Euskal Elkargoko lehendakariak eta Baionako auzapez Jean-René Etchegaraik eta Bake Bideako lehendakariak Anaiz Funosasek Xistor presondegian atxikitzeko epaileek emandako “arrazoiak”, “aitzakia huts” gisara baloratu zuten, baita gogor kritikatu ere.

Halaber, tribunalak “erabakiari eusten badio, agintari politikoen artean are “frustrazioa eta haserrea” handiagoa eragin dezakeela esan ere. Bereziki, Ipar Euskal  Herrian presoaren ardura hartu dutenen hautetsien artean: “Ez dugu onartzen azken hamar urteetan jendarte baketsua lortzeko egindako  ahaleginak horrela zapuztea”, Biek ala biek, epaileen erabakia “mendukotzat” jo dute.

Xistor-ren aldeko atxikimendu ekintzak abian dira jada: azaroaren 2an “gogoeta une” bat iragarri dute erakunde politikoek eta gizarteko ordezkariek. Bilkura horretan euskal presoen egoeraz mintzatuko da eta “irtenbide integrala” erdiesteko moldeak aztertuko dituzte.

Anartean, larunbat honetan, urriaren 12an, Ipar Euskal Herriko hainbat herrietako bide biribilgunetan –Oztibarre eskualdean, Donibane Garazi, Larresoro eta Sara herrietan, besteak beste– konzentrazioak deituak izan dira “Itzuli-mitzuli aski” lemapean.

Errotonda edo biribilguneak une eta gune gisara antolatu nahi dituzte deitzaileek, baita gaua ere pasatzeko kanpinak izanen direla iragarri ere. Euskal preso politikoen egoera aztertuko da eta bereziki, Xistor Haranburu, Lorentxa Beyri eta Ibon Fernandez Iradi presorena,