Zarauzko EAJko zinegotzi ohi baten txaleta eraitsi egin behar dela ebatzi dute, legez kanpo eraiki zelako
Epaitegietan hamar urte bete ditu auziak, eta azkenean EAEko Auzitegi Nagusiak ebatzi du beste epaitegi txikiagoek ikusten ez zutena: ez zela baserri zaharra "eraberritu", baizik eta askoz ere eraikin handiagoa altxatu zela eta behar zuen lekutik urrunago. Legez kanpo egin zela, hortaz. Errekurtsoa ipintzeko epea zabaldu dute.
Aiako Udalaren lurrak diren arren, Zarauztik bete-betean ikusten den etxe bat da auziaren erdian dagoena, hamaika logela, beste hainbeste bainugela eta sukalde industriala dituena. Zarauzko EAJko zinegotzi ohi baten familiarena da eta Zarautz eta Orio arteko Talaimendi lur-eremu babestuan dago kokatuta.
Gipuzkoako Aire Federazioak duela hamar urte ipini zuen lehen salaketa, parapentean aritzen direnek presio eginda, haiek erabiltzen zuten natur-eremu zatia hesitu egin zutelako, eta, itxura zuenez, obra legez kanpokoa izan zitekeelako. Orain, Azpeitiko epaitegiak eta Donostiakoak esandakoaren kontrara, EAEko Auzitegi Nagusiak zera dio: eraikina eraitsi eta lurrak lehengoratu egin behar direla, prozedura legez kanpokoa izan zelako, eta Aiako Udala zigortzeko bidea abiatuko duela, baimenak bidegabe emateagatik. Hala jakinarazi du administrazio auziekiko bigarren aretoak, Juan Carlos da Silva, Ángel Ruiz eta Irene Rodríguez magistratuen tribunalak.
Legez kanpoko prozedura
Amezti baserria legez "berreraiki" egin zen ala ez, horixe dago auziaren oinarrian. Baserriaren jabea, Garrastazu familia, hamaika anai-arrebaz osaturikoa sendia da, eta horietako bat da Maite Garrastazu, Aiako Udalaren obra lizentziak eskuratu eta eraikuntza egin zenean Zarauzko Udaleko hirigintza eta obra zinegotzia zena. Bi udal gobernuak, gaur egun bezalaxe, EAJrenak ziren. Alderdi beraren barruan irregulartasunak egon zirela salatu zuen Gipuzkoako Aire Federazioak duela hamar urte, baina Azpeitiko instrukzio epaitegiak esan zuen ezin zela halakorik frogatu.
Baserria eremu babestuan kokatzen zenez, Aiako Udalaren urbanizazio legeen arabera, eraikina eraberritu edo gehien jota berreraiki egin daiteke –egoera kaskarrean aurkitzen dela frogatzen bada–, baina betiere jatorrizko eraikinaren 50 metroko erradioan. Eta, berreraikitzen bada, eraikin berriak antzerako neurriak mantentzeko agintzen du Jaurlaritzaren araudiak. Legedia hautsi zela dio EAEko Auzitegi Nagusiaren ebazpenak.
Gipuzkoako Aire Federazioak denuntzian jaso zuenez, 183 metro karratu zituen baserriak eta 469 eraikin berriak; eta 50 metroko erradioan egin beharrean, jatorrizkotik gutxienez 200 metrora kokatzen da eraikina. Aiako Udalak bere garaian argudiatu zuen, hamaika logela eta beste hainbeste bainugela edukitzearena, "familiaren ezohiko konposizioagatik" zela.
Etxebizitza baino, eraikitzen ari zirena "hotela" zela salatu izan du parapente zaleek bultzaturiko SOS Talaimendi plataformak. Urteotan ez zaio, ordea, erabilera turistikorik eman; ez da halakorik frogatu.
Traba luzeak izan dira epaitegietan. Epailez eta instrukzioz aldatu da, eta EAEko Auzitegi Nagusiaren ebazpenarekin ez da bidea amaitu; errekurtsoa jartzeko epea zabaldu zaie Garrastazu familiari eta Aiako Udalari.
Azken bost urteak isilak izan dira epaitegietan. Azkenekoz 2019ko abenduan artxibatu zuen kasua Gipuzkoako hirugarren epaile batek behin-behinean, aurreko epaileak egindako hanka-sartzeak behartuta.
