ARGIA.eus

2021eko abenduaren 02a

Ongi etorrien inguruan Sortu “hausnarketa” egiten ari dela adierazi du Arkaitz Rodríguezek

  • ETAren biktimek modu “zintzoan, eraikitzailean eta pribatuan” egiten dizkieten eskaerak beti “aintzat” hartu dituela adierazi du Sortuko idazkari nagusiak, eta ongi etorrien kasuan “eskaera horiek betetzen saiatzeko” ahalegina egingo duela.

ARGIA @argia
2021eko urriaren 22a
Irudia: eitb.eus

Radio Euskadiko Boulevard saioan elkarrizketatu dute Rodríguez, eta besteak beste presoei egiten ohi zaizkien ongi etorriez hitz egin du. Esatariak galdetu dio ea Sara Buesa bezalako ETAren biktimek egindako eskaerei positiboki erantzuteko asmoa duen ezker abertzaleak, hau da ongi etorriak egiteari utziko zaion. “Gogoeta bat egiten ari gara, aste honetan asteleheneko adierazpena pozez hartu duten ETAren biktimak dauden heinean eskaera hori helarazten ari zaizkigunak, modu eraikitzailean, zintzoan eta, funtsezko zerbait den zerbait, pribatuan”, erantzun du Rodríguezek. Biktimen eskaerak beti hartu dituztela “aintzat”, eta ongi etorrien kasuan ere horrela izango dela gaineratu du: “Sortu bere esku dagoena egiten saiatuko da eskaera horiek betetzen saiatzeko”.

Aieteko adierazpena

Rodriguezek berak eta Arnaldo Otegik astelehenean Aieten egindako adierazpenaz ere aritu da Sortuko idazkari nagusia. “Ez da erraza izan”, adierazi du alderdiaren barnean adierazpenak izan duen eraginaz galdetuta: “Gure artean militanteak daude kexu direnak guk soilik egiten ditugula urratsak norabide horretan”. Astelehenaz geroztik adierazpenagatik zoriontzeko mezu “zenbakaitzak” ere jaso dituela adierazi du. Adierazpenaren beharra defendatu du, eta barne mailan pedagogia handia egiten ari direla azaldu du.

PSEk, Jesús Egigurenek edo Jose Luis Zapaterok adierazpenari eginiko harrera beroak aliantza politika berriak iragartzen ote dituzten galdetuta, Rodríguezek adierazi du hori ez zela helburua, baina “urteetan altxatutako lubakiak” eraistea ekarriko balu, “berri ona” litzatekeela.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Normalizazio politikoa  |  Sortu

Normalizazio politikoa kanaletik interesatuko zaizu...
2019-11-05 | Josu Iraeta
Egun gutxi barru, zer?

Gaur ez bezala, duela berrogei urte, euskaldunok egoera berri baten atarian ikusten genuen etorkizuna.Nafarroan eta EAEko Autonomi Estatutuak indarrean zauden. Hain ibilbide latz eta luzeari irtenbideak ikusten hasi ginen eta askatasunaren taupadak zoratzen gintuzten. Ura bai... [+]


Abstentzioa

Behin eta berriz esaten digute maiatz inguruan egingo direla Hego Euskal Herriko udal hauteskundeak, diputaziokoak Araba, Bizkaia eta Gipuzkoan eta forukoak Nafarroan. Hori ikustekoa bada ere, noiz egingo diren ez digu inongo kezkarik sortzen. Azken batean, lau urterik behingo... [+]


2015-07-21 | Mikel Asurmendi
Politika
Inventarium

40 urteko diktadura frankistaren ondoren, beste horrenbesteko demokrazia aldia beteko da aurki. Demokrazia izan edo ez izan, indarrez hasi eta ahituz joan den gatazka armatuaren testuinguruan bizi izan dugu aro politiko hau.


2014-12-07 | Iván Giménez
Gatazkaren alde

Gatazkarik gabeko gizarte bat diktadura besterik ez da. Gatazkak, hala ere, “prentsa txarra” dauka: beldurra, indarkeria eta segurtasun eza burura ekartzen dizkigu. Gatazkaren alde egotea talibanengandik edo terrorismotik oso hurbil egotearen gauza bera omen da... [+]


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude