Ongizate estatua desegiten ari dira

PPren Espainiako Gobernuak pauso berria eman du langile klasearen eta herri sektoreen kontra. Duela aste batzuk lan erreforma inposatu zuen, kaleratze merkeagoak eta prekarietate handiagoa ezarriz. Hezkuntzan ere, kalitatean nabarituko diren murrizketak egin ditu. Oraintsu osasungintzako erreforma eraman du aurrera eta kopagoa ezarri du, herritarrek zergen bidez jadanik ordaintzen duten arren. Pentsiodunek, hemendik aurrera, euren botiken zati bat ordaindu beharko dute, eta askorentzat gehiegizko kostua izango da. Osasungintzako erreformaren barruan, berandu baino lehen etorriko den hurrengo urratsa izango da medikuarengana joateagatik ordaindu beharra. Eta segi eta segi, murrizketekin.

PPren Gobernuak ongizate estatua desegiten jarraitzen du, Espainiako Estatu osoko milaka langilek euren izerdiz eta borrokaz lortua. Merkatuen aurrean belaunikatu dira (banku handiak, inbertsio fondoak, aseguruak…) eta espekulatzaile lotsagabe zurrupatzaileek agintzen dutena zehatz-mehatz betetzen ari dira. Euren dirua bermatzea baino ez dute buruan, horretarako gosea, miseria eta munduan milioika lagunen heriotza eragiten badute ere. Merkatuek politikari miserableak dituzte lagun, haiek ohoratzen dituzte. Politikariak eta gobernuak ez dira gai alternatibak aurkezteko, badauden arren, eta ez dira gai politika, espekulatzaile zurrupatzaileen interesen gainetik jartzeko.

Euskal Herrian, gure lurraldean ere inposatu nahian ari diren politika horiek, subiranotasun ekonomiko-politikoaren eta independentziaren aldeko borroka handiagoa eragin behar lukete, gure herria izan dadin politika horiek erabakitzen dituena. Zer egingo dute EAEko eta Nafarroako administrazioek? Belaunikatu egingo dira horiek ere? Okerrena gertatuko delakoan nago.


Kanal honetatik interesatuko zaizu: Berrordainketa
Sendagaien berrordainketa
Pentsiodun behartsuenak zigortzeko artea

“Hainbesteko zurrunbiloa hilean sei kafe adina euro ordaindu behar direlako?”. Zer da bada hilean 8 euro ordaintzea 600 bat euroko pentsioa duenarentzat? Nafarroan pentsiodunen %40 inguruk 650 euro baino gutxiago jasotzen dute. Euskal Autonomia Erkidegoan 1.000... [+]


2013-07-01 | Lander Arretxea
Abian da botiken berrordainketa sistema EAEn

Botiken berrordainketa sistema martxan da astelehenetik aurrera Araban, Bizkaian eta Gipuzkoan. Herritarrek euren soldataren araberako gainprezioa ordaindu beharko dute botikengatik. Prestaziorik gabeko langabeek eta pentsio minimoa duten erretiratuek ez dute ordaindu beharrik... [+]


2013-05-29 | Lide Hernando
EAEn botiken berrordainketa sistema ezarriko da uztailetik aurrera

Botiken berrordainketa indarrean ezarriko da EAEn uztailetik aurrera. Bertako biztanleek euren soldataren arabera ordaindu beharko dute botiken gainprezioa, prestaziorik gabeko langabeek eta pentsio minimoa duten erretiratuek izan ezik.


2013-05-03 | Lide Hernando
Nafarroan osasun publiko duinaren aldeko elkarretaratzeak egingo dira

Nafarroako osasun sistema publikoak dituen arazoak salatzeko protestaldiak antolatu ditu Nafarroako Osasun Plataformak herrialde osoan. Maiatzean eta ekainean zehar, asteazkenero elkarretaratzeak egingo dituzte osasun etxeen aurrean.


2013-01-16 | ARGIA
Botiken berrordainketa ezartzea beste biderik ez dutela esan du Erkorekak

Eusko Jaurlaritzako bozeramaile Josu Erkorekak adierazi du botiken berrordainketa aplikatzea beste aukerarik ez duela ematen legeak. Data zehatzik eman ez duen arren, Erkorekak esan du urtea amaitu aurretik martxan jartzea espero dutela.


Eguneraketa berriak daude