Emakumeak borrokan
Etxebizitzak

Aterpea izateko eskubidea nola bermatu

  • “Etxebizitzak, kaleratzeak eta alternatibak” mahai-ingurua antolatu dute ikasleek Leioako campusean, Herri Unibertsitateen barruan. Etxebizitzaren arazoari aurre egiteko moduez aritu dira Kaleratzeak Stop, Elkartzen, Errekaleor eta Maison13 ekimenetako kideak.

Iruņe Astitz Larunbe @arkkuso
2015eko apirilaren 05a
Leioatik!

Euskal Herrian bizi diren guztientzako oinarrizko eskubideak onartzea du helburu Elkartzen mugimenduak. Mugimenduko ordezkaria izan da hitza hartzen lehenengoa: oinarrizko eskubide bati –etxebizitza izateari– etekina atera nahian merkaturatzea da arazoa. Desjabetzeen gaia pil-pilean egon denean, instituzioek ez dutela ezer egin ere salatu du, eta etxebizitzaren arazoa konpontzeko erakunde publikoek egiten duten inbertsioa oso urria dela. Denei aterpea bermatu aldera, etxebizitza parke publikoa egotea beharrezkoa ikusten du Elkartzenek, eta horri lotuta, etxe hutsen aurrean neurri legalak hartzeko premia aldarrikatu du: “Alemanian, Italian, Suitzan edo Ingalaterran adibidez, etxe bateko jabeak leku horri ez badio erabilerarik ematen, estatuak bere gain hartzen du etxearen erabilera soziala”. Halaber, eskubideak bermatzen ez diren bitartean, “okupazioa zilegi da borroka tresna modura, baita molde berriak eraikitzeko tresna gisa ere”, adierazi du Elkartzeneko ordezkariak.

Izenak dioen moduan, etxe kaleratzeak etetea eta horretarako desjabetze arriskuan dauden herritarrak laguntzea da Kaleratzeak Stop mugimenduaren xedea. Bizkaiko ordezkaritzatik etorri den kideak azaldu duenez, desobedientzia eta erresistentzia pasiboa dituzte tresna nagusi, kaleratze mehatxuei aurre egiteko. Funtzionatzeko bi modu bereizten dituzte: ekintza taktikoak, epaitegietan garatzen duten jardunari dagokiona, eta alderdi politikoekin lobby lana egitea, herritarren beharrak kontuan hartuko dituen Etxebizitzaren Euskal Lege bat onartu dezaten. Bankuek etxebizitza-paketeak inbertsio funtsei saltzen dizkietela azpimarratu nahi izan du mugimenduko partaideak.

Maison13 eta Errekaleor, okupazioaren esperientziak

Maison13 Bilboko Alde Zaharrean zegoen etxe okupatua zen. 2010ean okupatu zuten lehen aldiz, eta etxebizitza kolektiboa osatu zuten bertan. Bi urtez martxan izan ondoren, 2012an hutsarazi zuten. 2014an, Erribera13tik joanarazi ostean berriz ere okupatu zuten eta berriz ere bota zituen Ertzaintzak, urte amaieran. Egun, espazio fisikorik ez daukaten arren, bizitza proiektu alternatiboak garatzea dute helburu, autogestioaren bidetik. Maison13ko lagunek argi dute: etxebizitza eskubide eza da arazoa eta aurrera egitea da bidea: “Ez dugu ikusten inori ezer eskatu behar diogunik gure eskubideak bermatzeko. Guk geure bizitza nahi dugun moduan eraiki nahi dugu”. Okupazioaren eta erresistentziaren garrantzia azpimarratu dute: “Ekonomiak kolonizaturiko bizitzaren aurrean, erresistentzia da duintasuna ematen diguna”. Unibertsitate mailan, harreman sarea sortzea proposatu dute eta guneak okupatzetik harago, bertan proiektu autogestionatuak garatzeko gonbita luzatu die ikasleei: “Oso garrantzitsua da enpresa mundutik egin duten unibertsitatearen kolonizazioari buelta ematea. Horretarako alternatibak sortu behar dira”.

Errekaleor Gasteizko auzo berreskuratutik ere izan da ordezkaririk. Kontatu duenez, auzoa botatzeko eta etxebizitza berriak eraikitzeko plana prestatu zuen Gasteizko Udalak, baina 2013an ikasle talde batek Errekaleorreko eraikin bat okupatu zuen. Auzoak ematen zituen aukerak ikusi eta alternatiba integrala planteatu zitekeela ondorioztatu zuten. Gazteen ikuspegia gehitu dio mahai-inguruari Errekaleorreko kideak: “Etxebizitza behar bat da eta gazteok behar hori gehiago sumatu dugu, baliabideak urriak direlako: lana lortzea zaila dugunez, gurasoen laguntzaz eta jende askorekin batera alokatzea baino ez zaigu geratzen”. Pertsonalki, okupatzea oso aberasgarria dela iritzi dio: “Egoera horretan bizitzeak irudimena eta elkar zaintza garatzen ditu, eta gure kasuan, auzoa zaintzea ere badakar”.

