“Kartzelara eraman nahi gaituzte, espetxeak nola hustu hitz egiteko garaia denean”

  • Urrian 80 pertsona epaituko ditu Espainiako Auzitegi Nazionalak ETArekin lotura dutelakoan. Guztiak gazte mugimenduetan edo alderdi politikoetan aritu izan dira.

Urriko bi makro-epaiketetan Madrilen epaituko dituzten auzipetuek agerraldia egin zuten Donostian.
Urriko bi makro-epaiketetan Madrilen epaituko dituzten auzipetuek agerraldia egin zuten Donostian.Argazki Press / Juan Carlos Ruiz

Urriaren 26an manifestazio nazionala egingo dute Bilbon, ezker ezker abertzaleko 80 militanteren aurka udazkenean abiatuko diren bi “makro-epaiketak” salatzeko. “Erasoen gainetik, Euskal Herria aurrera” leloak gidatuko du manifestazioa. Espainiar estatuaren jarrerak bake prozesua “trabatzen” duela adierazi dute auziperatuek Donostian egindako agerraldian.

Datorren urrian, guztira 80 auziperatu biltzen dituzten bi epai hasiko ditu Espainiako Auzitegi Nazionalak: Batetik, “hamaika urtez kajoian gordeta izan duten” 35/02 sumarioari dagokiona, “herriko tabernen auzia” izenarekin ezaguna; bestetik, 2009ko Segiren aurkako sarekadaren ondoren auziperatutako 40 gazteei eragiten diena.

Karmelo Landa bozeramailearen hitzetan, legea oinarri hartuta euskal herritar “gehiengoaren borondatea ukatzen du” Espainiako Gobernuak. “Herri honek ezin du onartu atzera begira proposamenik gabe dabiltzan gutxi batzuek gurean horrenbeste ilusio sortu duen konponbidea oztopatzea. Kartzelara eraman nahi gaituzte, gu eta beste asko, espetxeak nola hustu hitz egiteko garaia denean”.

Landak adierazi duenez, Espainiako Gobernua “euskal gazteen aurka ari da behin eta berriz”, eta datorren astean Espainiako Auzitegi Gorenak Iruñerriko bost auziperatuen kondena baieztatu dezakeela gogorarazi du.


Kanal honetatik interesatuko zaizu: Normalizazio politikoa
2021-10-22 | ARGIA
Ongi etorrien inguruan Sortu “hausnarketa” egiten ari dela adierazi du Arkaitz Rodríguezek

ETAren biktimek modu “zintzoan, eraikitzailean eta pribatuan” egiten dizkieten eskaerak beti “aintzat” hartu dituela adierazi du Sortuko idazkari nagusiak, eta ongi etorrien kasuan “eskaera horiek betetzen saiatzeko” ahalegina egingo duela.


2019-11-05 | Josu Iraeta
Egun gutxi barru, zer?

Gaur ez bezala, duela berrogei urte, euskaldunok egoera berri baten atarian ikusten genuen etorkizuna.Nafarroan eta EAEko Autonomi Estatutuak indarrean zauden. Hain ibilbide latz eta luzeari irtenbideak ikusten hasi ginen eta askatasunaren taupadak zoratzen gintuzten. Ura bai... [+]


Abstentzioa

Behin eta berriz esaten digute maiatz inguruan egingo direla Hego Euskal Herriko udal hauteskundeak, diputaziokoak Araba, Bizkaia eta Gipuzkoan eta forukoak Nafarroan. Hori ikustekoa bada ere, noiz egingo diren ez digu inongo kezkarik sortzen. Azken batean, lau urterik behingo... [+]


2015-07-21 | Mikel Asurmendi
Politika
Inventarium

40 urteko diktadura frankistaren ondoren, beste horrenbesteko demokrazia aldia beteko da aurki. Demokrazia izan edo ez izan, indarrez hasi eta ahituz joan den gatazka armatuaren testuinguruan bizi izan dugu aro politiko hau.


2014-12-02 | Iván Giménez
Gatazkaren alde

Gatazkarik gabeko gizarte bat diktadura besterik ez da. Gatazkak, hala ere, “prentsa txarra” dauka: beldurra, indarkeria eta segurtasun eza burura ekartzen dizkigu. Gatazkaren alde egotea talibanengandik edo terrorismotik oso hurbil egotearen gauza bera omen da... [+]


Eguneraketa berriak daude