Zortzikoa eta dantza-jauziak ikasteko ikus-entzunezko materiala sarean
Dantza bakoitza pausoz pauso ikasteko ariketak eta adibideak jaso ditu Aritz Ibañez dantza-maisu iruindarrak "Pausoka dantzan: Klik eta dantza!" proiektuan, eta dagoeneko erabilgarri daude Dantzan.eus webgunean. Sortutakoak Tradizionalaren 9. edizioan material didaktikoa egiteko hautatutako proiektua Iruñeko Euskokultur eta Dantzan elkarteekin batera garatu du.
Pausoka dantzan
Dantzak pausoz-pauso irakasteko materiala jasotzen du Pausoka Dantzan proiektuak. Aurretik izan dira antzeko ekimen eta tutorialak. Patxi Laborda, Iparraldeko Dantzarien Biltzarra, Aiko Taldea eta bestelako hainbat elkarte eta erakundek sareratu izan dituzte dantzak ikasteko ikus-entzunezko materialak. Haien hariari tiraka, material eta baliabide berriak ekoitzi ditu Aritz Ibañezek, Euskokultur eta Dantzan elkarteekin burututako lanean.
Dantzarako material didaktikoaren beharra
Dantzan Ikasiren I. Topaketetan bistaratu zen dantza irakasteko material didaktiko urria dagoela. Behar horri erantzuteko ahaleginean, Sortutakoak Tradizionalaren hurrengo deialdian jarri zen abian irakasteko materiala sortzeko lerroa.
Bideo-tutorialen bidez, gailu digitaletara bideratutako lengoaian, zortzikoaren eta dantza-jauzien elementuak definitu, eta hutsetik ikasteko moduan sareratu ditu Ibañezek: musikaren neurria eta hura lantzeko ariketak, oinarrizko gorputz mugimendua, mugimendutik urratserako definizioa, urratsen konbinazioa… Dantzarientzako aproposa izateaz gain, irakaskuntza arautuan ari diren irakasleentzako egokiak suerta litezke bideo-tutorialak eta idatzitako azalpenak.
Dantza-jauziak eta zortzikoa
Azken hamarkadetan Nafarroako iparraldetik Euskal Herri osora hedatutako bi dantza hautatu ditu Aritz Ibañezek Pausoko Dantzan abiatzeko. Zortzikoa batetik, ezagunena Lantzeko inauterietan dantzatua izanagatik, Baztan, Malerreka edota Bortzirietako herrietan dantzatzen dena; bestetik dantza-jauziak (toki askotan muxiko izenez ezagunak), izen propioa duten puntuak konbinatuta, neurri irregularreko doinuekin dantzatzen direnak.
Hala zortzikoa, nola dantza-jauziak azaltzeko notazio-sistema bat baliatu du, ikasketa prozesuari laguntzeko. Gorputzaren mugimenduak dantzaeran duen eraginaren azalpen xehekin, dantzon inolako ezagutzarik gabe ere ikas liteke dantza bakoitza.
- Dantza-jauziak: Zortzikoa pausoka
- Dantza-jauziak: Zortzikoa dantzan
- Dantza-jauziak: Oinarriak
- Dantza-jauziak: Puntuak 1
- Dantza-jauziak: Puntuak 2
- Dantza-jauziak: Puntuak 3
Aritz Ibañez (Iruñea, 1979)
Duguna dantza-taldeko zuzendari eta dantza-maisua. Iruñerrian eta Nafarroan kultur ondarea jasotzen eta sortzen ibilbide luzea egiten dihardu. Duguna taldearen buruan, Iruñeko urte errituala osatzen ari da: Iruñeko ezpata-dantza (2009), San Blas eta San Juan egunetako soka-dantzak (2013), Trokeo-dantzak (2017). Halaber, zenbait elkarte eta eragilerekin sortu zituen Bidador pastorala (2015) eta Iruinkokoa (2019). Argia taldeko ikuskizunetan eta sorkuntza-prozesuetan parte hartzen du 2007tik.