Herri Unibertsitateen loratzea

Leioatik!, Buiaka! eta Haraba! ikasle proiektu komunikatiboek, Ibaeta eta NUPeko ikasleekin batera, Topatu.info-k koordinatutako dokumentala egin dute elkarlanean: Haziak, Herri Unibertsitateen loratzea. Ohiko irakaskuntzaren aurrean, campus bakoitzeko ikasleek Herri Unibertsitateen bidez eraikitako alternatiba prozesua nola bizi izan duten jaso du dokumentalak, testigantza ugari bilduz. Martxoaren 31n aurkeztu dute dokumentala eta ikusgai dago Topaturen eta Argiaren webguneetan. Herritik herriarentzat ikasleek eraiki nahi duten hezkuntza eredua da Herri Unibertsitatea, gobernuetatik iritsitako azken erreformei aurre egiteko tresna izan daitekeena.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Etxebizitza eskubidea kanaletik interesatuko zaizu...
2019-05-16 | Z. Oleaga
Erlauntz etxebizitzak Euskal Herrian
Bartzelonan debekatutako hiru metro koadroko logeladun pisuak eraiki nahi dituzte Bilbon

600 logela eraiki nahi ditu "Erlauntz etxebizitzak" eraikitzen dituen Haibu enpresak. Bilboko Udalaren baimena duela dio enpresak. Hainbat hiritan debekatu egin dituzte bizitzeko gutxieneko baldintzak ez dituztela betetzen iritzita.


Berlin, Andrej Holm soziologoarekin elkarrizketa
Nola berreskuratu etxejabe handien pisuak herritarrentzat

“Etxejabe handiei milaka pisu kentzeko legea bozka dezakete Berlinen”, informatu zuen hedabide honek aurtengo otsailean. Etxebizitzen garestitzeari aurre egin asmoz, tabu bat hautsi da Alemaniako iritzi-publikoan: etxejabe handien pisuak jabego publikora itzularazteko erreferenduma egitea mahai gainean dago. Herritarren bultzadari esker lortu da eztabaida sortzea pribatizatutako esparru bat gehiengoaren eskuetara itzuliko luketen politiken premiaz.


2019-05-10 | ARGIA
Gasteizko Udalak etxebizitza eskubidearen aldeko kanpaldiari azkenean baimena eman dio, baina arkupeetan

Hasiera batean protesta debekatu badute ere, Gasteizko Udalak arkupeetan kanpaldia antolatzen utziko du azkenean, Hala Bedik informatu duenez. Etxebizitzara sarbiderik ez dutenen egoera salatzeko protesta da, ostiraletik larunbatera aurreikusia.


Neguko aterpeak itxita, gora egin du kalean lo egitera kondenatuta dagoen jende kopuruak

Kalean bizi den jendeak gaua igarotzeko neguan irekitzen dituzten aterpeetako batzuek ateak ixten dituzte hotz denboraldia amaitzearekin bat. Baina jende horrek kalean bizitzen jarraitzen du eta ez du gaua non pasa. Arazoari aurre egiteko planifikazio sakonagoa aldarrikatu dute.


2019-04-03 | Hala Bedi
Nola hasi diren antolatzen Gasteizen, etxebizitzarekin lotutako problemei aurre egiteko

Gasteizko PDS eta OEE Araba plataformek, beste hainbat eragilerekin batera, manifestu bat aurkeztu dute asteartean etxebizitzarekin lotutako arazoei irtenbideak emateko. Mobilizazioekin hasteko planteamendua ere mahaiaren gainean dago.


2019-03-27 | ARGIA
Errenteriako etxebizitza komunitarioa, lehenengo gazteei ateak irekitzear

Fase ugariren ostean, abiatzeko gutxi falta zaio gazteentzako lehendabiziko etxebizitza komunitarioari Errenterian. Ostegun honetan zozketatuko dituzte logelak, ekitaldi publikoan. Eraikina Udalak jarri du eta elkarbizitzarako konpromisoak eta antolaketa gazteek eurek finkatu dituzte.


Etxe kaleratze bat salatu du Aranzadik Iruņeko Donibane auzoan

Alokairuan zen bikote baten kaleratzea salatu du Aranzadik.


2019-03-05 | ARGIA
Etxebizitza solidario multzo bat zabaldu dute Lapurdin

OFS deitutako instituzioaren (Solidarioen Erakundeak) barruko Alokairurako Langile Batzordeak (COL deitua) etxebizitzen jabego sozialerako lehen etxebizitzak eraiki ditu. Egitasmoa errenta modu berri baten bidez garatu da.


2019-02-27 | ARGIA
Etxejabe handiei milaka pisu kentzeko legea bozka dezakete Berlinen

Etxebizitzen garestitzeari aurre egin asmoz, tabu bat hautsi da Berlingo iritzi-publikoan: etxejabe handiei pisuak kentzeko aukera mahai gainean dago eta erreferendum bidez bozkatuko da.


2019-02-22 | ARGIA
Zazpi lagun atxilotu dituzte Madrilen, lau familiaren etxegabetzea saihestu nahian ari zirela

Madrilgo Lavapies auzoan lau familia, tartean haur jaio berri bat, beren etxeetatik bota ditu Espainiako Poliziak hiru etxebizitzatan aldi berean egin duen operazioan. Hipotekak Kaltetutakoen Plataformak erresistentzira dei egin zuen. Gutxienez zazpi lagun atxilotu dituzte, El Saltori PAHko abokatuak jakinarazi dionez.


ASTEKARIA
Azkenak
EGILEA
Eguneraketa berriak daude