Bakea helburu bide-lanean

Gure taldea Batasuneko kide Aurore Martinen aldeko elkartasunean eratu genuen hastapenean. Lehen urratsak Euro-aginduaren kontra eman genituen, inoizko mobilizazio azkar eta zabalenarekin. Bakearen aldeko manifestaldi hura 2011ko abenduaren 10ean izan zen. Deialdiak 4.000 jende erakarri zuen Baionako karriketara. Ondoren, Aurore Martin bakean utzi zuten, nolabait erranik. Alta bada, Aieteko Konferentziaren garaia zen, eta taldean eztabaida berriak sortu ziren bakearen inguruan. Barne eztabaidei eta formazio ikastaroei esker, mugimendua sortzea erabaki genuen: Bake Bidea. Iparraldeko bake talde hau hainbat alderdi politiko, sindikatu, elkarte eta mugimenduetako jendek osatua dago.   

Ipar Euskal Herriko egoera ez da batere Hego Euskal Herriko bera. Hemen euskaldunak bagaude ere, gizartearen zati batentzat euskaldunak ez dira existitzen, ez bada folklorearen agerbide gisa. Alabaina, ez dago mugarik edo horrenbesteko zatiketarik euskaldunen –abertzaleen– eta gizartearen beste aldeen artean, izan ere, borroka armatuak min gutxiago egin du hemen.

Iragan hilabetean Frantziako Barne ministro Manuel Vallsek Lurralde Elkargoaren eskaera ETArekin lotu zuen, eta ondoren, Aurore Martinen atxiloketa eta Espainiara kanporatzea etorri ziren. Gertakari hauek gure gizarteko sektore anitz inarrosi dituzte. Alderdi politiko guztietako hautetsi gehienek –Euskal Herrian hala nola Frantzian– bake prozesuan parte hartzera deitu diote Frantziako Gobernuari. Frantziako Gobernuaren ezetzak eta jarrera hertsiak jende are gehiago engaiatu dute bake prozesuaren alde.

Bake Bidea mugimenduaren sorreraren segidan, Herrira-k antolatutako manifestaldira jende asko bildu zen preso politikoen egoera salatzeko. Aldi hartan 15.000 lagun elkartu ginen Baionan. Horrelako manifestaldiek ez dute egundaino azken horrek izan duen arrakastarik izan. Horren lekuko dugu, lehen aldikoz presoen aldeko euskal gizartearen atxikimendua Frantzia osoko hedabideetan aipatua izana.

Ipar Euskal Herrian ez da inoiz gaur egun lanean ari den bezalako mugimendurik lortu. Horrek Bake Bideako kideoi esperantza handiak sortu dizkigu. Nahiz eta, egiari zor, egiteko lan luzea gelditzen den. Lan gaitza egin beharko dugu geroan Gobernuari gure iritzia entzunarazteko eta are gehiago onarrarazteko, batez ere Manuel Vallsek zuzentzen duen Barne Ministerioari.

Esperantza ez dugu galtzen haatik. Nahiz eta mugimendua berria izan, azken gertakariek Bake Bidea erreferente bilakatu dute Ipar Euskal Herrian bake prozesuari dagokionez. Mugimendua are gehiago zabaldu nahi dugu orain, gizartearen aniztasuna aintzat hartuz, taldea handitzeko xedetan. Zentzu horretan ETAren azken agiriko hitzak baliatu behar ditugu bake iraunkorra eraikitzeko Ipar Euskal Herrian, baita Euskal Herri osoan ere.

Bidali zure iritzi artikuluak iritzia@argia.eus helbide elektronikora

ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.


Kanal honetatik interesatuko zaizu: Iritzia
Materialismo histerikoa
"Mario Lopez" eta "Gernika"

Krimen matxistak, mediatizatzen direnean, emakumeontzat lezio bilakatu ohi dira, eta bizirik badago, biktimarentzat. Nerea Barjola ikertzaileak Alcasserko kasuaren bidez azaldu zigun hori. Eta Nagore Laffageren hilketak ere lezio astun bilakatzeko arriskua izan zuen, lezioa... [+]


2024-03-31 | Ula Iruretagoiena
Lurraldea eta arkitektura
Bestaldera begira

Eta arkitektoen burbuilean, krisi klimatikoaren gaineko kezka igartzen al da? Galdetu dit agroekologoak.

Eraikuntzaren sektorea CO2 emisioen portzentaje altuaren eragilea izanik, galderak zentzua badu. Naomi Klein-ek Honek dena aldatzen du liburuan kontatzen du nola hegazkin... [+]


2024-03-31 | Diana Franco
Teknologia
Gorputzaren memoria

Mekanografia ikasi baduzu, gitarra jotzen, josten edo eskuz idazten, ulertzen duzu zure gorputzak zelan memorizatzen dituen zenbait jarduera. Gorputza eta adimena modu miresgarrian daude harremanduta, bat dira. Gizakiok sortu dugun teknologia eta honek gure gorputzarekin duen... [+]


2024-03-31 | David Bou
‘La xarxa ultra’

ARGIArekin azken kolaborazioa egin nuenetik lau hilabete igaro direnean, testu honen bidez nire iritzi-artikuluei berriro heldu diet, baina azalduko dizuet zergatik alde egin dudan denboraldi honetan aldizkari maitagarri honen orrialdeetatik.

Otsailaren 20an La xarxa ultra... [+]


Eguneraketa berriak daude