EAEn botiken berrordainketa sistema ezarriko da uztailetik aurrera

  • Botiken berrordainketa indarrean ezarriko da EAEn uztailetik aurrera. Bertako biztanleek euren soldataren arabera ordaindu beharko dute botiken gainprezioa, prestaziorik gabeko langabeek eta pentsio minimoa duten erretiratuek izan ezik.


2013ko maiatzaren 29an - 00:00
Azken eguneraketa: 2015-02-26 13:37:33
(Argazkia: reflexionesdemanuel. blogspot.com)

Espainiar estatuan legea iazko uztailetik zegoen indarrean, baina EAEn oraindik ez zen ezarri. Jaurlaritzak aurreko legealdian onartutako dekretu batekin estatuak ezarritako legea atzeratzea lortu zen.

Iñigo Urkullu buru duen jaurlaritzak, zerbitzu juridikoen aholkua eskatu ostean, EAEn berrordainketaren legea ezartzea onartu du.

Orain arte, botiken %40a ordaintzen zen. Uztailetik aurrera, 18.000 euroko soldata baino altuagoa dutenak botiken %50 ordainduko dute, kopuru horretatik behera irabazten dutenek %40, eta 100.000tik gora irabazten dutenek, %60. Pentsiodunek, bestalde, botiken %10 ordainduko dute.

Nafarroan, bestalde, foru lege baten bidez Espainiako gobernuaren legea eraldatzea lortu zuten; horrela, pentsiodunei eta 65 urtetik gorakoei ordainketa hauek ez egitea baimentzen zaie oraindik ere.


Kanal honetatik interesatuko zaizu: Berrordainketa
Sendagaien berrordainketa
Pentsiodun behartsuenak zigortzeko artea

“Hainbesteko zurrunbiloa hilean sei kafe adina euro ordaindu behar direlako?”. Zer da bada hilean 8 euro ordaintzea 600 bat euroko pentsioa duenarentzat? Nafarroan pentsiodunen %40 inguruk 650 euro baino gutxiago jasotzen dute. Euskal Autonomia Erkidegoan 1.000... [+]


2013-07-01 | Lander Arretxea
Abian da botiken berrordainketa sistema EAEn

Botiken berrordainketa sistema martxan da astelehenetik aurrera Araban, Bizkaian eta Gipuzkoan. Herritarrek euren soldataren araberako gainprezioa ordaindu beharko dute botikengatik. Prestaziorik gabeko langabeek eta pentsio minimoa duten erretiratuek ez dute ordaindu beharrik... [+]


2013-05-03 | Lide Hernando
Nafarroan osasun publiko duinaren aldeko elkarretaratzeak egingo dira

Nafarroako osasun sistema publikoak dituen arazoak salatzeko protestaldiak antolatu ditu Nafarroako Osasun Plataformak herrialde osoan. Maiatzean eta ekainean zehar, asteazkenero elkarretaratzeak egingo dituzte osasun etxeen aurrean.


2013-01-16 | ARGIA
Botiken berrordainketa ezartzea beste biderik ez dutela esan du Erkorekak

Eusko Jaurlaritzako bozeramaile Josu Erkorekak adierazi du botiken berrordainketa aplikatzea beste aukerarik ez duela ematen legeak. Data zehatzik eman ez duen arren, Erkorekak esan du urtea amaitu aurretik martxan jartzea espero dutela.


2012-12-18 | ARGIA
EAEn botiken berrordainketa ezarri behar dela ebatzi du Konstituzionalak

Eusko Jaurlaritzak dekretua onartu zuen joan den ekainean, Espainiako Gobernuak Osasun arloan hartutako hainbat neurriri kontra eginez. Hala, herritarrek botikak berriz ordaintzeko aginduari eta paperik ez duten etorkinak artatzeko debekuari uko egin zion Jaurlaritzak... [+]


Eguneraketa berriak daude