Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
larunbata 2024ko irailaren 21ean
Bertso berriak... Hurrengo geltokiari jarriak
I
Europaldean izarra
hari beha herri zaharra...
Orain eskuadra eta kartaboiz
ebakitzen du bizarra.
hari beha herri zaharra...
Orain eskuadra eta kartaboiz
ebakitzen du bizarra.
II
Urrutiko intxaur hotsa
herri gaztaina morkotsa...
Kanpoz moderno-nahiez jantzia
ta bere buruaz lotsa.
herri gaztaina morkotsa...
Kanpoz moderno-nahiez jantzia
ta bere buruaz lotsa.
III
Muino-ordeken neurria
haizeak malgu gerria...
Mendiei zulo, zuhaitzei zerra
Aurrera doan herria.
haizeak malgu gerria...
Mendiei zulo, zuhaitzei zerra
Aurrera doan herria.
IV
Artaldeño bat bailitzan
zelaian hiru fenwitx han...
Lehen Y grekoak kale-borrokan
orain Eusko Jaurlaritzan.
zelaian hiru fenwitx han...
Lehen Y grekoak kale-borrokan
orain Eusko Jaurlaritzan.
V
Eder eztanda hurrean
baserri zaharra lurrean...
Expropiazio txostenak, koktel
legezkoen muturrean.
baserri zaharra lurrean...
Expropiazio txostenak, koktel
legezkoen muturrean.
VI
Egunak agur gabari
maldan gora bi garabi
kutxararaino lepoa luze,
lurra putreon haragi.
maldan gora bi garabi
kutxararaino lepoa luze,
lurra putreon haragi.
VII
Sagarrak gorri doi-doiak
porlan zakuak marroiak...
Rotazioa Lurraren kontran
hormigoian kamioiak.
porlan zakuak marroiak...
Rotazioa Lurraren kontran
hormigoian kamioiak.
VIII
Ebro hegoranzko soaz
errekastoak jasoaz...
Bat egindako burdin-Ybaiak
zein itsasotara doaz?
errekastoak jasoaz...
Bat egindako burdin-Ybaiak
zein itsasotara doaz?
XI
Huntza gorantza murruan
pankartak zintzilik gruan...
Batzuk «Primeran», batzuk arrastan...
gehientsuak tren barruan.
pankartak zintzilik gruan...
Batzuk «Primeran», batzuk arrastan...
gehientsuak tren barruan.
X
Biga eder arbol zaharrak
umatu ziren dolarrak...
Etxebizitzen garajeetan
AHT partikularrak.
umatu ziren dolarrak...
Etxebizitzen garajeetan
AHT partikularrak.
XI
Sustraiak hutsari heltzen
geroa galipot beltzen...
Giza jendea ari da hemen
bere oinei lurra kentzen.
geroa galipot beltzen...
Giza jendea ari da hemen
bere oinei lurra kentzen.
XII
...Eta asfalto-hazi haien
kimuak zangotan aihen...
Homo Sapiens Sapiens-egiei
oinez ahaztu zitzaien.
kimuak zangotan aihen...
Homo Sapiens Sapiens-egiei
oinez ahaztu zitzaien.
Irakurrienak
Matomo erabiliz
#1
Iker Barandiaran
#2
Eneko Atxa Landa
#3
#6
Josu Narbarte Hernandez
Kanal honetatik interesatuko zaizu: Argiako Bertso jarriak
2023-01-10
Imanol Lazkano
Bertso berriak, txapelketako finalari jarriak
Abenduaren 18an, Euskal Herriko Bertsolari Txapelketako finaletik bueltan jarritako bertsoak.
2019-03-15
Itsaso Zubiria Etxeberria
Xanti Zabala “Lexo” bertsolariari omenaldia egingo diote martxoaren 16an Hondarribian
2019-03-01
Itsaso Zubiria Etxeberria
Xanti Zabalari omenaldia martxoaren 16an
Bertso idatziei ahotsa emateko garaia
2014-01-16
Imanol Lazkano
Basarriren mendeurrenean
Doinua: Ari naizela
Bertsolaritza zeraman bere
bihotz eta bekokian
berrikuntza bat behar zuela
ere berak bazekian.
Ostatuetan jaio zen hura
txertatuaz antzokian
urrats berririk eman ez balitz
norabide... [+]
2013-04-10
Jokin Uranga
Corrugadosi jarriak
Doinua: Mutil koxkor bat.
Urte askoan gurea izan da
abundantzien bailara
zenbat familia joan ote da
orain langabeziara?
Mahaian dago eztabaidagai
zer ginen eta zer gara
alfer alferrik izango dira
hemen ERE eta Hara!
Mentalitate aldaketa bat
ematen ez... [+]
Eguneraketa berriak daude