"2000. urteko San Joan egunez, aspaldiko urteko jende multzorik handiena bildu zen Andoaingo Goikoplazan, hamabiak jotzearekin batera dantzarako prest. Lehenengo aldiz gizon eta emakumez osatuta zegoen axeri-dantzarien taldea zen". Hitz horiekin ireki zuen "Emakumeak... [+]
Elkarrizketa ilustratzeko erabili dugun argazki nagusia 1970eko hamarkadan hartua da. Erratzuko plaza festetarako apainduta ageri da, ezpelez atonduriko ohiko eszenatokiarekin eta etxetik etxera zintzilik, dilindan dauden xingolekin. Urrunean bi soinulari agertzen dira, Maurizio... [+]
Adina ez dela dantzan aritzeko oztopo agerian utzi dute Errenteria-Oreretako Beti Bizkor elkarteko euskal dantza taldeko kideek. Dantzaren onurak argi erakusten dituen testigantza esanguratsuak jaso ditu Ikerne Zaratek Oarsoaldeko Hitzan argitaratutako Adina ez dadin ekiteko... [+]
Biteri Kultur Etxean egin dugu zita Pepi Arrospiderekin (Hernani, 1952). Izaskun Auzmendirekin (Arribe, 1964) agertu da, biak San Joan konpartsako kideak. Telefonoa. Auzmendirena da, hizketan hasi da, baina Arrospide adi-adi dago. Ia sartu da telefonora bera ere. Segituan... [+]
Iurretan 1995ean andreek soka-dantza nola plazaratu zuten idatziz jasoa du Jon Irazabalek. Izan ere, 1837ko San Migel jaietan emakumeek osatutako aurreskua dantzatu zela ikusita, arrasto haiei jarraika, kopla doinuz lagundutako soka-dantza ikasi eta kaleratu zuten Iurretako... [+]
Dantzaren munduan gabiltzanok askotan errepikatzen dugun ideia da dantza efimeroa dela. Elhuyar hiztegiak espainoleko "efímero"-ren ordaintzat ematen ditu honakoak: efimero, suntsikor, galkor, iragankor, iraungikor, ilaun. Ez dut gogoan nori irakurri nion... [+]
Azken urteetan Lapurdiko kontserbatorioan euskararen eta diziplina tradizionalen presentzia handitu da eta euskal dantzako ibilbideari forma ematen ari dira; irailean hasi da lehen zikloa. “Herri Elkargoa sortu zen Iparraldean eta nahi zuten herri musika eta herri... [+]
Lesakako ezpata-dantzariak San Fermin egunerako ezpata-dantzako entseguetan dabiltza azken hilabetean. Hamabost atera ohi dira dantzara, eta besteak titularren batek hurrengo urteetarako lekua utzi zain daude.
Transmisioa eta dantza taldeetako erreleboa aztertu nahi izan dugu Dantzan Ikasi topaketetan, eta gazte belaunaldiek lan egiteko ereduak ezagutu nahi izan ditugu “Gazteen parte-hartzea euskal dantzan” mahai inguruan: Eder Niño Barakaldoko... [+]
Iruñeko alkate Joseba Asironek prentsaurrekoan iragarri duenez, Duguna dantza taldeak jaurtiko du 2024ko Sanferminetako txupinazoa. Duguna izan da Iruñeko herritarren boto gehien jaso duen hautagaitza. Hain zuzen dantza taldearen sorreraren 75. urteurrena ospatzen... [+]
Gerratik ihesi 1937ko ekainean Donibane Garazin Bilbo eta inguruetako 600 haur jaso zituzten. Hiriburuko Ziudadelan Eusko Jaurlaritzaren menpeko eskola kolonia bihurtu zuten, eta bi urtean 8-14 urteko 800 bat haur igaro ziren bertatik. Haurrekin 80 bat heldu ere iritsi ziren:... [+]
Aste hondar honetan euskal dantzen hiriburu bilakatu da Hendaia. Akelarre dantza talde hendaiarraren 50. urtemugaren testuinguruan, Lapurdi, Baxe Nafarroa eta Xiberoako hamasei dantza talde elkartu ditu bertan Iparraldeko Dantzarien Biltzarrak.
Iazko azaroko Sansaturnino eguneko ospakizunak gibelean utzita, Iruñeko Duguna dantza taldeak 75. urteurreneko ekitaldiekin aitzina eginen du martxo hondar eta apiril hastapenean. Ondorengo lerroetan taldeak berak azaltzen ditu ospakizunok.