Zentral eolikoaren proiektuaren aurka agertu dira Azazetako herritarrak
Ehun lagun baino gehiago elkartu ziren igandean Azazetan, Arabako Mendiak Aske plataformarekin batera, Eusko Jaurlaritzak eta Iberdrolak Gasteizko Mendietan kokatu nahi duten Azazeta izeneko zentral eolikoaren proiektuari aurkakotasuna adierazteko.
Elkarretaratzea egin zuten igandean Azazetako zentral eolikoaren proiektuaren aurka. Ehun lagun baino gehiago batu ziren Arabako Mendiak Aske plataformak, Eusko Jaurlaritzak eta Iberdrolak Gasteizko Mendietan kokatu nahi duten Azazeta izeneko zentral eolikoaren proiektuak kaltetutako herriekin batera egindako deialdira.
Azazetan egin nahi den zentral eolikoa bezalako proiektuek, Eusko Jaurlaritzak bultzatuak, naturguneen biziraupena kolokan jartzen dute, hankaz gora jarriz Arabako Foru Aldundiak orain arte garatutako printzipio eta politikak, naturaren babesera bideratuak. Arabako Mendiak Askek azaldu duenez, gainera, erabilera publikoko eremu sekularrak pribatizatuko dituzte, kontuan hartu gabe kudeaketa komunala izan dela, hain zuzen, eremu naturalen biziraupenaren gako garrantzitsuetako bat.
Oro har, Azazetako proiektu eolikoak lurraldeko mendien industrializazioa, biodibertsitatearen mehatxua eta galera, balio handiko baso-azaleraren eta horri lotutako ekosistemen galera, hegaztien eta saguzarren heriotza eta akuiferoen kutsadura ekarriko dituela azaldu dute elkarretaratzean, eta inguruko herrietan bizi diren pertsonei eragiten dien inpaktu akustikoa ere aipatu dute.
Azpimarratu nahi izan dute Administrazio Batzarrek ezetz esan diote Azazetako zentral eolikoari, Arabako Ahaldun Nagusiak eta Eusko Jaurlaritzako ordezkariek kontuan hartu ez badute ere: «Proiektu horren aurkako jarrera agerikoa da, eta horrela gezurtatu egiten ditu Ahaldun Nagusiak gertaera hori ukatuz egin zituen adierazpen publiko arduragabeak. Energia-enpresek adierazitako interes ekonomikoetara eta herri-lurren jabetzara makurtzen ari zarete, lurralde honetan bizi garen pertsonek erabakitakoa zapalduz». Berriki onartu den Tapia Legea ere arbuiatu dute, proiektu horiei bidea erraztearren, administrazio lokalen eta herritarren borondatearen kontra.
Eskatu dute, «premiaz eta behin betiko» mendilerroak, korridore ekologiko diren aldetik, esklusio-eremutzat har daitezela horrelako azpiegituretarako.
Edozein arlotan, arazo bat suertatzen denean, eta ia inor ados jartzen ez denean, ohiko galdera plazaratzea da onena: Nori egiten dio mesede?
Sugea ikusi orduko: “Sugegorria!”. Telesforo Aranzadi zenak esaten baitzuen, begiek ez dutela ezagutzen dutena baino ikusten. Eta sugegorria ezagutu, ezagutzen dugunez (entzunaz, sikiera), hori bera izaten da joera: ikusten dugun suge oro sugegorria dela iruditzen... [+]
Artzain gisa hirugarren kanpaina du aurtengoa Koldo Vicente Eseberrik. Familia Otsagabikoa izan arren, Iruñean bizi izan zen txikitatik, baina abeltzaintzaren munduarekin harreman estua izan du beti. “Osaba artzaina zen, haragitarako ardiak zituen hemen, eta txikitan... [+]
Bada Garde. Urrutira gabe hor dago, urrutieneko mugaren guardan. Umetan ezagutu nuen Garde, ez dut gogoan zenbat urte nituen, baina landatuta geratu zitzaidan han ikusi nuena.-
Dei batek dena alda dezake. Eguna bai, bederen. Hurrengo orduetako martxa, sikiera. Ourensen dagoen lagunak jasotzen du Noainen dagoen Lugoko lagunaren deia. Dei bakar batek ekarri zituen Galizako elkarte bateko zortzi artzain eta ahuntzain bat etxera. Zoragarria izan zen... [+]
Valle de Odietako epaiketa epaiaren zain geratu da ostiral honetan Iruñeko Justizia Jauregian akusatuek deklaratu eta akusazioek eta defentsak haien ondorioak azaldu eta gero. Ez da aldaketarik egon alde bakoitzak egindako eskaeretan.
Vichamako (Peru) aztarnategian, arkeologoek 3.800 urte inguruko estatuatxo berezi bat aurkitu berri dute. Caral zibilizazioaren azken arokoa da, eta bi apo irudikatzen ditu.
Aztarnategi bereko hainbat hormairuditan gosetea, lehortea eta, finean, ingurumen krisiari lotutako... [+]
Garaipen historikotzat jo dute hainbatek: duela sei urte Ozeano Bareko estatu zaurgarrietako ikasle talde batek bultzaturiko ekimen baten ondorioz, Nazio Batuen auzitegi gorenak iritzia plazaratu du uztailaren 23an, zeinak munduko estatuek klima aldaketari begira dituzten... [+]
Italiako hainbat hiritan hondartzen eta itsasoaren izaera publikoa aldarrikatzeko mobilizazioak egin ditu udan Itsasoa Aske mugimenduak. Hondartzen erdia enpresa pribatuek kudeatzen dutenez, bainua hartzeko ordaindu beharra daukate herritarrek. Zonalde turistikoenetan ordainpeko... [+]
2023ko uztailean jaso genuen berria antzuolarrok. Irimon bi aerosorgailu erraldoi jartzeko proiektu bat aurrera eramateko eskaera jaso zuela Udalak. Hasieran zalantzak eta galderak: nor zegoen proiektuaren atzean? Zein zen proiektuaren benetako helburua? Zein izango... [+]
Emakumea eta lurra elkartzen dituen liburua idatzi du Onintza Enbeitak: Bizitza baten txatalak. Gure aurrekoen bizimodua jaso du, andre baten ahotan: "Baserria bere horretan, erromantizismorik gabe". Feli Madariaga (1932, Baldatika, Forua, Bizkaia) da andre hori, lurrari... [+]
François Bayrouk dimisioa eman eta ordu gutxitara izendatu du Emmanuel Macron Frantziako presidenteak ordezkoa: Sébastien Lecornu izango da lehen ministro berria, aurretik Defentsa ministro izandakoa eta Macronen oso gertukoa. Oposizioa haserre mintzatu da, ezker zein... [+]
Erdialdeko Amerikan izan da ARGIA uztailean, meatzaritza metalikoko megaproiektuek sortzen dituzten kaltean bertatik bertara ezagutzen. Guatemala eta Honduraseko meatzeak bisitatu ditu, eta El Salvadorren ere izan da, bertako egoera politikoaren berri jasotzen: herrialdean... [+]
"Berdela iparralderantz ari da mugitzen, itsasoa berotzeak sardinari ez dio on egiten eta geroz eta gutxiagoa dago, antxoarentzat ona da eta geroz eta gehiago dago, baina txikiagoa da...", dio Aztiko ikerlari Xabier Irigoienek, EITB Datak tenperaturaren gorakadaz egin... [+]