Zer dago ibaiaren beste ertzean? Industriak Urumean izandako inpaktua aztertuko dute

  • Ibaiaren inguruan dagoen industria ondarea eta paisaiari buruzko programa antolatu du Cristina-Enea fundazioak HidroLogikak proiektuaren bidez.


2019ko maiatzaren 09an - 15:15

Bereizi ezin diren “txanpon beraren bi aurpegiak” ulertu behar direla dio Eneko Calvo HidroLogikak proiektuaren koordinatzaileak: alde batean dago Urumeak natur elementu gisa balio duena, eta bestean alor kulturala, bere hitzetan. Eta azken horren barruan koka dezakegu gizakiaren etengabeko esku-hartzearen ondorioz sorturiko industria ondare “aberatsa”.

Cristina-Enea fundazioak antolatu ohi duen HidroLogikak, Urumeako ondare industrialaren inguruko programa osatu du aurten, eta abuztuaren 31 bitarte, irteerak eta bisitak egingo dituzte ibaiak biltzen dituen altxor ezberdinak ezagutu eta bere natur baliabideen ustiaketak sorturiko inpaktuaz ere kontziente izateko.

Ondare hori “gizaki bezala izan dugun garapen historikoari buruz mintzo da”, dio Calvok. Horren inguruan herritarraren jakin mina pizteko jarduerak antolatu dituzte, hala nola paisaia industrialari buruzko hitzaldiak, edo haurrentzako ekitaldiak eta musika emanaldiak.

1860an eraitsi zituzten Donostiako harresiak eta geroztik Urumearen estuarioak urbanizatuz joan da gizakia, hezeguneak lehortu ditugu eta auzo berriak sortu. Txema Hernandez Cristina-Enea fundazioko zuzendariaren esanetan, jendearen parte-hartzearen bidez bai eta hausnarketak eta erreakzioak sortuz, horren guztiaren oroimena berreskuratu nahi dute, beti ere kontuan edukita ibaiaren ingurumena eta natur aberastasuna “elementu bateratzaile” izan direla.

Programa San Telmo museoarekin elkarlanean osatu dute eta industriari loturiko museoaren aretora bisita gidatuak egiteko aukera izango da besteak beste.


Kanal honetatik interesatuko zaizu: Natura
Nabigazioaren historiaren argazkia

2019an, Greziako Kasos uharteko uretan, ikerlan bat abiatu zuten Ikerketa Helenikoen Fundazio Nazionalak eta Greziako Kultura Ministerioak. Lanaren emaitza berriki jakinarazi dute: guztira, hainbat garaitako hamar ontzi-hondar aurkitu dituzte. Zaharrenak 5.000 urte inguru ditu... [+]


2024-03-25 | Iñaki Sanz-Azkue
Ospea ez da beti ona

Euskal Herriko muskerren artean ez da handiena, baina ziur asko, bai ezagunena. Musker berdeak, izenak dioen moduan, gorputz berdea du oso, eta ugal garaian, buru eta lepo aldea urdinduak izan ohi ditu. Gainontzean, puntu beltz txikiz osaturik izaten du gorputza, baina bere... [+]


Ur kontsumo arduratsua lantzen hasi eta erreka garbiketa herrikoia antolatzen bukatu dute Legutioko ikasleek

Ikasleekin uraren gaia lantzeak askorako eman du Legutioko Garazi eskolan: ikastetxeko komunetako iturri eta dutxetan ura alferrik ez galtzeko modua ezarri dute, eskolako ortuan euri ura aprobetxatzeko sistema planteatu dute eta herriko errekatik zaborra ateratzen 70 bat lagun... [+]


Kanpaiak nonahi

Taxonomia, espezieen ezaugarri txikienak kontuan hartuz bata bestearengandik bereiztea eta identifikatzea helburu duen zientziaren alorra da. Mila jatorri, mila izen arrunt, eta izen zientifiko bakarra baino ez. Lan zail bezain garrantzitsua da izenak adostea, espezie jakin... [+]


Eguneraketa berriak daude