Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
igandea 2024ko maiatzaren 19an
Bero-beroan
Europako hauteskundeetarako herri zerrenda
Europaren Konstituzioa gauzatzen ari den honetan, eta Aberri Egunaren karietara, Aralarrek Serafin de Olabe proposamena luzatu du bere militanteei zuzendutako idazkian. Serafin de Olabe XIX. mende bukaerako nafar errepublikazalea zen; 1883an Nafarroako Alderdi Federala sortu eta honek Nafarroako Konstituzioaren Oinarriak finkatu zituen idazki batean. Europako Konstituzioa lantzen ari den garai hauetan, Aralarren Euskal Herriko Konstituzioa egitea proposatzen du. Besteak beste, Euskal Herriaren izaera errepublikarra eta konfederala aldarrikatuko luke konstituzio honek. Patxi Zabaletak hilaren 15eko Deian eman zuen honen guztiaren berri.
Ausardia eta sinetsi nahia
Datozen Europako hauteskundeetan abertzale eta ezkerreko euskal hautagaitza nahi duten guztiei bilera deia egin die herritar talde batek datorren larunbaterako, hilak 4, Donostiako Miramar Jauregian. Herritar talde honek hilaren 17an aurkeztu zuen bere proiektua Donostian eta azaldutakoaren arabera, Euskal Herria Europan nazio gisa agertzeko aukera galdu ezina eta paregabea da. Beste batzuen artean, Sabino Cuadra, Rober Arranbide, Xabier Silveira, Ane Agirregomezkorta, Sonia Gonzalez eta Walter Wendellin dira ekimen berri honen bultzagileetakoak. Hauteskundeak ekainaren 13an izango dira eta, besteak beste, hautagaitzak eratzeko dagoen denbora laburrarekin, datozen bi hilabeteak mugimendu handikoak izango direla antzeman liteke. Beste alderdi abertzaleei dagokienez, EAJk CiU eta BNGrekin joko du hauteskundeetara eta EAk ERC eta Chunta Aragonesarekin. Euskal Herria Bai ekimena bidean geratu ondoren, Aralarrek oraindik ez du zehaztu norekin joango den, nahiz eta bai EAJren zein ERCren gonbitea jaso dutela adierazi duen. Batasunak begi onez ikusi du aurkeztu berri den herritarren zerrendaren ekimena.
Estafeta egunkari berria Nafarroan
Maiatzerako prest izango omen da Nafarroan Estafeta izeneko egunkari berria. Besteak beste, Diario de Burgos argitaratzen duen Burgosko enpresaburu batek bultzatua da proiektua; Nafarroan Canal 6 ere bultzatzen du aipatu enpresaburuak.
Serafin Olabe proposamena landu du Aralarrek
Europaren Konstituzioa gauzatzen ari den honetan, eta Aberri Egunaren karietara, Aralarrek Serafin de Olabe proposamena luzatu du bere militanteei zuzendutako idazkian. Serafin de Olabe XIX. mende bukaerako nafar errepublikazalea zen; 1883an Nafarroako Alderdi Federala sortu eta honek Nafarroako Konstituzioaren Oinarriak finkatu zituen idazki batean. Europako Konstituzioa lantzen ari den garai hauetan, Aralarren Euskal Herriko Konstituzioa egitea proposatzen du. Besteak beste, Euskal Herriaren izaera errepublikarra eta konfederala aldarrikatuko luke konstituzio honek. Patxi Zabaletak hilaren 15eko Deian eman zuen honen guztiaren berri.
Jose Luis Rodriguez Zapatero Espainiako Gobernuko lehendakaria da jada eta bere lehen urrats garrantzitsuan Iraken diren Espainiako soldaduak erretiratzea agindu du, denak ezustean hartuz. Zaila zen halakorik irudikatzea eta are zailago horren goiz. Asko hitz egin da estilo aldaketaz eta honekin estiloa bakarrik ez dela erakutsi du. Eltzea sutan frogatzen dela erantzun zuten gehienek Zapatero Espainiako Gobernuko lehendakari izendatu zutenean eta ez da zalantzarik, oraingoz, eltzeak ongi eusten diola suari. PSOEk aldaketak bultzatu nahi omen ditu, ez omen dira hitz hutsalak, hala diote sozialistei entzun dieten pertsona sinesgarriek. Denbora denborari, beraz, baina ez da txantxetakoa lehen urrats hori. Etsipena eta ezkortasuna multzo handitan dago pilatua, batez ere Euskal Herrian, baina aukera berriak ireki daitezkeela ere bihotz eta arimaz sinetsi nahi da, eta hori ere baliatu beharko litzateke.
