Alkate aberatsei jarriak

  • I

    Alkate aberatsak
    dira diruzale
    boto erosle eta
    proiektu saltzaile.
    Etxez bete dituzte
    auzo eta kale
    inoiz ez dute eman
    pausorik debalde
    borrokatzen baitute
    diruaren alde.
Aitor Sarriegi
Aitor Sarriegi bertsolariaMaddi Soroa
II


Gaur alkateak dira
kategorikoak
geuk botoz, Jaunak eskuz
hautaturikoak.
Ustez ez badira hitz
hauek neurrikoak
informa zaitezte ta
izan kritikoak
zenbat kobratzen duen
zuen herrikoak.


III

Dieta eta prima,
hau kakanahastea!
Liberatua edo
langile askea...
Sailburu zahar edo
kontzejal gaztea
dena da bat eginda
lau irabaztea
gogorragoa baita
lanean hastea.

IV

Herria zerbitzatze
izenean denak
eman zituzten noizbait
zerrendan izenak.
Bi aldiz azaldu ta
jaso hogeirenak
hilabete amaieran
ez dauzka problemak
“zerbitzua” horrela
ulertzen duenak.


V

Enpresa pribatutik
pixka bat harago
aurrera egiteko
Udala han dago.
Baina karguan egon
ezkero luzaro
eskaileran ezin da
joan beherago
erretiratzen dira
maila bat gorago.


VI

Eta bitartean gu,
inutilok pozik
goizero lanera ta
eskertuaz kasik.
Baina nik nola esan
haiei agur hitzik
azkenik ez baitira
lapurrak ez ezik
negozio bateko
langileak baizik.

Kanal honetatik interesatuko zaizu: Argiako Bertso jarriak
2023-01-10 | Imanol Lazkano
Bertso berriak, txapelketako finalari jarriak

Abenduaren 18an, Euskal Herriko Bertsolari Txapelketako finaletik bueltan jarritako bertsoak.


Xanti Zabalari omenaldia martxoaren 16an
Bertso idatziei ahotsa emateko garaia

2019-03-03 | Miren Osa Galdona
Zeruko Argia eta ARGIAko bertso jarriak
Xanti Zabala "Lexo"ren emaria

2014-01-19 | Imanol Lazkano
Basarriren mendeurrenean
Doinua: Ari naizela

 

Bertsolaritza zeraman bere
bihotz eta bekokian
berrikuntza bat behar zuela
ere berak bazekian.
Ostatuetan jaio zen hura
txertatuaz antzokian
urrats berririk eman ez balitz
norabide... [+]

Eguneraketa berriak daude