Dantza tradizional garaikidea, edo alderantziz
aurre egingo dieten hedabide independenteak
Ari du. Oinkari dantza taldea. DVDa. 2011. Iraupena: 77 minutu.
1970eko hamarkadako euskal dantzaren eztandak emandako produktuetako bat da Billabonako Oinkari taldea. Azken hamar urteetan, Edu Muruamendiaraz koreografoaren eskutik, bestelako bideak urratu dituzte, garaikidetasunarekin uztartutako ikuspuntu bat eskaintzearren. Hala diote beraiek, Ari du ikuskizuna jasotzen duen DVDarekin batera argitaratutako liburuxkan.
Hainbat modutan deskribatu liteke Ari du. Kalitate handiko euskal dantza da, batetik. Oinkari ez da Euskal Herrian dauden talde on horietako bat bakarrik. Oinkari elitea da. DVDan ikus daitezkeen hamasei dantzetan zehar, dantzariek agertzen duten prestakuntza tekniko eta fisikoa oso gutxiren esku dago Euskal Herrian. Ordu luzetako lana igartzen da, dohainak ere bai.
Bigarrenik, dantza tradizionalari “beste zerbait” eransteko lan eskergaren beste kapitulu bat da Ari du. Betiko dantzak eta koreografia sortu berriak –Gipuzkoako eta Zuberoako dantzetan oinarrituak– uztartzen ditu Oinkarik, baina ikuskizunaren alderik tradizionalenari ere ekarpenak egiten dizkio, eta denak interesgarriak. Ezohiko musika tresnak, jantziak... Lorpen handiena da horren guztiaren batura naturaltasun osoz ikuslearen begi paretik igarotzen den segida izatea. Belarriak ere badu zer gozatua: Juan Kruz Igerabidek idatzi eta irakurritako poemak, euria dutela ardatz, dantzarien jauzi eta urratsen osagarri bikaina dira. Euskal Herritik kanpoko ekarpena ball de bastons da, Kataluniako eta Aragoiko makil-dantza, gutxienez XII. mendetik ezagun dena. XXI.ean gaudenez, ikuskizunaz gain bestelako edukiak aurkituko dituzue DVDan, making off-a barne. On egin.
Elkarrizketa ilustratzeko erabili dugun argazki nagusia 1970eko hamarkadan hartua da. Erratzuko plaza festetarako apainduta ageri da, ezpelez atonduriko ohiko eszenatokiarekin eta etxetik etxera zintzilik, dilindan dauden xingolekin. Urrunean bi soinulari agertzen dira, Maurizio... [+]
Adina ez dela dantzan aritzeko oztopo agerian utzi dute Errenteria-Oreretako Beti Bizkor elkarteko euskal dantza taldeko kideek. Dantzaren onurak argi erakusten dituen testigantza esanguratsuak jaso ditu Ikerne Zaratek Oarsoaldeko Hitzan argitaratutako Adina ez dadin ekiteko... [+]
Biteri Kultur Etxean egin dugu zita Pepi Arrospiderekin (Hernani, 1952). Izaskun Auzmendirekin (Arribe, 1964) agertu da, biak San Joan konpartsako kideak. Telefonoa. Auzmendirena da, hizketan hasi da, baina Arrospide adi-adi dago. Ia sartu da telefonora bera ere. Segituan... [+]
Iurretan 1995ean andreek soka-dantza nola plazaratu zuten idatziz jasoa du Jon Irazabalek. Izan ere, 1837ko San Migel jaietan emakumeek osatutako aurreskua dantzatu zela ikusita, arrasto haiei jarraika, kopla doinuz lagundutako soka-dantza ikasi eta kaleratu zuten Iurretako... [+]
Dantzaren munduan gabiltzanok askotan errepikatzen dugun ideia da dantza efimeroa dela. Elhuyar hiztegiak espainoleko "efímero"-ren ordaintzat ematen ditu honakoak: efimero, suntsikor, galkor, iragankor, iraungikor, ilaun. Ez dut gogoan nori irakurri nion... [+]
Azken urteetan Lapurdiko kontserbatorioan euskararen eta diziplina tradizionalen presentzia handitu da eta euskal dantzako ibilbideari forma ematen ari dira; irailean hasi da lehen zikloa. “Herri Elkargoa sortu zen Iparraldean eta nahi zuten herri musika eta herri... [+]
Lesakako ezpata-dantzariak San Fermin egunerako ezpata-dantzako entseguetan dabiltza azken hilabetean. Hamabost atera ohi dira dantzara, eta besteak titularren batek hurrengo urteetarako lekua utzi zain daude.
Transmisioa eta dantza taldeetako erreleboa aztertu nahi izan dugu Dantzan Ikasi topaketetan, eta gazte belaunaldiek lan egiteko ereduak ezagutu nahi izan ditugu “Gazteen parte-hartzea euskal dantzan” mahai inguruan: Eder Niño Barakaldoko... [+]
Iruñeko alkate Joseba Asironek prentsaurrekoan iragarri duenez, Duguna dantza taldeak jaurtiko du 2024ko Sanferminetako txupinazoa. Duguna izan da Iruñeko herritarren boto gehien jaso duen hautagaitza. Hain zuzen dantza taldearen sorreraren 75. urteurrena ospatzen... [+]
Gerratik ihesi 1937ko ekainean Donibane Garazin Bilbo eta inguruetako 600 haur jaso zituzten. Hiriburuko Ziudadelan Eusko Jaurlaritzaren menpeko eskola kolonia bihurtu zuten, eta bi urtean 8-14 urteko 800 bat haur igaro ziren bertatik. Haurrekin 80 bat heldu ere iritsi ziren:... [+]
Aste hondar honetan euskal dantzen hiriburu bilakatu da Hendaia. Akelarre dantza talde hendaiarraren 50. urtemugaren testuinguruan, Lapurdi, Baxe Nafarroa eta Xiberoako hamasei dantza talde elkartu ditu bertan Iparraldeko Dantzarien Biltzarrak.
Iazko azaroko Sansaturnino eguneko ospakizunak gibelean utzita, Iruñeko Duguna dantza taldeak 75. urteurreneko ekitaldiekin aitzina eginen du martxo hondar eta apiril hastapenean. Ondorengo lerroetan taldeak berak azaltzen ditu ospakizunok.
Kaskarotak eta maskaradak kasik urtearekin batera hasi dira eta jarraian etorri dira beste zenbait inauteri festa. Goiztiarrenak urtarrilean ari dira ospatzen, baina aurten inauteri gehienak datoz oso goiz. Otsailaren 8an izango da Ostegun gizena eta 13an Inaute asteartea. Hadi!... [+]