Biko krisiari jarriak


2009ko maiatzaren 10an
Alaitz Sarasola
Nagore Legarreta
I

Bikote krisia hain da
joera kutsatua
egitura zaila baita,
bi habez altxatua…
ematen du zer esana
eta zer pentsatua.
 
II

Jakinda harreman batek
bermerik ez daukala,
horrek eskaini dezake
ikuspegi makala,
baina iraungitze datarik
ere ez dauka, ala?
 
III

Gure baitan sartu dena
zuzen edo trabeska,
emozioak ipintzen
dizkiguna gainezka,
gaur berezi baldin bada,
bihar zergatik ez pa?
 
IV

Bi batera mugatzea
baztertuta burutik,
ez al dago mantentzerik
erlazio bat zutik,
etengabe aberastuz
bestearen mundutik?
 
V

Barrua azaleratuz (azeleratuz)
noiznahi sentitu bitxi,
zirrarak azalberritu
eta begiak itxi…
ez dadin azalekoa
izatera iritsi.
 
VI

Jarraipena lan nekeza,
errutinaren txanda…
baina gainditzerik balitz
inertziaren langa,
egunero hasiera
desberdin bat emanda…
 
VII

Zein ote da sekretua,
mamia edo muina,
izan dadin begirunez
jantzia eta duina,
edonoiz zerbait eransten (eranzten)
uzten duen ipuina?
 
VIII

Interesa, jakin-mina…
elkarrekin urtzeko,
nahiz bidelaguna izan
ibilbide luzeko,
ez al du beti izango
zerbait ezagutzeko?
 
IX

Sabeleko tximeletak
hegaldatuta ere,
elkarrekiko grinari
gerritik helduz trebe,
maitatua sentitzea
ez al da bizilege?
 
X

Ez dut egia osorik
ikusi nahi biluzik,
edo egia erdirik,
edo laurdena kasik,
maitemintzea ez bada
gezur handi bat baizik.
 
Doinua: “Garaziko herria”.

Kanal honetatik interesatuko zaizu: Argiako Bertso jarriak
2023-01-10 | Imanol Lazkano
Bertso berriak, txapelketako finalari jarriak

Abenduaren 18an, Euskal Herriko Bertsolari Txapelketako finaletik bueltan jarritako bertsoak.


Xanti Zabalari omenaldia martxoaren 16an
Bertso idatziei ahotsa emateko garaia

2019-03-03 | Miren Osa Galdona
Zeruko Argia eta ARGIAko bertso jarriak
Xanti Zabala "Lexo"ren emaria

2014-01-19 | Imanol Lazkano
Basarriren mendeurrenean
Doinua: Ari naizela

 

Bertsolaritza zeraman bere
bihotz eta bekokian
berrikuntza bat behar zuela
ere berak bazekian.
Ostatuetan jaio zen hura
txertatuaz antzokian
urrats berririk eman ez balitz
norabide... [+]

Eguneraketa berriak daude