Juan Mari Arregi
2014ko martxoaren 02a

Martxoaren 3an 38 urte beteko dira poliziak Gasteizko bost langile hil zituenetik, euren eskubide sozial eta laboralen defentsan greban ari zirela. Sarraskia poliziak egin zuen, baina Fragak eta Martin Villak gidaturik. Kapitalaren kudeatzaile politikook, zurruntasunez, grebalariek aldarrikatzen zutena negoziatzeari uko egin zioten. 38 urte geroago, martxoaren 3an, Bilbo kapitalismoaren nazioarteko egoitza izango da, Foro Global España 2014: de la estabilidad al crecimiento (Espainia 2014 Foro Globala: egonkortasunetik hazkundera) bilkura egingo baitute. NMF, ELGA, EBZ, Europako Batzordea eta beste hainbat erakunderen ordezkariak izango dira bertan. Kudeatzaile politikoek eta ohiko gobernuek –Madrilgoa zein Gasteizkoa–, ez dute dudarik izan harrera egiteko. Urkullu lehendakariak hasiera emango dio foroari eta Espainiako presidente Rajoyk itxiko du.

Euskal Herriko gehiengo sindikal eta sozialak eskatu du mobilizatzeko, jendarteari inposaturiko murrizketen arduradunak salatzeko. Buruzagi horiek soldata milioidunak dituzte eta eurek inposatu dituzte langabezia, bazterketa soziala, pobrezia, eta prekarietatea ekarri dizkiguten politika kapitalistak. Euren erruz izoztu dituzte soldatak eta pentsioak, eta laguntzak murriztu. Eurek erreskatatu dituzte bankuak diru publikoz. Eurek mantentzen eta babesten dituzte paradisu fiskalak. Euren politiken ondorioz sortu da immigrazio politiko eta ekonomikoa, eta bidean hil dira ogi eta askatasun bila joandako asko eta asko, Ceutan, Melillan eta Lampedusan gertatu bezala. Eurak berak dira, behar izanez gero, Gasteizko 1976ko sarraskia errepikatuko luketenak. Lehendakariak, EAEko ordezkari politiko gisa, egun horretan sindikatuen eta eragile sozialen alboan egon behar luke, kalean, politika horiek arbuiatzen. Ez da egongo ordea, bera ere kapitalismo basatiaren kudeatzaile politiko bihurtu delako.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


2014ko Bilboko goi-bilera ekonomikoa kanaletik interesatuko zaizu...
ASTEKARIA
Azkenak
EGILEA
Argia buletina
Egunaren laburpena
zure e-postan
Pribatutasun politika irakurri dut eta onartzen dut
Eguneraketa berriak daude