Bertso berriak, #saresozial-ei @asarriegi-k jarriak

Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

I
Konta dezadan zenbait bertsotan
azken urteon laburpen
bezala edo sare sozialek
nola eragin diguten,
gure bizitza retransmititzen
Twitterren eta Facebooken,
batzuk ia-ia kontatzen dute
pixa noiz egiten duten.

IV
Askatasunen defendatzaile
nola ez gara izango gu!
Baina urratu nahi direnean
badaude hamaika modu.
Geuk zuzenean jarri gabea
beste batek jarriko du...
Lehen poliziak galdetzen zigun,
gaur guk kontatzen diogu.

  II
Norekin gauden non eta zertan,
noiz goazen oporretan,
norekin gauden maiteminduta
eta norekin zorretan,
hau “Atsegin dut” eta klikatu
horko bideo horretan...
bizi erdia pasatzen dugu
gure “Horma”ren obretan.

V
Gure mundutxo birtualean
ez dugu ikusten gaitzik,
ez da gainera hori den bezain
harreman-sare errazik.
Ez dut esaten ez ibiltzeko
sare sozialetan kasik,
zer eta nola idazten dugun
kontuan hartzeko baizik.

III
Han dago gure iruzkin sorta
eta argazki andana,
haserraldiak, pozak, tristurak...
bakoitzeko mezu bana.
Gure etxea ireki dugu
mundu osoarengana
ta irtetean atea giltzaz
ixteko hartzen dugu lana.

VI
Sorta txiki hau bukatu nahi dut
mezu txiki bat bidaliz,
ez dagoela zertan itsutu
aldatu arren gizaldiz.
Uste baduzu esageratu
dudala ta alde handiz,
sartu Google-en zure izena
eta pentsatu bi aldiz.


Doinua:  "Andre txarren bentajak”.


Bidali zure sortak bertsoak@argia.eus helbidera. Aukeratuak orri honetan argitaratuko ditugu.


ASTEKARIA
2011ko uztailaren 10a
Azoka
Argiako Bertso jarriak kanaletik interesatuko zaizu...
2023-01-10 | Imanol Lazkano
Bertso berriak, txapelketako finalari jarriak

Abenduaren 18an, Euskal Herriko Bertsolari Txapelketako finaletik bueltan jarritako bertsoak.


Xanti Zabalari omenaldia martxoaren 16an
Bertso idatziei ahotsa emateko garaia

2019-03-03 | Miren Osa Galdona
Zeruko Argia eta ARGIAko bertso jarriak
Xanti Zabala "Lexo"ren emaria

2014-01-19 | Imanol Lazkano
Basarriren mendeurrenean
Doinua: Ari naizela

 

Bertsolaritza zeraman bere
bihotz eta bekokian
berrikuntza bat behar zuela
ere berak bazekian.
Ostatuetan jaio zen hura
txertatuaz antzokian
urrats berririk eman ez balitz
norabide... [+]

Eguneraketa berriak daude