Kasua sakon aztertu genuen erreportaje honetan, 2020ko maiatzean:
Aranzadi Zientzia Elkarteko Etnografia Sailaren zuzendari berria da Maite Errarte Zurutuza (Beasain, 1995), urrian Fermin Leizaolaren lekukoa hartu ondoren. Kultura materiala aztertzen jarraitzeko beharra azpimarratu du, gizartearen memoria eta bizimodu aldaketak erregistratzeko... [+]
2020. urteko udaberrian lorategigintzak eta ortugintzak hartutako balioa gogoan, aisialdi aktibitate eta ingurune naturalarekin lotura gisa. Terraza eta etxeko loreontzietan hasitako ekintzak hiriko ortuen nekazaritzan jarraitu du, behin itxialdia bareturik. Historian zehar... [+]
Aspaldi pertsona oso zatar bat ezagutu nuen, urrun izatea komeni den pertsona horietako bat. Bere genero bereko pertsonengana zuzentzeko, gizonezkoengana, “bro” hitza erabili ohi zuen. Edozein zapaltzeko prest zegoen, bere helburuak lortzeko. Garai hartatik hitz... [+]
Hurrengo ariketa egin ezazu zure lantokian, euskaltegian edo gimnasioan:
Altxa eskua Minneapoliseko George Floyd nor den dakizuenok.
Altxa eskua Madrilgo Mame Mbaye nor den dakizuenok.
Altxa eskua Barakaldoko X nor den dakizuenok.
Mame Mbaye manteroa duela zazpi urte... [+]
Joan den urte hondarrean atera da L'affaire Ange Soleil, le dépeceur d'Aubervilliers (Ange Soleil afera, Aubervilliers-ko puskatzailea) eleberria, Christelle Lozère-k idatzia. Lozère da artearen historiako irakasle bakarra Antilletako... [+]
“Saihestu egingo dira giza eskubideen, ordenamendu juridikoaren eta espetxeetako tratamendu psikosozialaren aurkako balioak eta jarrerak babestea, justifikatzea eta goratzea ekar dezaketen adierazpenak”, dio, besteak beste, agiriak. Azaroan Eusko Jaurlaritzako... [+]
Gogora Institutuak 1936ko Gerrako biktimen inguruan egindako txostenean "erreketeak, falangistak, Kondor Legioko hegazkinlari alemaniar naziak eta faxista italiarrak" ageri direla salatu du Intxorta 1937 elkarteak, eta izen horiek kentzeko eskatu du. Maria Jesus San Jose... [+]
EAJk, EH Bilduk eta PSE-EEk ekimen bat adostu dute Eusko Legebiltzarrean Hezkuntza Sailari eskatzeko Iradi software libreko hezkuntza plataforma hedatzen jarraitzeko. Zenbait ikastetxetan ezarri da Iradi orain arte. Baliabide partekatuak, komunikazio zerbitzuak (e-posta eta... [+]
Oier Sanjurjo Maté hautatu dute Nafarroako Ikastolen Elkarteko lehendakari. Atzo egindako asanbladan erabaki zuten izendapena. "Mugarri garrantzitsua da euskarazko hezkuntzaren etorkizunerako foru erkidegoan", adierazi du Ikastolen Federazioak ohar batean.
A-15 errepideko trafikoa N-I errepidearekin bat egiten duen tokian eraikiko litzateke lotune berria. Andoainen N-I errepidearen "afekzioak murriztu" eta ingurunean "modu hobean" integratuko dela adierazi du aldundiak. Udalak 2011ko eta aurtengo proiektuen... [+]
Eskolaz kanpoko jardueren eskaintza zabala egiten duten ikastetxeen aldean, beste askok ez du horretarako aukerarik; eta eskola bereko ikasleen artean ere, denek ezin dute ekintzetan parte hartu, baliabide ekonomikoek baldintzatuta. Esku hartzeko dei egin diete instituzioei:... [+]
Bilboko Arrazakeriaren Aurkako Asanblada Arrazakeria ez da eztabaidatzen, borrokatzen da. Ordena kolonialari sua! lelopean antolatu du mobilizazioa, Arraza Diskriminazioa Ezabatzeko Nazioarteko Egunean. Gizarte eta erakundeei "iragan esklabista eta koloniala"... [+]
2023an Zaballako espetxean euskal presoen alde egindako martxarengatik ezarri zizkieten isunak. Helegiteen ezeztapenaren aurrean epaitegietara joko dutela adierazi du antolakundeak, eta Poliziaren inpunitatea salatu du.
Endometriosiaren Nazioarteko Eguna izan zen, martxoak 14a. AINTZANE CUADRA MARIGORTAri (Amurrio, 1995) gaixotasun hori diagnostikatu zioten urtarrilean, lehen sintomak duela lau urte nabaritzen hasi zen arren. Gaitz horri ikusgarritasuna ematearen beharraz mintzatu da.
EH Bildu agintean dagoen udalak gaztetxearen etorkizuna ziurtatzeko aterabide bat adosteari "uko" egin diola salatu du Burlatako Gazte Asanbladak. Beste hainbat gaztek udaletxe kanpoan kanpatu dute, eta goizean zehar bertara hurbiltzeko dei egin dute.