua higatzeko saiakerek ez dute etenik izan erakundeetara iritsi ginenetik.  

Barcelona en Comúko zinegotzia izanik CUP bozkatu zenuen 2015eko irailaren 27ko hauteskundeetan. Zergatik?
Mireia Vehí, Gabriela Serra eta Eulàlia Reguant bezalako emakumeak zeudelako zerrendetan. Niretzat ezinbestekoa zen ustelkeriaren kontrako  apustu argia egiten zuen zerrenda hori babestea. Edozein modutan, gehiago egin nuen pertsonei balioa emanez, proiektuari baino. Erakunde politikan garrantzitsua da hori mantentzea.

Comúnak eta CUP, hala ere, ez daude hain urruti. Ardatz nazionalak urrundu ditu...
CUP kritikoagoa izan da politikoki gertu zituen Comúnekin, sistematikoki PPrekin itundu eta ustelkeriaz blai zegoen JxSí-rekin baino. CUPek egiten dizkigun kritikak gehiago dute zerikusia autoerreferentzialtasunarekin, aldaketa borondatearekin baino.

Partaidetza saileko zinegotzia zara. Zuzeneko demokrazia sustatu eta  Bartzelonako elkarteek proposatutako multikontsultak jokoz kanpo utzi zuen CUP apirilean. Zergatik?
Ezin dut CUPen jarrera ulertu. Hala ere, erratu zirela aitortu dute eta ospatzeko modukoa da, gutxitan gertatzen baita politikan. Egitasmoa sustatu zuten herri elkarteek salatu zuten haien jarrera eta osoko bilkura errepikatzea eskatu dute.

Zein irakurketa egiten duzu orain arte egindako lanaz?
Agintaldi bizia izan da: sei hauteskunde egon dira, azken 30 urteetako atentatu terroristarik bortitzena izan dugu, Generalitatearen esku hartzea gero, urriaren 1eko erasoa, 155. artikuluaren aplikazioa, eta oraintxe bertan, gobernua osatzeko adostasunik aurkitzeko gai ez diren alderdi politikoak Parlamentuan. Hala ere, kontakizunari dagokionez, ezkutatuta gelditu diren politika berriak sustatzeko gai izan gara, eta, aspaldikoak ziren herritarren eskakizunen zerrenda bat egingo bagenu, asko eta asko ase ditugula ikusiko genuke.

Kanonei uko

“Bartzelonako Udaleko zinegotzia izan eta neure herriarentzat lan egitea pribilegio bat da. Hiru urte hauetako esperientziaren ondotik esan dezaket baietz, erakundeak mugak dituela. Baina herritarren eskakizunei erantzun eta gauzak aldatzea posible da, batez ere, gobernua osatzen dugunok hamaika borroketan hartutako eskarmentuari esker. Okerrena, politika instituzionala izan da, alderdi interesen logikak ulertzea izugarri kosta zait”.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Hirigintza  |  Barcelona en Comú  |  Bartzelona

Hirigintza kanaletik interesatuko zaizu...
2019-04-14 | Kote Guevara
Hondarribia
Atzoko zabalgunetik, biharko metropolira

Pentsa dezakegu Hondarribiaren nortasuna historian zehar apenas aldatu dela, betidanik izan dela herri bat, non baserritarrak, kaletarrak eta arrantzaleak elkarrekin bizi izan garen, gure gorabeherekin. Izan ere, gaur egunean oraindik eskema hori askotan aipatzen da gure herriaren osaeraz hitz egitean. Hala izan da mende askoan zehar, baina azken hamarkada hauetan eskema hori aldatzen ari da.


Durangarrek 18 solairuko bost dorreak egin ala ez erabakitzeko aukera izan nahi dute

Pasa den ostiralean, martxoaren 29an, Erabaki plataformak deituta ehundaka herritar batu zieren Durangon egindako mobilizazio jendetsuan.


Hiria errotik aldatu nahi dugu: bizitoki burujabetza

Hiria errotik aldatu nahi dugu, aldarrikatu genuen duela bi urte. 2016eko Abian gogoetak ezker abertzalearen bir-fundazioa agindu zuen. Gure jardun politikoa nahiz antolaketa ereduak unean uneko egoerari egokitzea premiazkoa genuen, eta horretarako, nahitaezkoak egiten ziren erroko aldaketak. Sortu eratu eta ia sei urte igaro zirela, gure buruak ber asmatzeko prozesu betean ginen berriro ere, eta Donostian, gure buruak ez ezik, hiria bera ere errotik aldatzeko gogoetari ekin genion.


2019-03-27 | ARGIA
'Bilbao Eurocopa honi ez 2020' dinamika aurkeztu dute

Asteartean eman du ezagutzera bere burua UEFAko Eurokoparen harira Bilbon egingo diren partiduen aurka egitea helburu duen dinamikak. Bilboko San Mames futbol zelaiaren inguruetan egin dute aurkezpena.


Bilboko Deustuko Erriberako auzokideek Udalaren iruzurra salatu dute

Plan berriarekin hasi zirenetik, hainbat izan dira Erriberako bizilagunen kritikak eta aldarrikapenak, baina azken hilabeteotako gertaerek egonezin handia eragin izan dute. Uholde, sute eta auzoko eguneroko arazoen aurrean, Bilboko Udalaren jarrera “lotsagarria” dela uste dute auzokideek.


Bilbo, unibertsitate hiri... pribatua

Publikoa dena, berriz ere, irabazi pribatuaren esku. Oraingoan hezkuntza da aitzakia. Bilbora etorriko diren goi-mailako hezkuntza proiektu pribatuen zerrenda egunez egun luzatzen doa; azkena, Navarrako Unibertsitatea (ez dezagun NUPekin nahastu). Berri txarra benetan Opus Dei Bilbora heltzea, noren eta udal gobernuaren eskutik.


Gentrifikazioaren mugak

Mugak oso presente daude hiri baten bizitzan. Bilbok dituen 345.000 biztanleetako bakoitzak ditu bere mugak: psikologikoak, emozionalak, profesionalak, moralak, fisikoak, politikoak, ekonomikoak, sozialak... Bizitza osoa ematen dugu muga horiek onartzen, kudeatzen, saihesten edo, ahal den heinean, gainditzen.


2018-11-25 | Kris De Decker
Simaurraren gorazarrez

Ez utzi tabuak –kaka, pixa, zikina…– itsutu zaitzan: jendeok simaurra ere bagara eta gure gorotzetan doa lurrari kendu diogunetik asko. Kris De Deckerrek gizadiak daukan iraunkortasun arazo handi baten sintesi oso materialista eskaintzen du, industrializazioaz geroztik oker diseinatutako komun eta estolderia sisteman barrena nola alferrik galtzen ditugun milaka urtez ondo birziklatzen genituen gai organikoak, horiek lurrari itzuli eta berriro elikagai bihurtzeko ordez... [+]


2018-11-25 | Edu Zelaieta Anta
Gorria, laranja, berdea, semea

Gorria: emakume bat lore sorta bati ari zaio solasean. Ez da hura ikusten duzuen lehen aldia, ez leku berean, ez modu berean. Gaurkoan ere, orain arte ikusi duzuen aurreko aldietan bezalaxe, bakarrik dago. Lore sorta ikusgarria hiriko auzo berri bateko etorbide –bulebar– zabal batean berritzen da, gutxi gorabehera kalkulatu duzunez, bizpahiru hiletik behin. Oraintxe gorria dagoen semaforotik 8-10 metro ingurura.

Laranja: Gasteizko Alde Zaharretik Salburura bizitzera etorri... [+]


ASTEKARIA
Azkenak
EGILEA
Eguneraketa berriak daude