Behin baino gehiagotan irakurriko zenuen orriotan, euskaldunok “baratze” hitza erabili beharko genukeela “lorategi” baldres ddottorearen ordez. Gure baratzean barazkiez gain, apaingarri, sendabelar, lokarrietarako gai, sukalderako belar, errituetarako landare, mitiko, fruta-arbola... denetatik da. Honexegatik behingoz gure estiloa landu nahi izatera, hauek denak eraman behar ditugu berdegune guztietara, jendea bizi garen inguru guztietara.

Hauxe egina dute Zumaiamiko etxe tarte honetan, baratze dotorea. Jolasgune, belaze, eta tartean barazkiak. Ez edonola gainera, izenak ikasteko, ezagutzeko, ukitzeko, edonor inguratzeko eran… Bejondeizula zumaiamiar horri.