Bilboko Aste Nagusiko zezenketak auzitan: publiko gutxi, gastu handia

  • Bilboko zezen plazako harmailak ia hutsik erakusten dituen argazkiak zeresana eragin du sare sozialetan: bestelako eztabaidez aparte, Aste Nagusiko programako zezenketek erakartzen al dituzte herritarrak?


2015eko abuztuaren 24an - 11:21
Sare sozialetan zabaldu den argazki honek erakusten du nola dauden harmailak ia hutsik Bilboko zezen plazan.

2015eko ekainean aurtengo zezenketen programa aurkeztu zenean, hainbat hedabidek nabarmendu zuten ikuskizun mota honetako izar nagusien presentzia. Ez dirudi ordea Bizkaiko hiriburuan zaletasun handirik dagoenik, eguterako harmailan eserleku gehiago ageri baitira hutsik beteta baino.

EH Bildu koalizioak Twitter bidez “hondorik gabeko putzu” gisa deskribatu du zezenketek Bilbon eragiten duten gastua. Gaiari buruzko polemika lehenagotik dator eta Juan Mari Aburto alkateak (EAJ) uztailean aurreratu zuenez, Udalak zezenketetarako sarreretan egiten duen gastua erdira jaistea proposatuko du.

Zezen plaza bera gastu-iturri handia da: ia 15.000 euroko galerak izan zituen iaz, EH Bilduk joan den ostiralean adierazi zuenez. Horren aurrean, espazioa bestelako erabileretarako egokitzea proposatu du koalizioak.


Kanal honetatik interesatuko zaizu: Zezenketak
2023-09-06 | ARGIA
1.761 ekitalditan zezenak erabili dituzte Hego Euskal Herriko festetan

Herriko festetan, zezenak erabiltzen dituzten ekitaldietan udalek zenbat diru gastatzen duten ikertu dute AnimaNaturalis eta CAS International elkarteek. Hego Euskal Herriko datuei erreparatuz gero, Azkoien eta Azpeitia nabarmendu dituzte.


2023-07-05 | Ilargi Manzanares
Sanferminetako zezenketen aurkako protesta egingo dute gaur Iruñean

AnimaNaturalis eta PETA erakundeak antolatu dute protesta, Udal Plazan 12:00etan, festak hasi baino egun bat lehenago. Nafarroako, Espainiako eta Europako aktibistak elkartuko dira. Manifestazioa AnimaNaturalisen “odolik gabeko Sanfermin” kanpainaren barruan dago.


2023-06-19 | Ilargi Manzanares
Zezenketen aurka manifestatu dira ehunka lagun Bilbon

Joan den larunbatean, ekainaren 17an, Bilbon, Animalistak kolektibo antiespezistak Azken erasoaldia lelopean antolatu zuen manifestazioa.


Donostiako Udalak zezenketak "laguntzen jarraitzen" duela salatu du Eguzkik

Cristina Lage Turismo zinegotziak Urrezko Maskorra saria eman dio berriki Roca Rey toreatzaileari, 2022ko Aste Nagusian faenarik onena egiteagatik. Horren aurrean, Eguzki Erakunde Ekologistak salatu du Donostiako Udaleko zinegotzi batek toreatzaile bati sari bat emateak... [+]


Eguneraketa berriak daude