Pobrezia eta desberdintasun politikak


Juan Mari Arregi
2012ko abenduaren 30a

Gobernuek garatu dituzten politikek –europarrak, espainiarrak, EAEkoak eta nafarrak– Hego Euskal Herria pobreziarantz eta desberdintasunerantz daramate. Hori leitu daiteke Lópezen Gobernuak ezkutatu eta orain ELAk argitaratu duen inkestan. Pobrezia eta Desberdintasun Sozialen Inkesta 2012 lanak aditzera ematen du, biztanleen %7,3 pobrezia arriskuan bizi dela (2008an baino %77,9 gehiago) eta %2,12 gose dela. Hala, kuriosoa da Hego Euskal Herria Europar Batasuneko eskualde aberatsenen artean egotea, eta aldiz, 2012an 157.686 lagunek behar oinarrizkoenak asetzeko nahikoa diru-sarrerarik ez izatea. Gainera, inkestaren arabera, elikatzeko arazo larriak dituzten pertsonak 100.000tik gora dira jadanik. 46.122 lagunek adierazi dute gosea pairatu dutela –2008tik %116 hazi da datu hori–, hau da, familien %2,1ean. Pobreziak eta bazterketa sozialak gehiago eragiten die immigranteei. “Logikoa” da Lópezen Gobernuak inkesta alfonbra azpian sartu izana, datuak jasangaitzak baitira. Azken 25 urteetako okerrenak!

Egoera horren arduradun gobernuak dira, ez dituztelako langabezia gutxitzeko neurriak hartu, eta laguntzetan, soldatetan eta pentsioetan murrizketak eragin dituztelako. Baina bestaldetik, jada 216.000 milioi euro txertatu dituzte bankuetan. Etorkizunak ez dirudi hobea, politika kapitalista horiek ezabatzeko aldaketa sakonik egon ezean. Egungo EAJren Gobernuak –eta gainerako alderdi politikoek– 180 graduko bira egin beharko lukete politika fiskalean, gure herriaren subiranotasun politikoaren eta ekonomikoaren defentsan, baita lan harremanetarako eta babes sozialerako esparruaren defentsan ere. Bide horretatik dezente gutxitu ditzakegu egungo pobrezia eta desberdintasun sozialak.
 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Ekonomia krisia

Ekonomia krisia kanaletik interesatuko zaizu...
ASTEKARIA
Azkenak
EGILEA
Eguneraketa berriak daude