Espainiako Estatuko gorroto krimenen lehen mapa aurkeztu dute
Azken 25 urteetan 86 gorroto krimen kasu eta 88 hildako zenbatu dituzte. Euskal Herriko hiru kasu barne. Guztiek dute ezaugarri komun bat: ezberdina denaren gutxiespena. Mapa osatzen jarraitzeko herritarren laguntza eskatu dute.
aurre egingo dieten hedabide independenteak
Ondorengo erasoak bildu dituzte mapan: arrazistak, xenofoboak, antisemitak, islamofoboak, ijitoen aurkakoak, misoginoak, homofoboak, aporofoboak, erlijiosoak, ideologikoak, arrazistak, identitate eta generokoak.
Madrilen aurkeztu zuen atzo mapa Gorroto Krimenak Ikertzeko Taldeak. Urte betez, espezialitate ugaritako adituak aritu dira proiektu honetan lanean. Mapan aurkitu daitezke identifikatutako kasu gehienetako biktimen izen abizenak eta hedabideek egindako jarraipena. Hori lortzeko, 1990etik hona Intolerantziaren Aurkako Taldeak bildutako ikerketa eta salaketak baliatu dituzte.
Euskal Herrian hiru kasu bildu dituzte momentuz. Angel Berruetaren hilketa Iruñean, Alejo Aznarrena Getxon eta Luis C.A.-rena Oreretan. Lehena gorroto ideologiko bezala sailkatu dute. Beste biak aporofobia kasu gisa: etxegabeak ziren.
Miguel Ramos proiektuaren egileetako batek azaldu duenez gorroto krimenak ez daude ideologia batekin lotuta: “Krimen hauek prozesu luze baten ondorio dira. Mespretxu sentimenduarekin hasten dira, eta kolektibo batzuen aurkako diskurtsoen bidez eraso bilaka daitezke”.
Mapa osatzeko ikerketan parte hartu duen La Directa hedabideko David Bou kazetariak adierazi du ez dela faxismoak hildako pertsonen mapa: “Erasotzaile asko faxistak badira ere, denak ez dira identifikatzen faxismoarekin. Guztiek dute ordea, jarrera faxista”. Behin behineko zerrenda dela ere aipatu du Bouk, eta informazio gehiago izan arte ez dituztela kasu batzuk argitaratuko: “Jendearen laguntza behar dugu datuak biltzen jarraitzeko eta inor kanpoan ez geratzeko”.
Ikerketak emandako datuen artean nabarmendu dute erasotzaile gehienak 25 urtetik beherakoak direla eta erasoak hiri handietan egiten dituztela. Azaldu dutenez, hedabideek ezaugarri horietan oinarrituz “gazteen banden” krimen gisa sailkatzen dituzte, eta ez gorroto krimen bezala. Argitu dute erasotzailearen profila oso heterogeneoa dela.
Gorroto krimenen aurkako protokoloak Europan
Europako beste estatu batzuetan protokolo polizialak indarrean daude gorroto krimenak identifikatu eta monitorizatzeko. Ingalaterran eta Galesen Hate Crimes England and Wales programa dute. 2011 eta 2012 urteen artean 43.000 gorroto krimen zenbatu zituzten. Espainiar estatuak ez du inolako protokolo homologaturik jarraipen horiek aurrera eramateko, eta horrek proiektua aurrera ateratzeko motibatu zituela azaldu du Bouk. “Erakundeen eta hedabideen axolagabekeriaren aurrean, gorroto krimenak bistaratu nahi ditugu”.
Auzitegi Gorenak martxoan ebatzitakoari jarraiki, astelehenean irletatik penintsulako adin txikikoentzako zentroetara lekualdatuko dituzte zortzi asilo eskatzaile. Gobernuak adierazi du adin txikikoen babes sarean integratzeaz arduratuko den etorkinen %90 maliar jatorrikoak... [+]
Manteroekin Bat plataformak eta Mbolo Moye Doole elkarteak elkarretaratzea egin zuten astelehenean Bilbon, azken asteetan poliziak manteroen aurka eginiko eraso "arrazistak" salatzeko. Izan ere, Boubacar Diouf kale saltzailearen arabera, poliziaren jazarpena... [+]
Bolo-bolo dabiltza gugandik zenbait kilometrotara gertatutako pogromoak, hamarkada luzetan −mendez mende− zilegituriko arrazismoa oinarri dutenak. Palestinan, Torre Pachecon eta Hernanin, arazoa antzekoegia da, intentsitate ezberdinez bada ere. Moroak dira behe-laino... [+]
%37 genero- eta sexu-diskriminazio kasuekin loturik egon ziren, eta aporofobia %33 hazi zen. Gorroto-delituen intzidentzia tasarik altuena Nafarroan identifikatu zuten iaz.
Hainbat talde "neonazik" azkenaldian Irunen zabaltzen ari dituzten mezuak salatu dituzte asteazkenean Harrera Sareak eta hainbat kolektibok herrian. Eskuin muturreko "auzo patruilak" antolatzen ari direla salatu dute, eta hauek jendearen jatorriaren arabera... [+]
“Badirudi memoria kolektibotik ezabatu nahi dutela hiriak bizi izan duen polizia-indarkeria arrazistaren ekintzarik latzena”, salatu dute. Bestalde, azken boladako diskurtso eta eraso arrazisten gorakadaren aurrean, elkarretaratzea deitu dute Irun eta Donostiako... [+]
Gasteizko hainbat auzotan ezarri dituzten “Moros fuera de España” kartel eta pegatinak ikertzen ari da Ertzaintza. Irun, Hernani, Barakaldo… Ez dira kasu isolatuak, eta “etorkinen kontura jarraitzaileak irabazi nahi dituen ideologia” ikusten du... [+]
Agharas migratzaile imazighen elkartearen txosnan pertsona batek hainbat irain arrazista egin zituen. Erasoa salatzeko elkarretaratzea egin dute igandean Barakaldon.
Artziniegako Udalak mezua zabaldu du gertatutakoa gaitzesteko eta elkartasuna adierazteko irainak jaso dituzten herritarrei.
Lintxamenduen ostean immigrazioaren aurka izan den lehen mobilizazio-saiakerak ez du jarraitzaile gehiegi erakarri, baina izu arrazistak hartu du herria.
Jazarpen arrazistak eztanda egin du Espainiako Torre Pacheco herrian, Euskal Herrian ere ezagun zaizkigun diskurtsoak hauspotuta: immigrazioa lotzea delinkuentziaren, sexu-erasoen eta segurtasun faltaren gorakadari. Baina datuek frogatzen dute gezurra direla gorroto diskurtso... [+]
Twerk klasean gertatu zen, Bilbon. Merkataritza-gune batean dago dantza eskola, eta gortinek ez dituzte kristalak erabat tapatzen. Emakumezko lau ikasleok eta irakasleak luzaketak egiten geundela, gure short labur eta top-ak jantzita, bi mutiko hasi zitzaizkigun kristalaren... [+]
Hainbat gauez jarraian, gorrotoa eta arrazakeria hedatu eta "etorkinen aurkako ehiza" egin dute Murtziako herri batean, "Espainia garbitzeko". Kolektibo antiarrazistek ultraeskuinaren inpunitatea salatu dute.
