Bertso berriak... Euskaldunako besaulkiek jarriak


2021eko uztailaren 19an

I

- Ai ene aspaldiko
besaulki laguna
berriz ere apaintzen
dugu Euskalduna.
- Igor izango al da
Gure txapelduna?
- Oker zabiltza, Igor
«Retirau» da, jauna...
- Igor, badator baina
ez zuk nahi duzuna.


II

- Atxuriko mutilak,
Ranking arabera,
Kantatuko du ondo
Aletik alera.
Ikusle du alaba
Ta andrea bera,
Ziur igotzen dela
bat oholtza gainera...
- Haurtzaindegia jarri
beharko zaie ba!


III

- Entzun dut Enbeitatar
bat badatorrela
- Oihane esertzeko
Ni har nazatela!
- Igual Jon izango da
Nor hobe bestela?
- Trankil, hau berria da
Ziurtatzen dela
Aitonak beste poz bat
izango duela.


VI

- Fan zaratatsuenen
Record nabaria,
Erretzailea eta
Doinu-dantzaria,
«I» bat abizenean
(bi "Pai/yalandia")
Euskaldunan hirutan
izanik handia,
azkena sartzen hau du
laugarren aldia.


VII

- Eta Larrabetzuko
Tipo hori aurten
Xalo, Xume, Xamurki
Ari da jarduten.
Honek ere jendea
Urtzen du hainbaten:
Neska batek esan dit
lehen bazter baten
ea utzi ahal nion
besaulki izaten.


VIII

Eta XABI ez al da
tipo geniala
Esaten du: «onenak
irabaz dezala»
baina guk badakigu,
Bizkaiak bezala,
bera dela onena,
ez ote da hala?
(Amamarik ez badu
bost eros ditzala).


Kanal honetatik interesatuko zaizu: Argiako Bertso jarriak
2023-01-10 | Imanol Lazkano
Bertso berriak, txapelketako finalari jarriak

Abenduaren 18an, Euskal Herriko Bertsolari Txapelketako finaletik bueltan jarritako bertsoak.


2019-03-01 | Miren Osa Galdona
Zeruko Argia eta ARGIAko bertso jarriak
Xanti Zabala “Lexo”ren emaria

Xanti Zabalari omenaldia martxoaren 16an
Bertso idatziei ahotsa emateko garaia

2014-01-16 | Imanol Lazkano
Basarriren mendeurrenean
Doinua: Ari naizela

 

Bertsolaritza zeraman bere
bihotz eta bekokian
berrikuntza bat behar zuela
ere berak bazekian.
Ostatuetan jaio zen hura
txertatuaz antzokian
urrats berririk eman ez balitz
norabide... [+]

Eguneraketa berriak daude