Arabak eta Gipuzkoak botiken berrordainketa ezartzeko datuak emango dizkiote Espainiako Gizarte Segurantzari
Botiken berrordainketa Hego Euskal Herrian ezartzeko urratsak ematen ari da Espainiako Gizarte Segurantza eta aste honetan Araba, Bizkaia eta Gipuzkoako Foru Aldundiei euren ogasuneko datu-baseak eskatu dizkie.
Arabak eta Gipuzkoak ez dute problemarik agertu datu horiek bidaltzeko. "Horretan lanean ari gara dagoeneko" adierazi dute Arabako aldundiko ordezkariek. Gipuzkoako aldundiak errutinazkotzat jo du informazio hori bidaltzea eta ez dute baloratu nahi izan berrordainketa zuzena den ala ez.
Bizkaiko Foru Aldundia da momentuz datu horiek bidaltzeko traba gehien agertzen ari dena. EAJk gidatutako erakundeak Eusko Jaurlaritzak gai horretan hartuko duen jarrera ezagutu nahi du aurretik. Jose Maria Iruarrizaga ogasun diputatuak adierazi du daturik bidali aurretik EAEko Zerga Koordinaziorako Organoak elkartu beharko lukeela, lehendakariak bere asmoak azaldu ditzan.
Jaurlaritzak EAJren jarrera kritikatu du: Idoia Mendia bozeramaileak atzo adierazi zuenez, fiskalitatearen konpetentzia foru aldundiena da eta datu horiek bidali ala ez beraiek erabaki behar dute. Lopezen gobernuak koordainketa geldiarazteko ahaleginak egingo dituela gaineratu zuen Mendiak.
“Hainbesteko zurrunbiloa hilean sei kafe adina euro ordaindu behar direlako?”. Zer da bada hilean 8 euro ordaintzea 600 bat euroko pentsioa duenarentzat? Nafarroan pentsiodunen %40 inguruk 650 euro baino gutxiago jasotzen dute. Euskal Autonomia Erkidegoan 1.000... [+]
Botiken berrordainketa sistema martxan da astelehenetik aurrera Araban, Bizkaian eta Gipuzkoan. Herritarrek euren soldataren araberako gainprezioa ordaindu beharko dute botikengatik. Prestaziorik gabeko langabeek eta pentsio minimoa duten erretiratuek ez dute ordaindu beharrik... [+]
Botiken berrordainketa indarrean ezarriko da EAEn uztailetik aurrera. Bertako biztanleek euren soldataren arabera ordaindu beharko dute botiken gainprezioa, prestaziorik gabeko langabeek eta pentsio minimoa duten erretiratuek izan ezik.
Nafarroako osasun sistema publikoak dituen arazoak salatzeko protestaldiak antolatu ditu Nafarroako Osasun Plataformak herrialde osoan. Maiatzean eta ekainean zehar, asteazkenero elkarretaratzeak egingo dituzte osasun etxeen aurrean.
Eusko Jaurlaritzako bozeramaile Josu Erkorekak adierazi du botiken berrordainketa aplikatzea beste aukerarik ez duela ematen legeak. Data zehatzik eman ez duen arren, Erkorekak esan du urtea amaitu aurretik martxan jartzea espero dutela.