Hizkuntza politika aztertuko dute Nafarroako Parlamentuan
Aralarrek proposatu du ponentzia baten bidez azken urteetako hizkuntza politika azter dadin. Nafarroako Parlamentuko alderdi guztiek onartu dute Aralarren proposamena. Euskararen egoeraren diagnostikoa egingo dute lehendabizi eta ondoren, oinarriak ezarri. Aralarrek lan taldean aritzeko gidoia prestatua du eta segidako alorrak mahaigaineratu ditu gutxieneko adostasunak lortzeko: administrazioa, irakaskuntza, komunikabideak, Internet eta unibertsitatea. Patxi Telletxea Aralarreko parlamentariaren ustez, EA, EAJ eta IUz gain, CDN eta PSNrekin adostasunera iristeko itxaropena dutela adierazi du, ez berriz UPNrekin.
Uda Lekuk diru galerak murriztea eta eskaintza hirukoiztea du helburu
Uda lekuk diru galerari eustea lortu zuen iaz. 2001ean 45.208 eurokoa zen diru galera eta aurten 5.603 eurokoa da. Norabide aldaketa horren arrazoi nagusia eskaintza handitzea izan da eta hein berean, diru laguntza gehiago lortu ditu. Iparraldeko haurrek aisialdia euskaraz bizi ahal izan dezaten ahaleginean ari den elkartea 500 haur ingururengana heltzen da. Bilgunearen asmoa aisialdi programak 1.500 haurrengana hedatzea da, horrela, Hendaiako eta Baionako haurrez gain Iparraldeko gainerako haurrei aisialdiaz euskaraz gozatzeko aukera eman nahi die.
Etorkinek euskara ikasteko plana prestatu du Eusko Jaurlaritzak
Kultura eta gizarte gaietarako sailek etorkinak euskarara hurbiltzeko plana prestatu dute. Europako Batasunetik kanpoko etorkinek EAEko zortzi euskaltegitan izango dute euskara ikasteko aukera. HABEk prestatutako Aisa izeneko programaren barruan Bilbo, Gasteiz, Donostia, Barakaldo, Ondarroa, Ermua eta Irungo euskaltegietan emango dituzte ikastarook. Hiri eta herri hauek aukeratu dituzte horietan direlako etorkin kopuru handiak. Ikastaroak lantzeko lau liburu eta zazpi hizkuntzatan idatzitako hiztegia prestatu dituzte.
Korsikeraren ofizialtasuna lortu nahian
Apirilaren 14an 300 ikasle korsikar atera ziren kalera korsikera ikasteko eskubidea aldarrikatzeko eta hizkuntza horren ofizialtasuna eskatzeko. Korsikera bera ikasteko baino ingelesa ikasteko aukera gehiago duten ikasleak martxoaren 16az geroztik astero bildu dira, hau da, lurralde hauteskundeen lehen itzuliaren aurretik.
Irakurrienak
Matomo erabiliz
#1
Cira Crespo
#4
Miel Anjel Elustondo
Azkenak
2024-05-17
Jon Hidalgo Gereñu
Netanyahuk ez dauka “gerra osteko” planik Gazarako
Yoav Gallant Israelgo Defentsa ministroak publikoki leporatu dio Netanyahuri “gerra” amaitzerako planik ez izateak Israel behartuko duela Gazan kontrol militar eta zibila inposatzera. Palestinako Aginte Nazionalaren egitekoari buruzko eztabaidak talkak sortu ditu... [+]
2024-05-17
ARGIA
LGTBIfobiaren aurka egingo dute ostiral arratsaldez manifestazio ugaritan
LGTBIfobiaren aurkako eguna da maiatzaren 17an eta arratsaldez mobilizazio ugari izango dira Euskal Herrian barrena. Albistearen bukaeran ematen dizuegu horietako batzuen berri.
Eguneraketa berriak daude